დედაქალაქის ცენტრალურ უბნებში პარკირება მძღოლების დიდი ნაწილისთვის, პრაქტიკულად, შეუძლებელი გახდება. ზონალური და საათობრივი პარკინგის სისტემის შემოღებით პარკირების გადასახადი თბილისის ცენტრში დაახლოებით 20-30-ჯერ გაიზრდება. მართალია, ჯერჯერობით, პარკირების საფასურის ზუსტი მოცულობა არ სახელდება, მაგრამ, სპეციალისტების ინფორმაციით, საუბარია, რომ საათობრივი სისტემის შემთხვევაში 1 ლარი გახდეს. იმისთვის, რომ მძღოლმა მანქანა ცენტრალურ უბანში დაახლოებით 3-4 საათით გააჩეროს, მას 3-4 ლარის გადახდა მოუწევს. ამ სქემის მიხედვით, პარკირების გადასახადი მოქალაქეებს დაახლოებით 30-ჯერ გაეზრდებათ.

 საპენსიო რეფორმის მიმართ საზოგადოების დიდ ნაწილს ნდობა არ აქვს. კანონიც ისე მიიღეს, რომ ოპონენტების აზრი მინიმალურ დონეზეც არ არის გათვალისწინებული. მართალია, კანონმდებლები ამბობენ, რომ საერთაშორისო გამოცდილება გაითვალისწინეს, თუმცა რამდენად მოერგება იგი ქართულ სინამდვილეს, ძნელად სარწმუნოა. რაც სპეციალისტებს კანონში ყველაზე მეტად არ მოსწონთ, 25-წლიანი პერსპექტივაა, რა დროიდანაც მოქალაქეებს გაზრდილი პენსიის მიღება შეეძლებათ, მაგრამ, რეალურად, არანაირი გარანტი არ არის, რომ ადამიანი 25 წლის შემდეგ თავის მიერ შეტანილი თანხის შესაბამის თუ არა, მიახლოებით შესატყვის პენსიას მაინც მიიღებს.

თანამედროვე სამთო მრეწველობაში ერთ-ერთ მნიშვნელოვან საკითხს გარემოს დაცვა და შრომის უსაფრთხოება წარმოადგენს.

რუსეთმა ქართულ ალკოჰოლურ სასმელებს შეიძლება, პრობლემა შეუქმნას. დაბალი ხარისხის საბაბით, ქვეყანამ 16 ათასი ლიტრი ქართული სასმელი ბაზარზე არ დაუშვა. მწარმოებლები ფიქრობენ, რომ შესაძლოა, ხარისხის მხრივ ყველაფერი წესრიგში არ არის, მაგრამ არ გამორიცხავენ იმასაც, რომ ქართული ღვინო პოლიტიკური მოტივით დაებლოკათ.

პირამიდული ბიზნესის ჩამოშლის ტენდენცია გრძელდება. საფინანსო კომპანია "საქართველოს", "ემეფიქს ბროკერ ჯორჯიასა" და რამდენიმე მსგავსი კომპანიის თაღლითური სქემების გაშიფვრის შემდეგ მეანაბრეები თანხების მითვისებაში "ეფიქს ბიზნეს გრუპს" ადანაშაულებენ.

ტექნიკის ფასი შესაძლოა, 3-5%-ით გაიზარდოს. მიზეზი ნარჩნების გადამუშავების ახალი სტრატეგიაა. ინფორმაციას არ ადასტურებენ ტექნიკის მაღაზიების უმრავლესობაში, მათ ამოქმედების პირას მყოფი კანონპროექტის შესახებ არ იციან, სფეროს მკვლევარი ორგანიზაციები კი გაძვირებაზე საუბრობენ.

საცალო ქსელებში შაქარი მაღალი მოგებით იყიდება. მიუხედავად იმისა, რომ პროდუქტის გაიაფება რეალურად შესაძლებელია, ფასი ბოლო 2 თვის განმავლობაში არ შეცვლილა. ეს მაშინ, როცა ჯერ კიდევ მაისში იმპორტიორები შაქრის ფასის 1 ლარამდე შემცირებას ვარაუდობდნენ, მაგრამ, ამის მიუხედავად, საპირისპირო ტენდენცია დაფიქსირდა და თბილისის სუპერმარკეტებში ფასი უმნიშვნელოდ გაზარდეს კიდეც.

უკვე მეხუთე დღეა, მსოფლიო ბაზრებზე ნავთობი იაფდება. ცვლილებას ქართველი მომხმარებელიც ელის, მაგრამ ლოდინს, მინიმუმ, 2 კვირა დასჭირდება. იმპორტიორების ვარაუდით, დაახლოებით ეს პერიოდია საჭირო, რომ საწვავი ადგილობრივ ბაზარზეც გაიაფდეს.

გზების მშენებლობის ტემპი შენელებულია. დიდი ძალისხმევის მიუხედავად, ავტომაგისტრალის მშენებლობის პროცესი დროში ჭიანურდება, რის გამოც პროექტის დასრულების ვადა სამგზის შეიცვალა. თუკი ინფრასტრუქტურის სამინისტროს მხრიდან პრობლემად ხშირად მშენებლობის სირთულე სახელდება, სპეციალისტები პროექტის ხარვეზად სატენდერო პირობების შეუსრულებლობასა და კონტროლის შესუსტებას მიიჩნევენ. მაგისტრალი, რომელიც 2019 წლამდე უნდა მისულიყო გვირაბამდე, აგარასთან გაიჭედა და წინსვლა ჯერჯერობით არ შეინიშნება.

ხელფასის დაბეგვრის მოდელთან დაკავშირებით მსჯელობა კიდევ უფრო გააქტიურდა. პარლამენტარ გია ჟორჟოლიანის ინიციატივა 2500 ლარს ზემოთ 30%-ით დაბეგვრის შესახებ სპეციალისტების დიდმა ნაწილმა ქონებრივ დისკრიმინაციად მიიჩნია, მეორე ნაწილს კი აქვს რეკომენდაცია, 600 ლარს ქვემოთ შემოსავლის მქონე პირებმა გადაიხადონ ნაკლები გადასახადი, ხოლო მრავალშვილიანებმა, 20%-ის ნაცვლად, საერთოდაც - 10%, რაც დემოგრაფიულ ზრდას შეუწყობს ხელს.

გაძვირებულ სამედიცინო მომსახურებასა და უკმაყოფილო პაციენტების არმიას ბოლო არ უჩანს. მიუხედავად იმისა, რომ სამედიცინო სფერო ნელ-ნელა ვითარდება, პრობლემები კიდევ უფრო მეტია. პაციენტების უკმაყოფილება, როგორც ექიმებს, ასევე კლინიკის შიდა მენეჯმენტსაც ეხება. სპეციალისტების აზრით, ადამიანებს, ვისაც საზოგადოების ჯანმრთელობის უზრუნველყოფა ევალებათ, დაუმსახურებლად დაბალი ანაზღაურება აქვთ და ისინი გულგრილად ეკიდებიან თავიანთ მოვალეობას.

მინდელის შახტში მომხდარ უბედურ შემთხვევაზე პასუხისმგებლობა კომპანიის მმართველ პირებს უნდა დაეკისროთ. ერთ-ერთ გვირაბში, სადაც გუშინ აფეთქების შედეგად 4 ადამიანი გარდაიცვალა და 6 დაშავდა, უსაფრთხოების ნორმები დაცული არ იყო. აფეთქება მოხდა სწორედ იმ უბანში, სადაც 3 თვის წინ, 5 აპრილს მომხდარი შემთხვევის გამო 6 ადამიანი დაიღუპა და 3 დაშავდა. სამართლის სფეროს წარმომადგენლები ერთხმად აღნიშნავენ, რომ მკაცრად უნდა დაისაჯონ დამნაშავეები, შახტში კი უსაფრთხოების ნორმები უნდა გამკაცრდეს.