ისტორიის საკუთრებად იქცა კიდევ ერთი წელი თავისი გამარჯვებებითა და გადაჭრილი, თუ უფრო მეტად - გადაუჭრელი პრობლემებით, ახალი მთავრობებით და ძველი გამოწვევებით. ახალ წელს კი თავის ეშხს მატებს საშემოდგომო არჩევნები; როგორი შეიძლება იყოს ახალი წელი, რას უნდა ველოდოთ კიდევ თორმეტ თვის განმავლობაში, ამ კითხვით "რეზონანსმა" ანალიტიკოს სოსო ცინცაძეს მიმართა.

"კულუარებში ამბობენ, ახლა მსჯელობა მიმდინარეობს "თავისუფალი დემოკრატების" შემატებაზე... მათი გადასაწყვეტია, რას იზამენ, მთავარია, მათ გამოხატონ სურვილი," - აცხადებს "რეზონანსთან" საუბრისას საპარლამენტო უმრავლესობის წევრი ომარ ნიშნიანიძე. არადა ორი დღის წინ ჩვენთან ინტერვიუში საგარეო საქმეთა ყოფილმა მინისტრმა და ალასანიას გუნდის ერთ-ერთმა მთავარმა წევრმა მაია ფანჯიკიძემ კატეგორიულად უარყო რომელიმე პოლიტიკურ ძალასთან წინასაარჩევნო გაერთიანება. იგივე განცხადება ახალი წლის მიჯნაზე "რეზონანსთან" ინტერვიუში ირაკლი ალასანიამაც გააკეთა.

სპორტსმენებისა და მსახიობების გარდა, "ქართულ ოცნებას" პოლიტოლოგები ზოგიერთი პარტიის გაშვებასაც ურჩევენ. ამ პარტიებში გოგი თოფაძის "მრეწველებსა" და გუბაზ სანიკიძის "ეროვნულ ფორუმს" გულისხმობენ და ამბობენ, რომ კოალიციაში მათი ყოფნით მმართველ გუნდს არათუ არაფერი ემატება, არამედ აკლდება კიდეც, რადგან ამ პარტიების წარმომადგენლების სკანდალური განცხადებები მთელი კოალიციის რეიტინგზე უარყოფითად მოქმედებს.

"მაშინ, როდესაც ჩვენ რუსული რელსებიდან მთლიანად ევროპულზე გადავერთეთ, როდესაც რუსეთთან არა მხოლოდ პოლიტიკურ, არამედ ეკონომიკურ დისტანცირებას ვცდილობთ და მაშინ, როდესაც ვხედავთ, როგორ ახერხებს რუსეთი ზოგიერთი ქვეყნის მისი ზეგავლენის ქვეშ მოქცევას, გაურკვეველია ჩვენი "გაზპრომთან" თანამშრომლობისკენ სწრაფვა", - აცხადებს "რეზონანსთან" საუბრისას "ახალი მემარჯვენეების" პოლიტიკური მდივანი მანანა ნაჭყებია.

"გარწმუნებთ, რომ არ იქნება ისეთი გადაწყვეტილება მიღებული, რომელიც საქართველოს "გაზპრომზე" დამოკიდებულს გახდის. პრინციპულად გამორიცხულია ასეთი გადაწყვეტილების მიღება", - ამბობს "რეზონანსთან" საუბრისას "რესპუბლიკური" პარტიის ერთ-ერთი ლიდერი დავით ზურაბიშვილი და დასძენს, რომ ამ საკითხზე მოლაპარაკებების გასაიდუმლოება კომერციული საკითხების გამო ხდება.

ადამიანის ჯანმრთელობისათვის საშიში რადიოაქტიური ნივთიერებისადმი უკანონო მოპყრობისა და გასაღების ფაქტზე სახელმწიფო უსაფრთხოების დეპარტამენტმა სამი პირი დააკავა. სახელმწიფო უსაფრთხოების სამსახურის ადმინისტრაციის უფროსის მოადგილე ნინო გიორგობიანის განცხადებით, გამოძიება გრძელდება და დამატებით დეტალებთან დაკავშირებით ჯერჯერობით ვერ ისაუბრებენ.

საქართველოში დაახლოებით 2500-მდე სსიპ-ი და აიპ-ია, თუმცა ბიუჯეტის ანგარიშგებაში მხოლოდ რამდენიმე ასეულია შეყვანილი. ფინანსთა სამინისტროს ინფორმაციაც მხოლოდ მათზე ვრცელდება. ამ მონაცემებით, 2016 წელს სსიპ-ებისა და აიპ-ების ბიუჯეტი 1,5 მლრდ ლარს შეადგენს, საიდანაც 45% სახელმწიფო ბიუჯეტიდან ივსება, დანარჩენი 55% კი "კანონმდებლობით ნებადართული შემოსავლებიდან". სხვა დეტალები, მაგალითად, ფინანსების ხარჯვასთან დაკავშირებით არსად ჩანს, რაც ეჭვს აღძრავს.

სემეკის წევრობის კანდიდატურები მთავრობასა და პრეზიდენტის ადმინისტრაციას შორის კვლავ დავის საგნია. მარგველაშვილის მიერ შერჩეული 2 კანდიდატი მთავრობამ ისევ დაიწუნა. პრეზიდენტის ადმინისტრაციაში აცხადებენ, რომ აღნიშნულ საკითხთან დაკავშირებით კონსულტაციებს მთავრობასთან აუცილებლად გამართავს, მთავრობა კი ისევ დუმს.

საგარეო საქმეთა მინისტრის მოადგილის პოსტზე დავით ზალკალიანის დანიშვნას მისი ყოფილი თანაგუნდელი, "თავისუფალი დემოკრატების" ერთ-ერთი ლიდერი მაია ფანჯიკიძე ეხმაურება და ყოფილ თანაგუნდელს გადაწყვეტილებას უწუნებს. ფანჯიკიძის თქმით, რომელიც საგარეო საქმეთა მინისტრობისას ზალკალიანის უშუალო ხელმძღვანელი იყო, ამ უკანასკნელმა გადაწყვეტილება ინდივიდუალურად მიიღო და პარტიასთან არანაირი კავშირი არ აქვს.

2016 წლამდე მმართველი ძალისათვის ხელისუფლების შესანარჩუნებლად მაჟორიტარული სისტემა ისევ მთავარ საშუალებად დარჩა და ამდენად, წლევანდელ საპარლამენტო არჩევნებზე მაჟორიტარების პოლიტიკური ფასიც ძალიან მაღალია. წინასწარ კეთდება პროგნოზები, რომ არჩევნებს მოიგებს ის ძალა, ვინც მაჟორიტარებში მეტ მანდატს მოაგროვებს.

თურქეთის ქალაქ სტამბულში ნაპოვნი ფლამანდიელი მხატვრის, ანტონი ვან დეიკის (1599-1642) ტილოს ნამდვილობის დასამტკიცებლად ექსპერტიზა კვლავ გრძელდება, თუმცა მანამდე თურქი სპეციალისტები კლევის პირველად მონაცემებზე დაყრდნობით ტილოს ორიგინალობაზე უკვე საუბრობენ. ამის შესახებ თურქული "ჰურიეთი" რამდენიმე დღის წინ წერდა. საბოლოო დასკვნას კი, გაზეთის ცნობით, თურქეთის ხელოვნების უნივერსიტეტის ექსპერტები დადებენ.

ჯანდაცვის ყოფილი მინისტრი, "ერთიანი ნაციონალური მოძრაობის" სამოქალაქო საზოგადოებასთან ურთიერთობის მდივანი ზურაბ ჭიაბერაშვილი საყოველთაო ჯანდაცვის მიზნობრივით შეცვლის ინიციატივით გამოდის და ამბობს, რომ სახელმწიფო მდიდრისა და ღარიბისთვის ფულს თანაბრად არ უნდა ხარჯავდეს.