საპარლამენტო არჩევნებამდე ორიოდე თვით ადრე მთავრობა მოქალაქეების სოციალური და კონომიკური დახმარების ახალ ეტაპს იწყებს - 17 წლამდე მოზარდები 200-ლარიან ერთჯერად დახმარებას მიიღებენ, ხელმოკლე სტუდენტების სწავლა დაუფინანსდებათ და მოხდება კომუნალურ გადასახადების სუფსიდირება. ყოველივე ამისთვის მთავრობას 410 მილიონი ლარი აქვს გამოყოფილი. „ცხადზე ცხადია, რომ ამას აქვს ძალიან გამოკვეთილი ნიშნები ამომრჩევლის მასობრივი მოსყიდვის", - ასე აფასებს ამ გადაწყვეტილებას კონსტიტუციონალიტი და პარტია „ლელოს" წევრი ვახტანგ ხმალაძე „რეზონანსთან საუბრისას.

„არც ვუარყოფ და არც ვადასტურებ, მაგრამ მივიღე გადაწყვტილება დავრჩე პოლიტიკაში, ვარ ამ პროცესში, რომლშიც ერთ-ერთი მნიშვნელოვანი ადგილი უკავია დამოუკიდებელ მაჟორიტარად ბრძოლას“, - ასე ეხმაურება „ოცნების“ ყოფილი დეპუტატი ბიძინა გეგიძე გავრცელებულ ინფორმაციას იმის თაობაზე, რომ იგი აპირებს დამოკიდებლად იყაროს კენჭი ვაკის რაიონში.

პრემიერ-მინისტრმა გიორგი გახარიამ შერიგებისა და სამოქალაქო თანასწორობის საკითხებში სახელმწიფო მინისტრად თეა ახველდიანი დანიშნა. „მგონი აჩქარებულად დანიშნეს ეს ქალბატონი, კრიტიკისთვის თავის ასარიდებლად", - ასე ეხმიანება ამ ფაქტს პაატა ზაქარეიშვილი „რეზონანსთან" საუბრისას.

სომხეთის პრეზიდენტმა არმენ სარქისიანმა ხელი მოაწერა ბრძანებულებას, რომელიც ქვეყანაში უცხოური ტელეარხების, მათ შორის რუსული არხების მაუწყებლობას ზღუდავს. ამას კი წინ უძღოდა სომხეთის ხელისუფლების დაპირისპირება რუსული ტელეკომპანია „რაშა თუდეის" სომხური წარმომავლობის ხელმძღვანელთან. თბილისში მიიჩნევენ, რომ ეს სომხეთსა და რუსეთს შორის ფართომასშტაბიანი საინფორმაციო ომის დაწყებას ნიშნავს.

ოპოზიცია მაჟორიტარობის კანდიდატებთან დაკავშირებით შეთანხმებას უკვე ვერც თბილისში ახერხებს და ვერც რეგიონებში. ოთხშაბათს ცნობილი გახდა, რომ „ნაციონალური მოძრაობა" რეგიონების 22-ვე საარჩევნო ოლქშიც დააყენებს თავის კანდიდატებს და თბილისის ორ „ვაკანტურ" ოლქშიც. „ევროპულმა საქართველომ" კი რეგიონებში მხოლოდ 14 ოლქში დააყენა თავისი მაჟორიტარობის კანდიდატი და დანარჩენ 8 ოლქში შიდაოპოზიციური შეთანხმების იმედი ჰქონდა.

„არ მგონია, რომ ვანო მერაბიშვილი „ნაციონალური მოზრაობის" სიაში ყოფილიყო და ვიღაცებს უარი ეთქვათ პარტიისთვის ხმის მეცემაზე", - ასე ეხმიანება პოლიტოლოგი პაატა ზაქარეიშვილი „რეზონანსთან" საუბრისას ვანო მერაბიშვილის გადაწყვეტილებას, რომლის მიხედვითაც ის არ იქნება პარლამენტის წევრი და არ დაიკავებს თანამდებობებს მომავალ პარლამენტში.

მმართველ პარტიაში გადაჭრით უარყოფენ მედიაში გავრცელებულ ინფორმაციას, რომ „ქართული ოცნება" თავისი წინასაარჩევნო კამპანიის ფარგლებში მოსახლეობას ბოსტნეულს ურიგებს. საპარლამენტო უმრავლესობის წევრმა რომან კაკულიამ „რეზონანსთან" საუბრისას განაცხადა, რომ „ოცნება" ამომრჩევლებთან ასეთ სტილში ურთიერთობას არ აპირებს.

ოპოზიციას 2020 წლის საპარლამენტო არჩევნებზე ერთიანი მაჟორიტარობის კანდიდატები მხოლოდ თბილისში ეყოლება, დანარჩენ 22 ოლქში კი ასეთი შეთანხმების მიღწევა ვერ მოხერხდა. ამის მიზეზებზე „რეზონანსს"„ნაციონალური მოძრაობის" ერთ-ერთი ლიდერი ხატია დეკანოიძე ესაუბრა.

„არ მგონია პატარა პარტიებმა ამ არჩევნებში სურათი თავის სასარგებლოდ შეცვალონ, რადგან არცერთს არ აქვს გამოკვეთილი გზავნილი ამომრჩევლისთვის. ეს არჩევნები იქნება ისევ ორპოლუსიანი, „ნაციონალებსა“ და „ოცნებას“ შორის“ - ასე აფასებს პოლიტოლოგი დავით ზურაბიშვილი პატარა პარტიების შანსებს ოქტომბრის საპარლამენტო არჩევნებში.

პრემიერ-მინისტრობის თავის კანდიდატს უახლოეს მომავალში პოლიტიკური პარტია „ლელოც" დაასახელებს. როგორც „რეზონანსთან" საუბრისას პარტიის ერთ-ერთმა ლიდერმა კახა კოჟორიძემ აღნიშნა, „კონკრეტულად დავით უსუფაშვილი იქნება, მამუკა ხაზარაძე თუ სხვა ვინმე", ამას საზოგადოება სექტემბერში გაიგებს.

„სააკაშვილის კრიტიკა გიორგი ვაშაძის მიმართ მწვავედ არ აღმიქვამს. ის დღეს არის საქართველოდან ძალიან შორის და მესმის მისი პოლიტიკური მდგომარეობა. პასუხი გავეცი ძალიან მსუბუქად - „ფეისბუკზე“ გავუგზავნე ფერადი ყვავილები და ვუსურვე არა შავ-თეთრ, არამედ მრავალფეროვან საქარველოში დაბრუნება“ - ასე ეხმაურება „კანონი და სამართალის“ თავმჯდომარე თაკო ჩარკვიანი მიხეილ საკაშვილის განცხადებას ოპოზიციაში შექმნილ ვითარებასთან დაკავშირებით.

ბეირუთის პორტში მომხდარი ძლიერი აფეთქება იმ ფეთქებადსაშიშმა ტვირთმა გამოიწვია, რომელიც 2013 წელს ბეირუთში საქართველოდან ჩაიტანეს. ამის შესახებ ადგილობრივი მედია იუწყება ოფიციალურ წყაროებზე დაყრდნობით.