ეროვნული ბანკი ლარის თავბრუდამხვევი დევალვაციის წინაშე უძლურია. მისგან არც მთავრობა ითხოვს, ლარი აკონტროლოს და მკაცრი მონეტარული პოლიტიკა გაატაროს, რადგან ამ ნაბიჯით ეკონომიკური ზრდის მაჩვენებელს შეაფერხებს. ქვეყანაში ეკონომიკური ზრდა მართლაც შეინიშნება, თუმცა ამ ციფრობრივ მაჩვენებელს ყოველდღიურად ეწირება მოსახლეობის სოციალური მდგომარეობა, რომელიც დევალვაციისა და ინფლაციის გამო დღითი დღე მძიმდება.

ლარის გაუფასურებამ პირველი შედეგი უკვე "მოიტანა". დევალვაცია ნავთობის ბაზარმა მაშინვე იგრძნო. როგორც ბრენდირებულ ისე არაბრენდირებულ სადგურებზე საწვავმა 5 თეთრით მოიმატა. ავტოგასამართ სადგურებში აცხადებენ, რომ მიუხედავად დიდი მცდელობისა, ძველი ფასების შენარჩუნება უჭირთ. საქმე ისე მიდის, რომ მალე მცირე აგს-ებზეც 1 ლიტრი ბენზინი 2 ლარი ეღირება და შედარებით იაფი საწვავის ეპოქა სამუდამოდ წარსულს ჩაბარდება.

ადგილობრივმა არჩევნებმა ჩაიარა და ხუდონჰესის თემაც კიდევ ერთხელ გაცოცხლდა. როგორც ჩანს, მთავრობა პროექტთან დაკავშირებით მეტად გააქტიურდა. ენერგეტიკის სამინისტროში ამ ეტაპზე ეძებენ გზებს, თუ რა ფორმით განხორციელდება იგი.

სუპერმარკეტების ქსელმა „სმარტმა“, ახალ ფორმატში გადასვლის შემდგომ, მტკვრის მარცხენა სანაპიროზე, მუშტაიდის ბაღთან მდებარე „ვისოლის“ ავტოგასამართ სადგურთან პირველი სუპერმარკეტი გახსნა.

მრავალფეროვანი, უმაღლესი ხარისხის პროდუქტები, "სმარტის" წარმოების ყოველდღიურად ახალი, უგემრიელესი პურ-ფუნთუშეული და საკონდიტრო ნაწარმი, მისაღები ფასები, უფასო WI-FI და სხვადასხვა სერვისები "სმარტის" მომსახურებას უფრო კომფორტულს ხდის. 

მომავალ 2 თვეში ლარის კურსის გაუფასურებაზე ნეგატიურ გავლენას საბიუჯეტო გადასახდელებიც მოახდენს. წლის ბოლომდე საბიუჯეტო დასახარჯის მოცულობა იმდენად მაღალი იქნება, რომ სავალუტო ბაზარზე მისი უარყოფითი როლი სავსებით მოსალოდნელია.

მსოფლიოს მასშტაბით ტყის საფარი ნადგურდება. წინა წლის მონაცემებით, დაკარგული ტყეების რაოდენობამ 29.7 მილიონი ჰექტარი შეადგინა. ეს შეუქცევადი პროცესი დაუდევრობის შედეგია, რომელმაც საქართველოშიც იჩინა თავი. ტყის მასივის გაჩანაგების საფრთხე ყოველწლიურად გეომეტრული პროგრესიის სისწრაფით იზრდება. სპეციალისტები მსოფლიო მდგომარეობის პარალელურად, საქართველოში არსებულ ვითარებასაც საგანგაშოს უწოდებენ და სახელმწიფოს როლზე საუბრობენ.

საპენსიო ასაკის გათანაბრებასთან დაკავშირებით აზრთა სხვაობაა. როგორც პოლიტიკოსებს, ასევე ექსპერტთა ნაწილს მიაჩნია, რომ დროთა განმავლობაში ბიუჯეტი ვეღარ შეძლებს დამატებითი საპენსიო ხარჯის გაწევას. მართალია, ოფიციალურად ამ მიზეზის დასახელება არ მომხდარა, მაგრამ ფაქტია, რომ საპენსიო ასაკის გათანაბრების მოწინააღმდეგე მხარე სწორედ ამ არგუმენტს ეყრდნობა. სინამდვილეში, სახელდება სხვა მიზეზი, როგორიცაა, მაგალითად, "ღირსეული ცხოვრების პირობების" შეთავაზება ამ კატეგორიის ადამიანებისთვის.

ლარის გაფასურების პროცესს საქართველოს ეროვნული ბანკი საკმაოდ გულგრილად აკვირდება. ფაქტია, რომ უწყების მხრიდან დევალვაციის შესაჩერებლად არანაირი ქმედითი ღონისძიება არ ტარდება, პირიქით, სებ-ის ინერტული პოზიცია ლარს უფრო მეტად ასუსტებს. ამასობაში ფასები მაღლა მიიწევს და ძალიან მალე ინფლაციის შეჩერება შეუძლებელი გახდება. ფინანსისტები თვლიან, რომ მიმდინარე წლის ნოემბრიდან ლარი 2.56-იან მაჩვენებელს გადასცდება, ხოლო ინფლაცია სამომხმარებლო პროდუქტებზე 12%-საც კი მიაღწევს.

ლარის გაუფასურების კვალდაკვალ კომუნალური გადასახადების გაზრდის საფრთხე დიდია. ლარის გაუფასურება და ფინანსური ბაზრის არასტაბილურობა ტარიფების გაძვირების ალბათობას მნიშვნელოვნად ზრდის. ცნობილია, რომ დენის გადასახადი 2,40-ზეა დათვლილი, კურსი კი უკვე 2,55-ის ფარგლებშია. როგორც ანალიტიკოსები ვარაუდობენ, წლის ბოლოს 2,60-საც მიაღწევს. ენერგეტიკოსები გვაიმედებენ, რომ ტარიფის შენარჩუნება შესაძლებელია, მაგრამ რა მოხდება მაღალი კურსის პირობებში, ამაზე ცალსახა პასუხი არავის აქვს.

საქართველოში ათეულობით უძრავი კომპანიაა, რომლებმაც მობინადრეების წინაშე აღებული ვალდებულებები ვერ შეასრულა. "ცენტრ-პოინტი" გახმაურებული საქმეების გამო თავს, უბრალოდ, არ გვავიწყებს, მაგრამ უამრავი საშუალო კომპანიაა, რომელთა მიერ დაზარალებულთა რაოდენობამ 20 000-ს მიაღწია (აქედან 6000-მდე მეტი მარტო "ცენტრ-პოინტზე" მოდის). საეჭვოა, მათთვის რამე შეიცვალოს და კომპანიებმა შეასრულონ წლების წინ მიცემული პირობა, ვინაიდან მათი უმეტესობა უკვე გაკოტრებულია. ასეთი, როგორც სპეციალისტები ვარაუდობენ, სამშენებლო კომპანიების საერთო რადენობის 20%-ია.

როგორც მოსალოდნელი იყო, არჩევნების ჩატარებისთანავე ლარმა თავბრუდამხვევი სისწრაფით დაიწყო გაუფასურება. რამდენიმე დღის წინ ფინანსთა სამინისტროს მიერ გაკეთებული ომახიანი განცხადება აბსოლუტურად მცდარი აღმოჩნდა. ფინანსისტები და უმრავლესობის დეპუტატებიც კი დევალვაციაზე პასუხს ეროვნულ ბანკს სთხოვენ.

სოფლად მცხოვრები მოსახლეობის წლიური შემოსავალი, 2015 წლიდან მოყოლებული, მხოლოდ 17 ლარით გაიზარდა, ხოლო ერთ სულ მოსახლეზე მატებამ მინიმალური თანხა - 8 ლარი შეადგინა. ლარის დევალვაციისა და მაღალი ინფლაციის ფონზე, ამ შემოსავლით რეგიონებში მცხოვრები მოსახლეობის აბსოლუტური უმრავლესობა სიღარიბის ზღვარს მიღმაა. საქმეს ვერ შველის ვერც სოციალური შემწეობა და ვერც მთის კანონით დადგენილი სხვადასხვა ტიპის შეღავეთები.