„მსგავსი შეხვედრები დღესაც ხდება, თუმცა გაცილებით ორგანიზებული იგეგმება. სექტემბრიდან გარკვეული ჯგუგები რეგიონებში გავლენ და იქნება შეხვედრები მოსახლეობასთან" - აცხადებს „რეზონანსთან" უმრავლესობის წევრი ნუკრი ქანთარია „ქართული ოცნების" სამომავლო გეგმების შესახებ საუბრისას.

„აზერბაიჯანი არის ჩვენი სტრატეგიული პარტნიორი და არაერთხელ დაგვიდგა გვერდში. როდესაც „ქართული ოცნება" მოვიდა ხელისუფლებაში, სიტუაცია დაიძაბა, ხოლო დავით გარეჯში საქართველოს პრეზიდენტ ზურაბიშვილის ჩასვლის შემდეგ, სიტყვის პირდაპირი მნიშვნელობით, მან ატომური ბობმი ააფეთქა. მაგრამ აზერბაიჯანელებს პატივი უნდა ეცათ ქართველი ხალხისთვის და არა ხელისუფლებისთვის", - ასე შეაფასა „რეზონანსთან" საუბრისას ოპოზიციის ერთერთმა ლიდერმა, პაატა დავითაიამ დავით გარეჯის გარშემო შექმნილი ვითარება.

"ოპოზიციის ნაწილს ისეთივე ცუდი ნაბიჯები აქვთ გადაგმული, როგორც ხელისუფლებას და მათი შექმნილი კომისია რამდენად ეფექტური იქნება, როგორ გონიათ?"- ასე ეხმაურება "ოცნების" ყოფილი დეპუტატი დავით ჭიჭინაძე "ნაციონალური მოძრაობის" მოთხოვნას 20 ივნისის მოვლენებთან დაკავშირებით პარლამენტში შეიქმნას დროებითი საგამოძიებო კომისია.

როგორ პარლამენტს მივიღებთ დაანონსებული პროპორციული სისტემით, ბლოკების გარეშე და 0.67%-იანი ბარიერით? კონსტიტუციონალისტი ვახტანგ ხმალაძე „რეზონანსთან" საუბარში აღნიშნავს, რომ აღნიშნული სისტემით შესაძლებელია პარლამენტი იყოს ძალიან ჭრელი, რომელიც სტაბილურობის თვალსაზრისით კარგი არ არის.

20 ივნისის აქციის დარბევიდან 26 დღე გავიდა და პროკურატურამ უფლებამოსილების გადამეტების ბრალდებით კიდევ ერთი პოლიციელი დააკავა. ეს უკვე მეორე პოლიციელია, ვისაც მომიტინგეებზე ფიზიკური ძალადობის გამო სს ბრალი წაუყენეს. 8 მომიტინგე და ერთი პოლიტიკოსი 2 პოლიციელის წინააღმდეგ - ასეთი ბალანსით მიმდინარეობს გამოძიება ე.წ. 20-21 ივნისის საქმეზე.

სექტემბრიდან ქართულ სკოლებში იაკობ გოგებაშვილის „დედა ენა" დაბრუნდება, ვერსია ადაპტირებული იქნება - პრემიერ-მინისტრის მიერ ვარიანიდან საგანგებო ღონისძიებით ამ სიახლის გამოცხადებას ექსპერტების დიდ ნაწილსა და ოპოზიციაში მძაფრი კრიტიკა მოჰყვა.

"პროპორციულ საარჩევნო სისტემაზე გადასვლის პროცესი არ ჩაიშლება და ეს საკითხი პარლამენტში უმრავლესობის მიერ იქნება მხარდაჭერილი"- ასე ეხმაურება უმრავლესობის წევრი რევაზ არველაძე ოპოზიციის განცხადებას, რომ პროპორციული სისტემით არჩევნების ჩატარების წინააღმდეგი არიან მაჟორიტარები და შეიძლება ეს შიდა დემარში ხელისუფლებამ თავის სასარგებლოდ გამოიყენოს და პროცესი ჩაიშალოს.

„მოსამართლეს (ილონა თოდუაძეს) წლების განმავლობაში ჰქონდა სახლი და როგორც ის ამბობს დაქორწინების შემდეგ, ეს სახლი დედას აჩუქა. ამის შემდეგ კი მან იქირავა ბინა. ამ ჩუქების მერე, ზუსტად 5 დღეში იუსტიციის უმაღლესი საბჭოდან, რომლის წევრიც იმ დროს თვითონ იყო, ბინის ქირის საფასური მიიღო, თან ეს საკითხი სხდომის დღის წესრიგში მაშინ არც დამდგარა," - აცხადებს „რეზონანსთან" იუსტიციის უმაღლესი საბჭოს არამოსამართლე წევრი ნაზი ჯანეზაშვილი უზენაესი სასამართლოს მოსამართლეთა შერჩევის საკითხზე საუბრისას.

"არ ველოდები, რომ მაჟორიტარების დამოუკიდებელი ბუნტი შედგება, რომელი მაჟორიტარია მებრძოლი ბიძინა ივანიშვილს გაუძალიანდეს. რეალურად ისინი არიან საქმოსნები; პარლამენტში წლებია ხმა არ ამოუღიათ,

„ეს ყველაფერი შესაძლოა, არმაგედონამდეც მივიდეს. ეს საქართველოზეც იმოქმედებს. საქართველოს ტერიტორიის ორი ნაწილი ოკუპირებულია რუსეთის მიერ და ორი რუსული სამხედრო-საოკუპაციო ბაზაა განთავსებული, ხოლო იქ არსებული საარტილერიო და სარაკეტო სისტებემი ისედაც საკმარისია, რომ მოსწვდეს საქართველოს ბევრ სტრატეგიულ ობიექტს, სამწუხაროდ, დედაქალაქსაც", - ასე შეაფასა „რეზონანსთან" საუბრისას სამხედრო-ანალიტიკური ჟურნალის, „არსენალის" მთავარმა რედაქტორმა, ირაკლი ალადაშვილმა რუსეთსა და ამერიკის შეერთებულ შტატებს შორის არსებული დაძაბული ვითარება, რომელიც მცირე და საშუალო მანძილის რაკეტების ლიკვიდაციის შესახებ არსებულ შეთანხმებას და მის გაუქმებას ეხება.

ბოტები და ტროლები, 21-ე საუკუნის ერთერთი მთავარი პროპაგანდისტული მანქანა რომელსაც ხშირად პოლიტიკური პარტიები მიმართავენ ხოლმე, ორგანიზებული და მართული პოლიტიკური ტროლები, ტრადიციულად, წინასაარჩევნო კამპანიების დროს აქტიურდებიან. ასეთ დროს ქსელში ჩნდება ხოლმე პოლიტიკური ტროლების არმიები და კონკრეტულ პოლიტიკურ ფიგურებზე ან ორგანიზაციებზეტოვებენ დადებით ან უარყოფით კომენტარებს პოპულარულ სოციალურ ქსელებში.

ე.წ. გავრილოვს ღამიდან, 20 ივნისის აქციის დაშლიდან, 25 დღის გასვლის შემდეგ პროკურატურამ საგანგებო ბრიფინგი გამართა და გამოაცხადა, რომ მოქალაქეზე ფიზიკური ძალადობის ბრალდებით დაკავებულია შს სამინისტროს ერთი თანამშრომელი. დაზარალებული მოქალაქე იურისტი დავით ნიორაძეა, პოლიციელის ვინაობა არ საჯაროვდება. პროკურატურას 25 დღე დაჭირდა იმისთვის, რომ საჯაროდ არსებული კადრებიდან, სადაც პოლიციელების მხრიდან ძალის გადამეტებაა ასახული, მხოლოდ ერთი პოლიციელის დანაშაული დაედგინა.