მთის კანონმა ბიზნესი ვერ წაახალისა. მიუხედავად მთელი რიგი შეღავათებისა, კომპანიებს არც კი უჩნდებათ სურვილი, მთიან რეგიონში ახალი საწარმო დააფუძნონ ან სულაც არსებული ბიზნესი გააფართოონ. სპეციალისტები მიიჩნევენ, რომ მიზეზი მთაში ინფრასტრუქტურის ძალიან დაბალი დონეა, თანაც კვალიფიციური მუშახელი, პრაქტიკულად, არ არსებობს, ბიზნესი კი ამ პირობებში ვერ განვითარდება.

მთავრობის ეკონომიკურმა გუნდმა 2 წლის შედეგ პენსიის 20-20 ლარით ზრდა დააანონსა. მაღალი ინფლაციის, ლარის გამუდმებული დევალვაციისა და სამომხმარებლო კალათის გაძვირების ფონზე, ამ დაპირებას მოჩვენებითს უწოდებენ სფეროს სპეციალისტები. 2 წლის შემდეგ ლარის მსყიდველუნარიანობა კიდევ უფრო ნაკლები იქნება და გაზრდილ პენსიას არანაირი ეფექტი არ ექნება.

დაახლოებით 2020 წლიდან ქვეყანაში ელექტროენერგიის საფეხურებრივი ტარიფი აღარ იქნება. რითი ჩანაცვლდება იგი და რა ვადაში შეძლებს მთავრობა ახალი მოდელის შემუშავებას, ჯერჯერობით უცნობია. ისინი ამჯობინებენ, სოციალურად დაუცველებზე სუბსიდირება გასცენ, ვიდრე ტარიფი დიფერენცირებული იყოს, სპეციალისტები კი ხელისუფლებას ბაზრის ლიბერალიზაციისკენ მოუწოდებენ. ასეთ შემთხვევაში ელექტროენერგია მომხმარებელს კონკურენტულ ფასად მიეწოდება.

ლარი დღითი დღე უფასურდება და ქვეყანას უმძიმესი ზამთრის გადატანა მოუწევს. მთავრობა კი მოსახლეობას ისევ სიმშვიდისკენ მოუწოდებს და აცხადებს, რომ პანიკის საფუძველი არ არსებობს და საშუალოვადიან პერიოდში ლარი დასტაბილურდება. როგორც წესი, მათი განცხადებები უმეტესად ფუჭია და სახელმწიფო მოხელეთა არაადეკვატურობა მეორე დღესვე აშკარავდება. ასე მოხდა ახლაც, როდესაც ერთდღიანი შესვენების შემდეგ ეროვნულმა ვალუტამ თავბრუდამხვევი დევალვაცია განაგრძო.

ავტომობილების რეალიზაცია განბაჟების გაძვირების შემდეგ მნიშვნელოვნად შემცირდა. მიუხედავად ამისა, საავტომობილო ბაზარი მანქანების სიმცირეს არ განიცდის. სამაგიეროდ, მყიდველია ცოტა. იმპორტიორთა ნაწილი რეალიზაციის პრობლემაზე საუბრობს.

"დუინგ ბიზნესის" რეიტინგში ჩვენი ქვეყნის პოზიცია 7 ადგილით გაუმჯობესდა. მე-16 ადგილიდან მე-9 ადგილზე გადასვლით საქართველო იმ ქვეყანათა ათეულშია, სადაც ბიზნესის კეთება და, შესაბამისად, საინვესტიციო გარემო მსოფლიოში საუკეთესოდ შეფასდა.

ეჭვი, რომ დენის გადასახადი მოიმატებს, კიდევ უფრო გამყარდა. სემეკ-ის გადაწყვეტილებით, "ხრამჰესი 1"-ის წარმოების ტარიფი 1,58 თეთრით, ხოლო "ხრამჰესი 2"-ის ტარიფი 1,85 თეთრით გაიზარდა. დიდია ალბათობა, რომ "ინტერ რაოს" კუთვნილი ელექტროსადგურებისთვის ტარიფების ზრდა კომუნალურ გადასახადზეც აისახოს.

დაგროვებითი საპენსიო მოდელი ბიზნესს ახალ თავსატეხს უჩენს. საქმე ისაა, რომ დაგროვების სისტემაში ჩართული მოქალაქეებისთვის 2%-ს სახელმწიფო გადაიხდის, 2%-ს - თავად მოქალაქე, ხოლო 2%-ს - ბიზნესი. სპეციალისტების ერთი ნაწილი მიიჩნევს, რომ ბიზნესი თავს არ დაიზარალებს და იმ 2%-ს, რომელიც ფონდში უნდა გადარიცხოს, ახალი თანამშრომლების ან უკვე დასაქმებულების ხელფასის შემცირების ხარჯზე დააკომპენსირებს.

სამომხმარებლო ბაზარი მორიგი გაძვირებისთვის ემზადება. იმპორტიორები უკვე ამბობენ, რომ არსებული ფასების შენარჩუნება შეუძლებელია და უახლოეს დღეებში ყველა პროდუქტზე ფასის მინიმუმ 5%-იანი მატება გარდაუვალია. ისიც იმ პირობებში, თუ ლარის კურსი არსებულ ნიშნულზე დარჩება. გაძვირება შეეხება აბსოლუტურად ყველა დასახელების პროდუქტს - როგორც იმპორტირებულს, ასევე ადგილობრივს.

მსოფლიო ბაზარზე ნავთობი ძვირდება. ფასი ელვის სისწრაფით მატულობს და ბოლო ორი წლის განმავლობაში ყველაზე მაღალ ნიშნულზეა. 1 ბარელის ღირებულებამ უკვე 61 აშშ დოლარს მიაღწია. სპეციალისტებს უჭირთ პროგნოზის გაკეთება, თუ რა იქნება მოკლევადიან პერიოდში და რამდენად დაბალანსდება შავი ოქროს ღირებულება. რაც შეეხება საქართველოს ბაზარს, აქ ნავთობის გაძვირებას საერთაშორისო ტენდენციასა და ლარის გაუფასურებას უკავშირებენ და არ გამორიცხავენ, რომ მოკლევადიან პერიოდში საწვავი კიდევ უფრო გაძვირდეს.

"სითი პარკთან" დადებული ხელშეკრულება რომ კაბალურია და მისი გაწყვეტა დროზე ადრე რომ უნდა მოხდეს, ეს უკვე ყველა თბილისელისთვის აქსიომაა. მიუხედავად დიდი სოციალური პრობლემებისა, უწესრიგო მშენებლობებისა და ჰაერის დაბინძურებისა, დედაქალაქის მერობის კანდიდატების მხრიდან ერთ-ერთი მთავარი დაპირება სწორედ პარკირების კომპანიის დროზე ადრე შეზღუდვა იყო. ჯერჯერობით უცნობია, მოახერხებს თუ არა თბილისის ახლად არჩეული მერი კონტრაქტის გაწყვეტას იმ ორგანიზაციასთან, რომლის საქმიანობასაც ცალსახად უარყოფითად აფასებდა წინასაარჩევნო პროცესში.

მას შემდეგ, რაც საქართველოში კერძო საკუთრების უფლება სრულყოფილი სახით აღდგა, სასოფლო-სამეურნეო მიწის ნაკვეთების დარეგისტრირება მოსახლეობის მხოლოდ 25%-მა მოახერხა. პრობლემა წლების განმავლობაში ვერ გადაწყდა. ამიტომ 2016 წლის 1-ლი აგვისტოდან ამოქმედდა "სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის სპეციალური წესისა და საკადასტრო მონაცემების სრულყოფის შესახებ" კანონი და საჯარო რეესტრის ეროვნულმა სააგენტომ დაიწყო მიწის რეგისტრაციის სახელმწიფო რეფორმა. იგი მოქალაქეებისთვის უფასო მომსახურებას ითვალისწინებს.