პაციენტის ინფორმაციით, დაავადებათა კონტროლისა და საზოგადოებრივი ჯანმრთელობის ეროვნული ცენტრის რიჩარდ ლუგარის სახელობის ლაბორატორიაში ცე-ჰეპატიტის ვირუსზე ჩატარებული კვლევის შედეგად პირველად - დადებითი, ხოლო განმეორებით უარყოფითი დიაგნოზი დაუსვეს.

"60 წუთის" ავტორი აკაკი გოგიჩაიშვილი საგამოძიებო ჟურნალისტიკას კიდევ ერთხელ ჩამოაშორეს. ტელეკომპანია "რუსთავი 2"-ის ხელმძღვანელობამ "კვირის გამოძიება" მოულოდნელად დახურა და მიზეზად ფინანსური პრობლემები დასახალა. თუმცა გადაცემის თანამშრომლები ისედაც თვებია ხელფასის ნახევარს იღებდნენ.

დემირელის კოლეჯის ერთ-ერთი ხელმძღვანელის, მუსტაფა ემრე ჩაბუქის სასამართლო პროცესის გადადების მიზეზი თარჯიმანი გახდა, რომელიც, ადვოკატების თქმით, ქართულიდან თურქულად სათანადოდ ვერ თარგმნიდა.

“სამწუხაროდ, ლარი საგანგაშო სისწრაფით მიექანება დაღუპვისკენ და თუ ხელისუფლება მისი კურსის გამტკიცებისკენ ნაბიჯს არ გადადგამს, ის თვისივე ხელით მოიჭრის იმ ტოტს, რომელზეც ზის”, - აცხადებს პოლიტოლოგი, მეცნიერ-ექსპერტთა საბჭოს თავმჯდომარე იგორ კევსელავა.

"რაც მეტად მივუახლოვდებით ევროპას, მეტად იოლი იქნება რუსეთთან მოლაპარაკება. რაც მეტად დაკარგავს ევროპა ჩვენ მიმართ ინტერესს, მეტად ნაკლები ვეღირებით როგორც სახელმწიფო და ნაკლებად ანგარიშგასაწევი ვიქნებით", - აცხადებს ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე "რეზონანსთან" საუბრისას.

საქართველოსთვის, უკრაინისა და მოლდოვისთვის ნდობის ფონდის შექმნისა და მომავალში ამ ქვეყნების შენგენის ზონასთან, საბაჟო და ენერგეტიკულ კავშირებთან მიერთების შესახებ რეკომენდაციებს ევროპარლამენტართა უმრავლესობა მხარს უჭერს.

პრემიერი გიორგი კვირიკაშვილი, კულუარული ინფორმაციით, იუსტიციის მინისტრის შემცვლელს ეძებს და თეა წულუკიანს შესაძლოა, მალე მოუწიოს თანამდებობის დატოვება. საპარლამენტო უმრავლესობაში ამ ინფორმაციას არც უარყოფენ და არც ადასტურებენ.

ხელისუფლების განცხადებით, სამინისტროების გაერთიანების მიზანი ბიუროკრატიული ხარჯების შემცირებაა, რომლის საშუალებითაც მთავრობის ეფექტურობაც უნდა გაიზარდოს. თუმცა, კონკრეტულად რა თანხები დაიზოგება ან რამდენი ადამიანი გამოეთხოვება სამსახურს, ჯერჯერობით უცნობია.

"ასეთი გაუგებარი გაერთიანებები  პარლამენტში კი იქნება მხარდაჭერილი, იმიტომ, რომ "ოცნებას" უმრვალესობა ჰყავს, მაგრამ როგორც წესი, ეს მოკლე ან საშუალოვადიანი პერსპექტივისაა, მერე ისევ რაღაცეები იცვლება. ვერ ვხედავ, რომ ამ ცვლილებას გრეძელვადიანი პერსპექტივა ჰქონდეს".

ამბობს "რეზონანსთან" საუბრისას, ანალიტიკოსი არჩილ გამზარდია, რომელსაც განხორციელებულ სამთავრობო და სტრუქტურულ ცვლილებებზე ვესაუბრეთ.

არასამთავრობო სექტორი სახალხო დამცველის კანდიდატურასთან დაკავშირებით კონსულტაციებს მართავს. არსებული ინფორმაციით, განიხილება რამდენიმე კანდიდატურა, რომელთა შორის არიან ანა ნაცვლიშვილი და თამარ ქალდანი.

ახალი სამთავრობო ცვლილებების ერთ-ერთი მთავარი ინტრიგაა, ვისი გუნდის წევრები არიან გიორგი გახარია და მამუკა ბახტაძე, ორი ყველაზე საკვანძო და პოლიტიკური ძალაუფლების მატარებელი უწყების, შს და ფინანსთა სამინისტროების ხელმძღვანელები და რამდენად დიდი გავლენა ექნებათ მათ. ოპოზიციისა და ექსპერტების ნაწილი აცხადებს, რომ ორივე ეს ფიგურა ყოფილი პრემიერ-მინისტრის, ბიძინა ივანიშვილის უშუალო კადრია.

გათავისუფლებული 6 მინისტრისგან სამი, ხოლო უწყებების ხელმძღვანელებისგან ორი, სავარაუდოდ, სამთავრობო გუნდს მიღმა რჩება. საუბარია განათლების, გარემოს დაცვისა და სპორტის ყოფილ მინისტრებზე, ასევე, დაზვერვის სამსახურის ხელმძღვანელსა და სახელმწიფო უსაფრთხოებისა და კრიზისების მართვის საბჭოს უფროსზე, რომელთა ბედი ამ დრომდე გაურკვეველი რჩება. პრემიერი მათთვის მხოლოდ მადლობის გადახდით შემოიფარგლა.