ზამთარში გაზის ხარისხი წელსაც გაუარესდება და მოსახლეობას "გაზრდილი" გადასახადის დაფარვა მოუწევს. როგორც სპეციალისტები ამბობენ, ბუნებრივი აირის ხარისხი ერთადერთი მიზეზია, რის გამოც მოსახლეობა ცივ დღეებში უფრო მეტს მოიხმარს და, შესაბამისად, ხარჯიც მატულობს. ასეთი პრობლემის წინაშე მოქალაქეები სწორედ შარშან ამ დროს აღმოჩნდნენ და გაზგამანაწილებელი კომპანიები მაქინაციებში დაადანაშაულეს კიდეც. ეჭვი, რომ საქართველოში შემოსულ ბუნებრივ აირს "სხვა ნივთიერებებს" ურევენ, ეჭვად დარჩა.

ეროვნული ბანკის პრეზიდენტის პარლამენტში გამოსვლა ხმაურის ფონზე წარიმართა. ოპოზიციის გარდა, სებ-ის პოლიტიკით უკმაყოფილონი არიან უმრავლესობაშიც. ამიტომ კობა გვენეტაძეს უამრავი თავდამსხმელის მოგერიება მოუხდა, თუმცა მისი ზოგადი პოზიციიდან შეუძლებელი აღმოჩნდა იმის დადგენა, თუ რა ელის სამომავლოდ ეროვნულ ვალუტას.

საქართველოს ყოველი მეორე ოჯახი მიზერული შემოსავლის ამარაა. საქართველოს სტატისტიკის ეროვნული სამსახურის მიერ ჩატარებული კვლევის შედეგმა საშუალო თვიური ხელფასის ამსახველი სტატისტიკა თავდაყირა დააყენა. საბოლოოდ დადასტურდა, რომ ოჯახების შემოსავლების სავალალო მაჩვენებელი ოფიციალური უწყების მეთოდოლოგიასთან აშკარა წინააღმდეგობაშია.

ოპეკის ქვეყნების შეთანხმება მსოფლიო ბაზარზე ნავთობის გაძვირების წინაპირობაა. 2018 წელი შეიძლება მომხმარებელს საწვავის გაძვირებით დაამახსოვრდეს. საქართველოს საცალო ქსელში ამ დროისთვისაც საკმაოდ რთული ვითარებაა. გაძვირების მორიგი ტალღა საკმაოდ მძიმე დარტყმა იქნება მომხმარებლისთვისაც და ბიზნესისთვისაც.

ანაკლიის პორტის მშენებლობის აუცილებლობას საქართველოში უკვე არსებული პორტების მფლობელები საჭიროდ არ მიიჩნევენ, თუმცა ამ პროექტის დასრულება ქვეყნისთვის საკმაოდ მნიშვნელოვანია. საქართველოში პორტებს შორის ბრძოლა უკვე ძალიან გამძაფრდა.

მთავრობა ეკონომიკური ზრდის მონაცემებით მანიპულირებს. ქვეყნის პრემიერ-მინისტრი საქართველოში არსებულ მდგომარეობას რეგიონში საუკეთესოდ მიიჩნევს, მაგრამ ეს სიმართლეს არ შეეფერება. ეკონომიკური ზრდის მაჩვენებლით რეგიონის ლიდერი სომხეთია. 2017 წლის 3 კვარტალში სომხეთის ეკონომიკურმა ზრდამ 5.3%-ს მიაღწია (ოქტომბრის მონაცემები იქ ჯერ დათვლილი არ არის). რაც შეეხება საქართველოს, ჩვენთან იანვარ-სექტემბერში მშპ-ს საშუალო ზრდა 4.7%-ია, რაც აშკარად ჩამორჩება მეზობლის მაჩვენებელს.

ზუსტად 1 თვეში ლარის კურსის გაუფასურებაზე უარყოფით გავლენას საბიუჯეტო გადასახდელებიც მოახდენს. მიმდინარე წლის ბიუჯეტში გასახარჯი თანხის მოცულობა იმდენად დიდია, რომ სავალუტო ბაზარსა და ინფლაციურ პროცესებზე მისი უარყოფითი როლი სავსებით მოსალოდნელია.

საქართველოში ჰიბრიდული და ეკოავტომობილების აწყობას ჩინეთიდან შემოსული ნაწილებით აპირებენ. ინფორმაცია ეკონომიკის მინისტრ დიმიტრი ქუმსიშვილს ეკუთვნის, მაგრამ დამატებითი დეტალები ჯერჯერობით უცნობია. ტრანსპორტის დარგის სპეციალისტები წამოწყებას დადებითად აფასებს, თუმცა თუკი პირველად წარმოებული ავტომობილები ხარისხიანი არ იქნება, შემდგომში ბაზარზე მისი დამკვიდრება შეუძლებელი გახდება.

ენეგეტიკის სფეროსადმი ინევესტორებს ინტერესი სულ უფრო უქრებათ. მართალია, მთავრობას ამის აღიარება უჭირს, მაგრამ სტატისტიკა სწორედ ამას ადასტურებს. ეკონომიკის მინისტრის განცხადებით, ენერგეტიკაში ინვესტიციების მოცულობა არ შემცირებულა, რასაც არავინ იზიარებს. ისინი აცხადებენ, რომ ენერგოსექტორი უცხოური კაპიტალის კლებას განიცდის. გამუდმებული პროტესტისა თუ სხვა მიზეზის გამო, საქართველოს ენერგეტიკის მიმართ ინვესტორებმა ინტერესი დაკარგეს.

ლარიზაციის პროგრამის დაწყებიდან თითქმის ერთი წელი გავიდა და შეიძლება ითქვას, რომ ქვეყანაში ეროვნული ვალუტისადმი ნდობა, გაზრდის ნაცვლად, შემცირდა. ქვეყანა 3/4-ით იმპორტდამოკიდებულია, რაც კიდევ უფრო ზრდის დოლარზე მოთხოვნას. ამ და სხვა რიგი მიზეზების გამო ლარიზაციის პროგრამის რეალურად ამუშავებას შესაძლოა, 20 წელიც კი დასჭირდეს. ყოველ შემთხვევაში, წლისთავზე ამ მხრივ არანაირი პროგრესი არ არის და თუ ეკონომიკური საკითხები არ მოგვარდება, ხელოვნური პროგრამებით დოლარის ლარით ჩანაცვლება შეუძლებელი იქნება.

მთავრობა ბიუროკრატიულ ხარჯებს ზრდის და აშკარად იტყუება, როცა ოპტიმიზაციაზე საუბრობს. ბიუჯეტის პროექტის მიხედვით, 2018 წელს ადმინისტრაციული ხარჯი, წინა წელთან შედარებით, 85 მლნ ლარით არის გაზრდილი. მთავრობა ამბობს ერთს, მაგრამ აკეთებს საპირისპიროს. ამ დროს მოსახლეობა სულ უფრო ღარიბდება და მხოლოდ ხელისუფლებაში მოკალათებული ადამიანების შემოსავალი მატულობს.

სავალუტო ბაზარზე ყველაზე რთული პერიოდი იწყება. ლარზე 3 კვირის განმავლობაში დიდი წნეხი იქნება. როგორც წესი, ყოველწლიურად სავალუტო კრიზისი ნოემბრის ბოლოდან იწყება და დეკემბრის შუა რიცხვებამდე გრძელდება. არც წლევანდელი წელი იქნება გამონაკლისი, რადგან კომპანიები იმპორტირებულ პროდუქტს იმარაგებენ, ახლოვდება ვალების დაფარვის პერიოდი და ბიუჯეტიდან უამრავი თანხა იხარჯება. ფინანსისტები იმ ფაქტორებს ასახელებენ, რომელთა გათვალისწინებითაც მძიმე ეტაპის გადალახვა მეტ-ნაკლებად მშვიდად იქნება შესაძლებელი.