რუსეთსა და აფხაზეთის სეპარატისტულ რესპუბლიკას შორის ე.წ. სახელმწიფო საზღვრის გახსნის შემდეგ, 24 საათის განმავლობაში „საზღვარი" 7,5 ათასმა ადამიანმა გადაკვეთა. მათ შორის რუსეთიდან აფხაზეთში 5 ათასზე მეტი ადამიანი შევიდა, ხოლო საპირისპირო მიმართულებით კი 2,5 ათასამდე გადავიდა. ამის შესახებ რუსული საინფორმაციო სააგენტო „ტასსი" იუწყება სოჭის საბაჟოს განცხადებაზე დაყრდნობით.

„ნაციონალური მოძრაობა" რომ არ თანხმდება რაღაცებს და ვაჭრობს, უფრო გასაგებია ვიდრე ის, რომ იოლად უთმობდეს ვიღაცას იმ პოზიციებს, სადაც თვითონ თვლის, რომ აქვს გამარჯვების შანსი" - ასე ეხმიანება „რეზონანსთან" საუბრისას პოლიტოლოგი პაატა ზაქარეიშვილი ოპოზიციაში რეგიონებში მაჟორიტარული ოლქების გადანაწილებასთან დაკავშირებით არსებულ აზრთა სხვადასხვაობას.

„შესაძლოა პარტიებმა გარკვეულწილად ერთმანეთს შორის პაქტი, მემორანდუმი გააფორმონ, კონკრეტული ტიპის პოლიტიკურ ქცევაზე, სტრატეგიის შეთანხმებაზე, ან კონკრეტულ საგარეო კურსის მიმართულებაზე, მაგრამ ის, რომ ხელისუფლების სათავეში ოლიგარქი არ მოვიდეს, ეს ცოტა სასაცილო მომენტია," - ასე აფასებს „რეზონანსთან" ექსპერტი უსაფრთხოების საკითხებში ვახტანგ მაისაია ლეიბორისტული პარტიის ლიდერის შალვა ნათელაშვილის „ანტიოლიგარქიული პაქტის" იდეას.

„მთავარი არხის" ერთ-ერთი მფლობელის გიორგი რურუას არშეწყალებაზე ოპოზიცია ამბობს, რომ ეს არა პრეზიდენტ სალომე ზურაბიშვილის, არამედ ბიძინა ივანიშვილის გადაწყვეტილება იყო, რაზედაც მმართველ გუნდში აცხადებენ, რომ ოპოზიციის მხრიდან ყველაფერზე ივანიშვილისკენ თითის გაშვერა „ავადმყოფური ამოჩემებაა".

„დღევანდელი ვითარებიდან გამომდინარე, ოპოზიციას მინიმალური შანსი აქვს, ორ სამ დღეში რომ არჩევნები ტარდებოდეს, მაღალი ალბათობით უმრავლესობას დღევანდელი ხელისუფლება მიიღებს, დღეს ასეა, არჩევნები სამ თვეშია, ეს დრო კი საქართველოსთვის ძალიან დიდი დროა."- ასე აფასებს „რეზონანსთან" ანალიტიკოსი ვახტანგ ძაბირაძე 2020 წლის საპარლამენტო არჩევნებში ოპოზიციის შანსებს.

„თეორიულად გამორიცხული არაა, რომ „ოცნება" პირელ ადგილზე გავიდეს, მაგრამ დანარჩენ ადგილებზე გასულმა პარტიებმა შიგნით კოალიცია შეკრან და მათ დაამტკიცონ მთავრობა, ანუ გამორიცხული სულაც არაა, რომ პირველ ადგილზე „ქართული ოცნება" კი გავიდეს, მაგრამ გამარჯვებული ოპოზიცია აღმოჩნდეს," - ამის შესახებ „რეზონანსთან" საუბრისას კონფლიქტოლოგმა და შერიგების საკითხებში საქართველოს ყოფილმა სახელმწიფო მინისტრმა პაატა ზაქარეიშვილმა აღნიშნა.

„აშშ-ის სენატორების ერთი ჯგუფის პოზიციას არავითარი გავლენა საარჩევნო სიტუაციაზე არ ექნება," - ასე ეხმიანება პოლიტოლოგი მამუკა არეშიძე „რეზონანსთან" საუბრისას ამერიკელი სენატორების წერილს. ამის მიზეზად ის საზოგადეობის დიდ ნაწილს ასახელებს, რომელიც საერთოდ არ არის დაინტერესებული პარტნიორების განცხადებებით და მისთვის აქტუალური სოციალური პრობლემებია.

„ანაკლიის განვითარების კონსორციუმმა" და მისმა ერთ-ერთმა მთავარმა ინვესტორმა ბობ მეიერმა საქართველოს წინააღმდეგ საარბიტრაჟო დავა დაიწყო. ისინი ფინანსური ზარალის ანაზღაურებასა და ანაკლიის პორტის პროექტში დარღვეული უფლებების აღდგენას მოითხოვენ.

რა ინფორმაციას ატარებს 23 წლის პროგრამისტის, თამარ ბაჩალიაშვილის პირადი კომპიუტერი, ამას უკვე ამერიკელი გამომძიებლები დაადგენენ. ოჯახის სურვილით, ისევ ხელახლა დალუქულ კომპიუტერს, რომლის სკანირებაც ცენტრალურ კრიმინალურ პოლიციაში უკვე დასრულდა, დალუქავენ და ამერიკელ გამომძიებლებს დაელოდებიან, რომლებიც იქ არსებულ ინფორმაციას შეისწავლიან. მიუხედავად ამისა, ოჯახის წევრები ცენტრალური კრიმინალური პოლიციისთვის საქმის გადაცემას მიესალმებიან და ამბობენ, რომ გამოძიების უკეთ წარმართვისთვის ეს ერთ-ერთი წინ გადადგმული ნაბიჯია. 

"რურუა ციხეში იქნება, თუ გარეთ პოლიტიკურ პროცესებზე და არჩევნების შედეგებზე გავლენას ვერ მოახდენს. არც ოპოზიციას აქვს დღეს იმის შანსი, რომ რურუას გამო საპროტესტო ტალღა ააზვირთოს"- ასე ეხმაურება პოლიტოლოგი ვახტანგ ძაბიარძე საქალაქო სასმართლოს მიერ გამოტანილ განაჩენს, რომლითაც გიორგი რურუას თავისუფლების აღკვეთა 4 წლის ვადით მიესაჯა.

კორონავირუსი კაცობრიობას უკვე დაუნდობლად ანადგურებს, შეერთებულ შტატებში ბოლო დღე-ღამის განმავლობაში, ვირუსისგან ყოველ ერთ წუთში ერთი ადამიანი იღუპებოდა, ვითარება ბრაზილიაშიც და ინდოეთშიც უკიდურესად გამწვავებულია.

საპარლამენტო არჩევნებამდე სამი თვით ადრე, ოპოზიციაში სერიოზული რყევებია. ოპოზიციური გაერთიანება „ძალა ერთობაშია" ფაქტობრივად იშლება, გუნდში აზრთა სხვადასხვაობის გამო დაპირისპირებაც კი მოხდა. ასევე რესპუბლიკურ პარტიას ეთიშება გუნდის ერთ-ერთი ლიდერი დავით ზურაბიშვილიც.