ელექტროენერგიის სამომხმარებლო ტარიფებს სემეკი 26 დეკემბერს დაამტკიცებს. როგორც ენერგეტიკოსები ვარაუდობენ, სატარიფო ცვლილება გარდაუვალი იქნება, თუმცა უმნიშვნელოდ გაზრდილ გადასახადს მოსახლეობა უმტკივნეულოდ გადაიტანს.

"ვისოლი ჯგუფი" ახალ საქველმოქმედო პროექტში ერთვება. იგი კომპანიის კორპორაციული სოციალური პასუხისმგებლობის სტრატეგიის ფარგლებში - "ჩვენ ვქმნით უკეთეს მომავალს" - ახალ პარტნიორებთან ერთად ხორციელდება. "დიმიტრი ცინცაძის ფონდი", world vision და we help ერთობლივად დაეხმარებიან იმ მოწყვლად ადამიანთა ჯგუფს, ვისთვისაც მხარდაჭერა სასიცოცხლოდ მნიშვნელოვანია.

ქვეყანაში განკარგვადი შემოსავალი, სტატისტიკური მონაცემების მიხედვით, იზრდება, თუმცა ინფლაციის მაჩვენებელი იმდენად ჭარბობს, რომ მისი ზრდა მოსახლეობისთვის შეუმჩნეველი რჩება. განკარგვადი შემოსავლის დაბალ მაჩვენებელს მხოლოდ ლარის კურსი არ განსაზღვრავს, რადგან მოსახლეობის დიდი ნაწილი ვალზეა დამოკიდებული. წინა წლების მსგავსად, ეს ტენდენცია 2017 წელსაც შენარჩუნდა, რადგან ინფლაციის მაღალმა მაჩვენებელმა მოხმარებაც შეამცირა. სპეციალისტებს მიაჩნიათ, რომ მომავალ წელს ფასების მაჩვენებელი ისევ მაღალი იქნება, რაც განკარგვადი შემოსავლის წილს, სტატისტიკური მაჩვენებლისგან გასხვავებით, რეალურად ვერ გაზრდის.

მთავრობა დემპინგთან დაკავშირებული პრობლემის მოგვარებას იწყებს. ჯერჯერობით უცნობია, რა ჩაიდება კანონპროექტში და რა ზომებს მიიღებს მთავრობა საკუთარი ბაზრის დასაცავად. მწარმოებლები ახალ ცვლილებას მიესალმებიან, იმპორტიორებს კი მისი სრულფასოვანი მოქმედება აეჭვებთ.

საქართველოში 2018 წელს ფასები მაღალ ნიშნულზე დარჩება. ეს კი მოსახლეობის განკარგვად შემოსავალს კიდევ უფრო შეამცირებს.  რამდენადაც ლარი მკვეთრად გაუფასურდა და ფასებიც მუდმივად იზრდება, მოსახლეობაში ფულის მწვავე დეფიციტია. ამიტომ საქართველოში სიღარიბე კიდევ რამდენიმე ათეული წელი ვერ დაიძლევა. 

სასტუმროებისა და კოტეჯების მომსახურების ფასი წლიდან წლამდე იზრდება, თუმცა წელს ასეთი ტენდენცია არ შეიმჩნევა. ეკონომიკური კრიზისის გამო საოჯახო სასტუმროების მეპატრონეებს უწევთ, მომხმარებელს ისეთი ფასი შესთავაზონ, რაც მათთვის მისაღებია. ამას ემატება შიდა კონკურენციაც - ყოველ წელს კურორტებს 5-10 სასტუმრო თუ კოტეჯი ემატება.

საშინაო ვალი წლიდან წლამდე დიდი სისწრაფით იზრდება. მარტო ბოლო 11 თვის განმავლობაში სახელმწიფოს შიდა ვალდებულებები 300 მილიონზე მეტით გაიზარდა, ხოლო ახალი ხელისუფლების პირობებში - 1,6 მლრდ ლარით. ეს არის მკვეთრად ნეგატიური მოვლენა, რადგან ხელისუფლებას თანხა არ ყოფნის და, ხარჯის შემცირების ნაცვლად, დამატებით ვალს იღებს. ბოლო 8 წელიწადში კომერციული ბანკებისგან სესხად მიღებული თანხების მოცულობა თითქმის 200 პროცენტით გაიზარდა.

მსხვილი ინვესტორები საქართველოდან მიდიან. იმის ნაცვლად, რომ მასშტაბური კაპიტალი მოვიზიდოთ, დიდი კომპანიები ბაზარს ტოვებენ. 1 წლის წინ საბანკო სექტორს უზარმაზარი ფრანგული გიგანტი "სოსიეტე ჟენერალი" გამოაკლდა, ახლა საკომუნიკაციო ბაზარს შვედური "ტელიასონერა" ტოვებს.

სადაზღვევო კომპანია "ჯიპიაი ჰოლდინგი" მომხმარებელს ავტოდაზღვევის უპრეცედენტო პირობებს სთავაზობს. პირველად საქართველოში ფიზიკურ პირებს, რომლებიც 2018 წლის პირველ მარტამდე შეიძენენ მრავალწლიან ავტოდაზღვევას, კომპანია საჩუქრად 1000-ლარიან ვაუჩერს გადასცემს. როგორც სადაზღვევო კომპანიაში განმარტავენ, ავტოდაზღვევის ახალი პროდუქტი მომხმარებლის ინტერესებისა და მოთხოვნების საფუძველზეა შემუშავებული.

ლარის კურსის გამყარების გამო საქართველოში იმპორტირებული საწვავის თვითღირებულება 10 თეთრით შემცირდა. ეს ნიშნავს, რომ დღე-დღეზე საცალო ქსელში ბენზინი და დიზელი უნდა გაიაფდეს. იმპორტიორების თქმით, ფასის კლება საბითუმო ბაზარზე უკვე ასახულია და ეტაპობრივად ავტოგასამართ სადგურებზეც შემცირდება საწვავის ღირებულება. მიუხედავად იმისა, რომ წინ შობა-ახალი წლის აქტიური სატრანსპორტო სეზონი გველოდება, ეს პერიოდი ვერ შეაფერხებს გაიაფების პროცესს. უფრო მეტიც, 10 დღეში საწვავის სარეალიზაციო ფასი კლებისკენ წავა.

წყლის გაძვირება თითქმის გადაწყვეტილია. ოფიციალურად ეს ინფორმაცია არ დასტურდება, თუმცა საქართველოს ენერგეტიკისა და წყალმომარაგების მარეგულირებელი ეროვნული კომისიის ერთ-ერთ სხდომაზე წყლის გადასახადთან დაკავშირებით ითქვა, რომ ინვესტიციები წინასწარ ტარიფში აუცილებლად აისახება. ამით, ფაქტობრივად, დადასტურდა, რაზეც უკვე სპეციალისტები საუბრობენ - წყლის გადასახადის ზრდა გარდაუვალია.

წყლის გაძვირება თითქმის გადაწყვეტილია. ოფიციალურად ეს ინფორმაცია არ დასტურდება, თუმცა საქართველოს ენერგეტიკისა და წყალმომარაგების მარეგულირებელ ეროვნულ კომისიის ერთ-ერთ სხდომაზე წყლის გადასასახადთან დაკავშირებით ითქვა, რომ ინვესტიციები წინასწარ ტარიფში აუცილებლად აისახება. ამით, ფაქტობრივად, დადასტურდა, რაზეც უკვე სპეციალისტები საუბრობენ და აცხადებენ, რომ წყლის გადასახადის ზრდა გარდაუვალია.