ახალი ჩვენება 19 წლის გიორგი შაქარაშვილის მკვლელობის საქმეში და დასახელებული 3 პირი, რომლებიც საქმის ახალი ფიგურანტები არიან და სავარაუდოდო, მდინარე არაგვის ხიდამდე შაქარაშვილს ბოლომდე მათ სდიეს. ე.წ. ოქროს მოწმე ვახო ახვლედიანი დევნის ეპიზოდს  აღწერს და ამბობს, რომ იმ სამ პირს შორის რომლებიც მას და მის მეგობრებს, მათ შორის - შაქარაშვილს გზაზე, ანუ ზედა მხარეს მოსდევდნენ, გაგნიძე და რევაზიშვილი არ ყოფილან. თუმცა მათ ისინი თავიდან მისდევდნენ. 

„ქართულ ოცნებას" ბოლო სოციოლოგიური კვლევებით 39% აქვს, თუმცა პარტიაში აცხადებენ, რომ ჯერ საარჩევნო კამპანიის დასაწყისია და იმედოვნებენ, რომ კამპანიის მსვლელობისას ამ რეიტინგს გაზრდიან.

23 წლის პროგრამისტის თამარ ბაჩალიაშვილის ბურუსით მოცული გარდაცვალების საქმეზე ახლა ოჯახი და სამართალდამცველები ექსპერტიზის პასუხებს ელოდებიან. საქმის ირგვლივ დღითიდღე უფრო ბევრი კითხვები ჩნდება და ოჯახი ამბობს, რომ თუ გამოძიება თვითმკვლელობის ვერსიას მაინც დაადგენს, მაშინ საქმე თვითმკვლელობამდე მიყვანასთან გვაქვს, სადაც გოგონას ვიღაცამ სხვა გზა არ დაუტოვა. თუმცა ამისთვის გამოძიებას  მყარი მტკიცებულებები უნდა ჰქონდეს. 

ატისაოკუპაციო მოძრაობა „ძალა ერთობაშია" აცხადებს, რომ ცხინვალის რეგიონის საოკუპაციო ხაზთან რუსი ოკუპანტები გააქტიურდნენ, მოძრაობის თქმით ოკუპანტემბა ქარელის მუნიციპალიტეტის სოფელ ტახტისძირის 29 ჰექტრამდე მიწა მიიტაცეს და მათი გატაცებაც კი სცადეს.

„სავარაუდოდ ვფიქრობ, რომ ეს მეორე ტალღის დასაწყისია," - ასე აფასებს „რეზონანსთან"თბილისის ინფექციური საავადმყოფოს ბოქსირებული განყოფილების ხელმძღვანელი მარინა ენდელაძე ქვეყანაში შექმნილ ეპიდემიოლოგიურ ვითარებას.

„ის ნაკარნახევია ქართული პოლიტიკური რეალობით, მაგრამ ნამუშევარიც არის ლობისტური ორგანიზაციების მიერ", - ასე ეხმიანება ექსპერტი მამუკა არეშიძე „რეზონანსთან" საუბრისას აშშ-ის კონგრესის წარმომადგენელთა პალატის მიერ დამტკიცებულ კანონპროექტს.

„ეს კანონპროექტი არის ჩვენი სტარტეგიული პარტნიორის მხრიდან საქართველოს დემოკრატიული და სამხედრო გაძლიერების მცდელობა", - ასე აფასებს პოლიტოლოგი ვახტანგ მაისაია „რეზონანსთან" საუბრისას, ამერიკის კონგრესის წარმომადგენელთა პალატის შეიარაღებული ძალების კომიტეტის მიერ კანონპროქტში კონგრესმენ პიტ ოლსონის მიერ ინიცირებულ შესწორებას, რომლის მიხედვითაც ამერიკამ და ნატო-მ შავ ზღავში მრავალმხრივი სამხედრო წვრთნების სიხშირე უნდა გაზარდოს.

დედაქალაქის 7 მაჟორიტარული ოლქიდან ხუთში ოპოზიციისა და ხელისუფლების კანიდატები ცნობილია. დარჩენილია ორი ოლქი, სადაც ოპოზიციას თავისი კანდიდატურა დასახელებული არ ჰყავს, ხელისუფლებიდან ამ ოლქებში მაჟორიტაობის მანდატის მოსაპოვებლად პარლამენტის პირველი ვიცე-სპიკერი გია ვოლსკი და ყოფილი ჯანდაცვის მინისტრი დავით სერგეენკო იბრძოლებენ. „გამიჭირდება ოპოზიციიდან ისეთი კანდიდატების დასახელება, რომლებიც კონკურენტუნარიანები იქნებიან ვოლსკისთან და სერგეენკოსთან ბრძოლაში", - ასე ეხმიანება ამ საკითხს პოლიტოლოგი რამაზ საყვარელიძე „რეზონანსთან" საუბრისას.

კონფლიქტოლოგი მამუკა არეშიძე „რეზონანსთან“ ინტერვიუში  აზერბაიჯანის მედიის მხრიდან საქართველოს დადანაშაულებას ეხმაურება იმაში, რომ სერბეთმა სომხეთს საქართველოს გავლით იარაღი მიაწოდა. ვარაუდობს, რომ ამ ინფორმაციის  გაჟღერება აზერბაიჯანის ხელისუფლებას აწყობდა. თუმცა ყურადღება ამახვილებს იმ გარემოებაზე, რომ ამ დრომდე ოფიციალურ დონეზე განცახდება არ კეთდება. ფიქრობს, ამის მიზეზი შესაძლოა ის იყოს, რომ ბაქოს არა აქვს ამის დამამტკიცებელი მყარი მტკიცებულებები, გარდა ამისა, შეიძლება ეს იყოს  საქართველოს ერთგვარი გაფრთხილება.  

23 წლის თამარ ბაჩალიაშვილის ცხედრის პოვნიდან მეორე დღეს შინაგან საქმეთა სამინისტრომ მუხლის კვალიფიკაცია შეცვალა და მამა დაზარალებულად ცნო. უწყება გამოძიებას თვითმკვლელობამდე მიყვანის მუხლით გააგრძელებს. ამის შესახებ ინფორმაციას ოჯახის ადვოკატი, მიხეილ რამიშვილი „რეზონანსთან“ ადასტურებს. 

24 ივლისს, 86 წლის შემდეგ პირველად, აია-სოფიაში მუსლიმთა პარასკევის ლოცვა აღესრულა, რომელსაც ქვეყნის პრეზიდენტი რეჯეპ ტაიპ ერდოღანი რამდენიმე მინისტრთან ერთად დაესწრო. მუზეუმის კვლავ მეჩეთად გადაკეთების ბრძანებას თურქეთის ლიდერმა ხელი 10 ივლისს მოაწერა. „ეს თურქეთის პრეზიდენტის პირადი სურვილია, რომელიც, მხოლოდ და მხოლოდ, მისი პოლიტიკური ამბიციების დაკმაყოფილებას ემსახურება", - ასე ეხმიანება ამ საკითხს „რეზონანსთან" საუბრისას პოლიტოლოგი ვახტანგ მაისაია.

ახმეტის რაიონში, პანკისის ხეობის შესასვლელში, სოფელ მატანთან მოსახლეობაა შეკრებილი და მაგისტრალის გადაკეტვას მოითხოვს. პროტესტი სოფელ მატანის მოსახლეობასა და ეთნიკურად ქისტებს შორის გუშინ მომხდარ დაპირისპირებას უკავშირდება.