ვინ მოხვდება და ვინ არა ახალ მინისტრთა კაბინეტში - ამაზე მმართველი კოალიციის შიგნით ვაჭრობა-განხილვა უკვე დაიწყო და როგორც კოალიციის კულუარებში საუბრობენ, ამ მხრივ ყველაზე მეტად "რესპუბლიკელები" აქტიურობენ. კულუარული ინფორმაციით, ამ ეტაპზე მათი მთავარი ამოცანაა სავარაუდო გასაშვებ მინისტრთა სიაში მოხვედრილი თანაპარტიელი მინისტრი - პაატა ზაქარეიშვილი ისევ თანამდებობაზე დატოვონ და პარტიას ახალ კაბინეტშიც ისევ 3 მინისტრი ჰყავდეს. პლუს, საუბარია იმაზეც, რომ "რესპუბლიკელებს" სურთ, როგორც გამოკვეთილ პროდასავლურ ძალას, საგარეო ფლანგზეც მიეცეთ პირველი დიპლომატის სავარძელი.

სანდრო გირგვლიანისა და მოლაშვილის საქმეების განმხილველი ლევან მურუსიძე სააპელაციო სასამართლოს პალატის უვადო მოსამართლედ აირჩიეს. ამას უკვე მოყვა პირველი პროტესტი, შეხლა-შემოხლა და დაპატიმრებები. უფლებადამცველების ნაწილი იუსტიციის უმაფლესი სობჭოს დაშლას ითხოვს.

მოსამართლე ლევან მურუსიძე, რომელმაც თავის დროზე სანდრო გირგვლიანის გახმაურებული საქმე განიხილა, სააპელაციო სასამართლოში მოსამართლედ დაინიშნა, რასაც საზოგადოების, უფლებადამცველებისა და ხელისუფლების წარმომადგენელთა ნაწილის მკვეთრად ნეგატიური რეაქცია მოჰყვა. პოლიციის მიერ მოკლული ბუტა რობაქიძის დედა ია მეტრეველი "რეზონანსთან" საუბრისას აცხადებს, რომ მან სამართლიანობის იმედი დაკარგა.

ფინანსთა მინისტრი ნოდარ ხადური, განათლების მინისტრი თამარ სანიკიძე, შერიგებისა და სამოქალაქო თანასწორობის საქართველოს სახელმწიფო მინისტრი პაატა ზაქარეიშვილი - ეს ის მთავრობის წევრები არიან, რომლებსაც ახალ მინსტრთა კაბინეტში, დიდი ალბათობით, ვეღარ ვიხილავთ. ოფიციალური განცხადება არც ერთ მათგანთან დაკავშირებით არ გაკეთებულა, თუმცა, არაოფიციალური ინფორმაციით, ხადური თანამშრომლებს უკვე დაემშვიდობა.

საპარლამენტო უმრავლესობის წევრი გუგული მაღრაძე ფიქრობს, რომ ყოფილი პრემიერ-მინისტრის, ირაკლი ღარიბაშვილის გადადგომა მისი პირადი გადაწყვეტილება და უფლება იყო, ამიტომ ამ გადაწყვეტილების მოტივაციაზე საუბარი მას არასწორად მიაჩნია. მაღრაძის თქმით, ღარიბაშვილმა მთავრობასთან ერთად, საგარეო პოლიტიკის მიმართულებით მნიშვნელოვანი რეფორმები განახორციელა და ამის ერთ-ერთი ნათელი დასტური ვიზალიბერალიზაციის მიღებაა.

მეტროს სადგურ "სამგორის" ტერიტორიაზე სარეკლამო ბანერი ჩამოვარდა. როგორც "რეზონანსს" საგანგებო სიტუაციების მართვის სააგენტოში განუცხადეს, ბანერი იქვე გაჩერებულ სამ ავტომობილს დაეცა და ყველა მათგანი დაზიანდა. ავტომობილების მეპატრონეეები ადგილზე არ იმყოფებოდნენ და დაშავებულიც არავინაა.

იმერეთის რეგიონში წაბლის ტყეები მასობრივად ნადგურდება. ბოლო 4-5 წლის განმავლობაში ჯანსაღი ტყეების მაჩვენებელი 40-დან 85%-მდეა შემცირებული. პრობლემა განსაკუთრებით ზესტაფონშია, სადაც ლიცენზიანტის დაუდევრობით 6000 ჰა ტერიტორიაზე გაშენებული ტყე ეკოლოგიური კატასტროფის ზღვარზეა.

პარტიის "რებრენდინგი", წინასაარჩევნოდ მზადება, დაპირისპირება, კოალიციის დაბალი რეიტინგის გამოსწორება, წარუმატებლობის გამო გაწირვა - ირაკლი ღარიბაშვილის გადაწყვეტილების მიზეზებზე საუბრისას ზემოჩამოთვლილი ვარიანტები ყველაზე აქტუალური და პოპულარულია.

ახალ პრემიერ-მინისტრს და მთავრობის ახალ შემადგენლობას პარლამენტი, სავარაუდოდ, 29 დეკემბერს დააკომპლექტებს. ირაკლი ღარიბაშვილის შემცველად რამდენიმე კანდიდატურა განიხილება, თუმცა, როგორც საპარლამენტო უმრავლესობაში აცხადებენ, მათ შორის ყველაზე რეალური გიორგი კვირიკაშვილია.

გია ხუხაშვილი მიიჩნევს, რომ ყოფილი პრემიერ-მინისტრის, ირაკლი ღარიბაშვილის გადადგომის მიზეზი კომპლექსურია, რაც ხელისუფლების საგრძნობლად შელახულ რეიტინგსაც უკავშირდება. ანალიტიკოსი ფიქრობს, რომ მმართველ ძალას ავტორიტეტის სტაბილიზაციის მიზნით ცვლილებები სჭირდებოდა და ამგვარი რებრენდინგით მთავრობა საზოგადოებაში ახალი მუხტის შექმნას შეეცდება.

ხათუნა ლაგაზიძე აცხადებს, რომ ირაკლი ღარიბაშვილის გადაყენება, დიდი ხანია გადაწყვეტილი იყო. მისი თქმით, ეს პროცესი რამდენიმე დღის წინ გამოქვეყნებულმა კვლევებმაც დააჩქარა, სადაც "ქართული ოცნების" რეიტინგი მნიშვნელოვნად იყო დაკლებული.

მთავრობის ეკონომიკურ ბლოკში ცვლილებას ექსპერტების ნაწილი არ იზიარებს. მათი აზრით, შეიძლება კიდევ ერთი არასწორი გადაწყვეტილების მომსწრე გავხდეთ, განსაკუთრებით, ფინანსთა მინისტრის მისამართით, რადგან მოსალოდნელი საკადრო ცვლილების ადრესატად სწორედ ნოდარ ხადური მოიაზრება.