„გახარია პარლამენტში ადრე არაერთხელ ყოფილა და ოპოზიცია არაერთხელ დამუქრებია, მაგრამ ჯერჯერობით გახარია ცოცხალია და ალბათ ამჯერადაც მემგონი ცოცხალი დარჩება", - ასე აფასებს „რეზონანსთან" საუბრისას პოლიტოლოგი რამაზ საყვარელიძე ოთხშაბათს პარლამენტში პრემიერ-მინისტრ გიორგი გახარიას გამოსვლისას დაგეგმილ დებატებზე საუბრისას.

„რეზონანსის" მიერ მოპოვებული არაოფიციალური ინფორმაციით, საქალაქო ტრანსპორტის ამუშავება 1-ლ ივნისს იგეგმება, თუმცა, ოფიციალურად ზუსტ თარიღს არავინ ასახელებს. საზოგადოების მნიშვნელოვანი ნაწილი სულ უფრო კატეგორიულად ითხოვს როგორც მინიმუმ ტრანსპორტის ამუშავების ზუსტი თარიღისა და ახალი წესების გამოცხადებას, თუმცა, ამ ეტაპზე, გარდა ზოგადი რეკომენდაციისა, რომ მგზავრებს პირბადის ტარება და სოციალური დისტანციის დაცვა მოუწევთ, არაფერია ზუსტად ცნობილი.

„არ მგონია, რომ მარგველაშვილის მსგავსი სიტუაცია განმეორდეს, რომელიც პრეზიდენტად არჩევიდან რამდენიმე ხანში „ოცნებას" დაუპირისპირდა. მაგრამ, თუ სალომე ზურაბიშვილიც გადაწყვეტს ოპოზიციური მიმართულება აიღოს, ეს „ოცნების" რეიტინგს უფრო დააგდებს, ოპოზიციისთვის კი დამატებითი ბერკეტი იქნება, ზურაბიშვილი და ივანიშვილი ღიად თუ დაუპირსპირდებიან ერთმანეთს", - ასე ეხმაურება პოლიტოლოგი ნიკა ჩიტაძე გიგი უგულავასა და ირაკლი ოქრუაშვილის შეწყალების გამო პრეზიდენტისა და მმართველი პარტიის უთანხმოებას.

ნინო ბურჯანაძის პარტიას „დემოკრატიული მოძრაობა - ერთიანი საქართველო" ჯერ არ აქვს გადაწყვეტილი, 2020 წლის საპარლამენტო არჩევნებზე დამოუკიდებლად წარადგენს თავის მაჟორიტარობის კანდიდატებს, თუ ერთიანი ოპოზიციური კანდიდატების შერჩევაში მიიღებს მონაწილეობას. ამის შესახებ „რეზონანსს" პარტიის ერთ-ერთმა ლიდერმა გიორგი ახვლედიანმა განუცხადა. მისი თქმით, ამ გადაწყვეტილებაზე ვერანაირ გავლენას ვერ მოახდენს „გაერთიანებული ოპოზიციის" იმ წარმომადგენელთა პოზიცია, რომლებიც ბურჯანაძესთაბ თანამშრომლობას ეწინააღმდეგებიან.

ცხინვალის ე.წ. სახელმწიფო უსაფრთხოების კომიტეტი („კა-გე-ბე") ქართულ პოლიციას და ევროკავშირის სადამკვირვებლო მისიის წარმომადგენლებს ე.წ. საზღვრის უკანონო დარღვევაში ადანაშაულებს. დე ფაქტო ხელისუფლების განცხადებით, ქართული პოლიცია ე.წ. საზღვრის მთელს პერიმეტრზე ახალ ბლოკ-საგუშაგოებს დგამს , რა დროსაც ხშირად ე.წ. საზღვარს არღვევენ, რამაც, მათივე თქმით, შესაძლოა ლოკალური შეიარაღებული კონფლიქტები გამოიწვიოს.

„ეს უფრო გამოგონილი თემაა, ვიდრე რეალობა. ამიტომ არ მგონია, რომ ეს საქმე მთლად ასე იყოს, თუმცა, აღარაფერი გამიკვირდება", - ასე ეხმაურება საპარლამენტო უმრავლესობის დეპუტატი რევაზ არველაძე მოსალოდნელი სამთავრობო ცვლილებების შესახებ გავრცელებულ ინფორმაციას.

პარლამენტის რეგლამენტში მნიშვნელოვანი ცვლილებებია მოსალოდნელი; ფრაქციის შესაქმნელად პარლამენტის 6 წევრის ნაცვლად შესაძლოა 7 გახდება საჭირო, უქმდება საპარლამენტო უმცირესობა, 15-დან 13-მდე მცირდება საპარლამენტო კომიტეტების რაოდენობა და ზოგიერთ კომიტეტს სახელი ეცვლება, 9-დან 3-მდე მცირდება პარლამენტის ვიცე-სპიკერების რაოდენობა, უქმდება „დამოუკიდებელი დეპუტატის" ცნება და მის ნაცვლად შემოდის „უფრაქციო დეპუტატი".

თუკი ხელისუფლებამ პარლამენტში საარჩევნო ცვლილებების პირველი მოსმენით განხილვამდე არ გაათავისუფლა პატიმრობიდან გიორგი რურუა, საპარლამენტო ოპოზიცია 8 მარტის შეთანხმებას მმართველი პარტიის მხრიდან ჩაშლილად ჩათვლის და 120/30 საარჩევნო სისტემაზე გადასვლას მხარს არ დაუჭერს. ამის შესახებ „რეზონანსს" „ევროპული საქართველოს" ერთ-ერთმა ლიდერმა სერგი კაპანაძემ განუცხადა.

„ამით „ოცნება" დაკარგავს იმდენს, რომ... ეს უზარმაზარი რისკია" - ასე აფასებენ ანალიტიკოსები „რეზონანსთან" შესაძლო სამთავრობო ცვლილებებს, რომლის მიხედვითაც შესაძლოა პრემიერ-მინისტრი გიორგი გახარია სუს-ის უფროსმა გრიგოლ ლილუაშვილმა შეცვალოს.

აშშ „ღია ცის შეთანხმებას" დატოვების მიზეზად ასახელებს, რომ რუსეთი შეთანხმების შესრულებაზე უარს აცხადებს - შესაბამისად, აშშ-მა ხელშეკრულებიდან გასვლის გადაწყვეილება მიიღო. ანალიტიკოსთა გარკვეული ნაწილის შეფასებით, კრემლი შესაძლოა მის მიერ ოკუპირებულ რეგიონებში - აფხაზეთსა და ცხინვალში, საიდუმლო ობიექტს მალავდეს. სწორედ ამიტომ არ მისცა საშუალება ამერიკულ თვითმფრინავებს საქართველოს ოკუპირებული ტერიტორიები დაეზვერათ.

"გახარიამ ისეთ წარმატებას მიაღწია პანდემიასთან ბრძოლაში, რომ ახლა მისი გათავისუფლება წამგებიანი იქნება "ოცნებისთვის". გახარიას თაყვანისმცემლები ზურგს შეაქცევენ და დაკარგავს ამომრჩეველს.

საქართველო ერთ-ერთი პირველი ქვეყანაა მსოფლიოში, რომელიც ტურიზმის სექტორს ხსნის. ეს იმის ფონზე, როდესაც ახალი კორონავირუსის პანდემიის პირობებში, საქართველოში გარკვეული შეზღუდვები კვლავ რჩება. მართალია ქევეყანაში საგანგებო მდგომარეობა და ე.წ. კომენდანტის საათი აღარ მოქმედებს, თუმცა, რეგულაციები საზოგადოებრივ ტრანსპორტთან, თუ სხვა საკითხებთან დაკავშირებით, ამ დრომდე მოქმედებს.