„მესამე პოლიტიკური ძალა კი არა, კლანიც რომ გამოჩნდეს პოლიტიკურ ველზე, ისიც უკეთესი იქნება ქვეყნის მომავალისთვის. მაგრამ რა პერსპექტივა ექნება დავით მაღრაძის მოძრაობას „დაიცავი საქართველო“, რომ ფავორიტი ადგილი დაიკავოს ქართულ პოლიტიკაში, ამის პროგნოზი გამიჭირდება“, - ასე ეხმაურება პოლიტოლოგი ვახტანგ ძაბირაძე დავთი მაღრაძის ინიციატივას აღადგინოს მოძრაობა „დაიცავი საქართველო“ და შემოიკრიბოს ძველი თანაგუნდელები.

„როგორც თერმომეტრი ტემპერატურას ზომავს, ისე ინდიკატორები გაზომავს ჩვენ პროგრესს ან რეგრესს, რაც ხელს შეუწყობს გენერალური გეგმის განმტკიცებას და რეალიზებას და შემდეგ გვიჩვენებს იმ მიმართულებას ქალაქგანვითარებისა, რომელიც შეიძლება იყოს ჩამორჩენილი, გვიჩვენებს თუ რა პრობლემები გვაქვს. სხვაგვარად ყველა ხელისუფლება გეტყვის, რომ ყველაფერი არის იდეალურად და ყველა პოლიტიკური ოპოზიცია იტყვის, რომ ყველაფერი არის საშინლად", - აცხადებს არქიტექტორი-ურბანისტი ლადო ვარდოსანიძე.

„უკმაყოფილების გამოხატვა და იმის ხაზგასვმა, რომ მეგობარი ქვეყნის წარმომადგენელი საქართველოში სეპარატიზმის გაღივებას ხელს არ უნდა უწყობდეს, ბუნებრივია და ამაში გაუგებარი არაფერია. სომხეთის მხარის წარმომადგენლებთან ამის შესახებ ადრეც ყოფილა საუბარი. ეს თემა სომხეთისთვის მარტივი არ არის, მაგრამ საქართველომ თავისი დამოკიდებულება მკაფიოდ და ნათლად უნდა დააფიქსიროს-ხოლმე," - აცხადებს საგარეო საქმეთა ყოფილი მინისტრი ირაკლი მენაღარიშვილი ე.წ. ყარაბაღის დელეგაციის სოხუმსა და ცხინვალში ვიზიტების შესახებ „რეზონანსთან" საუბრისას, რაზეც საქართველოს პრეზიდენტმა სალომე ზურაბიშვილმა სომხეთში ვიზიტისას უკმაყოფილება გამოხატა.

რუსეთში „საქართველოს სამეფო ნაციონალური ბალეტის" გასტროლები შეიძლება ჩაიშალოს. რუსეთის კულტურის მინისტრმა ვლადიმირ მედინსკიმ განკარგულება გასცა, რომ გადამოწმდეს, მართლაც უწოდა თუ არა ქართული ბალეტის ხელმძღვანელმა რუსებს „ოკუპანტები".

საქართველოს პრეზიდენტს სალომე ზურაბიშვილს ეუთო-ს წარმომადგენელმა რუდოლფ მიხალკამ აფხაზების მიერ გამოგზავნილი ღვინო გადასცა. ამის შესახებ ზურაბიშვილმა სოციალურ ქსელ ტვიტერზე დაწერა.

ვანუატუს საგარეო საქმეთა მინისტრის მიერ საქართველოს ტერიტორიული მთლიანობის ოფიციალურ მხრადაჭერას სოხუმში დაბნეულობა მოყვა. შეგახსნებეთ, რო ვანუატო იმ რამდენიმე ქვეყანას შორისაა, რომლებმაც ბოლო წლებში საქართველოს ოკუპირებული ტერიტორიები დამოუკიდებელ სახელმწიფოებად აღიარეს. ოკუპირებული აფხაზეთის დე ფაქტო საგარეო საქმეთა მინისტრმა დაურ კოვემ ვანუატუს მიერ აფხაზეთთან დაკავშირებით პოზიციის შეცვლასთან დაკავშირებით ოფიციალური განცხადების გაკეთებაზე უარი თქვა.

„უმრავლესობა „ქართულ ოცნებას" აქვს და ბუნებრივია, ის კანონპროექტი, რაც პარლამენტის თავჯდომარის მიერ არის მომზადებული, პოლიტიკური მხარდაჭერაც სწორედ მის ვერსიას ექნება," - აცხადებს „რეზონანსთან" საუბრისას იუსტიციის უმაღლესი საბჭოს არამოსამართლე წევრი ნაზი ჯანეზაშვილი, 16 მარტს დაგეგმილი პარლამენტის იურიდიულ საკითხთა კომიტეტის სხდომის თაობაზე, სადაც „საერთო სასამართლოების შესახებ" მომზადებული კანონპროექტები იქნება განხილული.

"ბიძინა ივანიშვილს ათას რამეს მიაწერენ, მაგრამ ის, რომ მისი სახელი რამენაირად უკავშირდება მოძრაობა "დაიცავი საქართველოს", სწორი არ არის; არც დავით მაღრაძეა ის ადამიანი, რომ რაღაც სპექტაკლებში მიიღოს მონაწილეობა" - აცხადებს საპარლამენტო უმრავლესობის წევრი ნუკრი ქანთარია, რომელსაც "რეზონანსი" მიმდინარე პოლიტიკურ ვითარებაზე ესაუბრა.

ანაკლიის პორტის პროექტის შეფერხებასა და შესაძლო ჩაშლაზე განცხადებები უკვე ღიად კეთდება. პროკურატურის მიერ დაწყებული გამოძიების გაჭიანურებამ შესაძლოა ამ პროექტს რეალური საფრთხე შეუქმნას. „ანაკლია სითის" აღმასრულებელი დირექტორი ქეთევან ბოჭორიშვილი აცხადებს, რომ "კონკრეტულ პროექტზე მიზანმიმართული ზეწოლა აფერხებს არა მხოლოდ პროექტს, არამედ ზოგადად, ქვეყნის საინვესტიციო კლიმატზე უარყოფითად აისახება."

ჯარში ძალადობისა და ფულის გამოძალვის საქმეზე დაკავებული სამხედროები ბრალის წარდგენას ელოდებიან. ორი ჯარისკაცი სამხედრო პოლიციამ დააკავა. ისინი სამხედრო ნაწილიდან პირდაპირ პოლიციის წინასწარი დაკავების იზოლატორში გადაიყვანეს.

გორის მუნიციპალიტეტის სოფელ ხურვალეთში, ადგილობრივი მოსახლეობის ბაღებში რუსეთის საოკუპაციო ძალების წარმომადგენლები შევიდნენ. „რეზონანსთან“ ადგილობრივები ყვებიან, რომ ოკუპანტები მავთულხართებიდან კარგად მოშორებით სოფლის თავში სამხედრო მანქანებით განთავსდნენ. ისინი კბილებამდე არიან შეიარაღებული და ადგილობრივების ხუთი ბაღი დაიკავეს. თავის მხრივ ე.წ. სამხრეთ ოსეთის ხელისუფლების ადმინისტრაციის განცხადებით კი „ძალა ერთობაშიას“ წევრები პროვოკაციის მოწყობას აპირებდნენ და ამიტომაც საჭირო გახდა, რომ სოფლის ირგვლივ დამატებით ძალები განელაგებინათ. 

"ქართული პოლიტიკური სპექტრის მთავარი მიზანი უნდა იყოს ივანიშვილის პოლიტიკიდან ჩამოშორება. "ოცნებისთვის" ახალი მანდატის მინიჭება დაუშვებელია. ამიტომ ვმუშაობთ მესამე ცენტრის ფორმირებაზე და კონსულტაციებს ვმართავთ ყველა პარტიასთან" - აცხადებს "თავისუფალი საქართველოს" ლიდერი კახა კუკავა, ვისაც "რეზონანსი" მიმდინარე პოლიტიკურ ვითარებაზე ესაუბრა.