ერთიანი საბარათე სისტემა, ტრანსპორტის ფასის სავარაუდო მატება და რეგიონებიდან მხოლოდ თბილისის შემოსასვლელებამდე ჩამოყვანილი მგზავრები. ეს სიახლეები ელით მგზავრებს უახლოეს წელიწადნახევარში.

ლარის არანორმალურად დაცემული კურსი უკვე ადგილობრივ წარმოებასაც პრობლემას უქმნის. სავალუტო კრიზისის გამო ბოლო თვეების განმავლობაში მდგომარეობა იმდენად დამძიმდა, რომ საფრთხე აბსოლუტურად ყველა ბიზნესს შეეხო. ფაქტია, რომ ლარის რყევა არა მარტო იმპორტული პროდუქციის ფასსზრდის, არამედ ადგილობრივ წარმოებასაც უთხრის ძირს, რადგან ისიც უმეტესად იმპორტულ ნედლეულზეა დამოკიდებული.

დაგროვებითი საპენსიო სისტემა 63%-მა დატოვა. საუბარია, 40 წელს გადაცილებულ იმ 200 ათას ადამიანზე, რომელიც ახალ სქემაში გაწევრიანდა, მაგრამ მათ სისტემის დატოვება უპრობლემოდ შეეძლოთ. საპენსიო სააგენტოში ,,რეზონანსს” განუცხადეს რომ მათ დეტალური მონაცემები არ გააჩნდათ, თუ რამდენი 40 წელს გადაცილებული ადამიანი მონაწილეობს რეფორმაში, თუმცა 1-ელ აპრილს მათ მიერ გავრცელებული ინფორმაცია საწინააღდეგოზე მეტყველებს.

რუსეთში ქართული პროდუქტის ექსპორტი ნელ-ნელა იზღუდება. ეს პროცესი უკვე დაიწყო. ერთი შეხედვით, ემბარგო არ მოქმედებს, მაგრამ ექსპორტიორებს პრობლემა ექმნებათ. ამ ეტაპზე ქართული ატამი და ვაშლატამა დაიბლოკა, ცოტა ადრე ვითომდა ფალსიფიცირებული ღვინოები ,,აღმოაჩინეს" და გაყიდვიდან ამოიღეს. შეზღუდეს ნედლეულის იმპორტიც, ლარსის გამშვებ პუნქტთან ისევ უზარმაზარი რიგია. მოკლედ, ყველაფერი კეთდება, რომ ქართული ბიზნესი შეავიწროვონ. ამ დროს მოსკოვში აცხადებენ, რომ ემბარგო სავაჭრო-ეკონომიკურ ურთიერთობებს არ შეეხება.

საკურორტო რეგიონებში მდებარე სასტუმროებში ტურისტების რაოდენობა დაახლოებით 60-70%-ით შემცირდა. დაახლოებით ამდენით იკლო ტურიზმზე დამოკიდებული ადამიანების შემოსავალმა. რაც შეეხება ბიზნეს-ტურებს, როგორიცაა ორგანიზაციული ტურები, 100%-იან ზარალს განიცდის, რადგან ამ ტიპის მომსახურება, ძირითადად, რუსებზე მოდიოდა და ტურისტული ემბარგოს პირობებში, მათ მიერ დაგეგმილი ყველა ღონისძიება ჩაიშალა.

კლინიკების რაოდენობა ქვეყანაში კატასტროფულად მატულობს. ამით ბიზნესი უდიდეს სარგებელს იღებს, მაგრამ არამიზნობრივი ხარჯის გამო ქვეყნის ბიუჯეტი ზარალდება. 2018 წლის მდგომარეობით, საქართველოში 258 კლინიკაა, რითაც ქვეყანა საშუალო ევროპულ დონეზეა. მიუხედავად იმისა, რომ ამდენი კლინიკა რეალურად არავის სჭირდება, ისინი მაინც სოკოებივით მრავლდება. არსებული კლინიკები 95% კერძოა, რაც სისტემის მართვას თითქმის შეუძლებელს ხდის.

მიმდინარე წლის იანვარ-ივნისში დიზელის საწვავის იმპორტი 10-12%-ით შემცირდა, ხოლო ბენზინის იმპორტში დინამიკა პოზიტიურია. კონკრეტული მიზეზი, რამ გამოიწვია ქვეყანაში დიზელის საწვავის იმპორტის შემცირება რამდენიმე ფაქტორს უკავშირდება, მათ შორის ეკონომიკაში მიმდინარე პროცესებსაც, თუმცა იმპორტის კლებას დიზელის საწვავის თურქეთში გადინებამ მნიშვნელოვნად შეუწყო ხელი. როგორც ნავთობპროდუქტების იმპორტიორთა კავშირის ხელმძღვანელი ვანო მთვრალაშვილი ამბობს, რომ დიზელის იმპორტის კლების გამო სახელმწიფო ბიუჯეტმა რამდენიმე ათეული მილიონით იზარალა.

ლარს არაფერმა არ უშველა და ისევ უფასურდება. მიუხედავად იმისა, რომ ახლო სამეზობლოში ყველა ვალუტა მყარდება, ვისთანაც კი საქართველოს რამე ფორმით ეკონომიკური ურთიერთობა აქვს და რუსეთის მხრიდან ემბარგოსა და ფულადი გადარიცვხების აკრძალვის საფრთხეც აღარ არსებობს ლარი ბოლო დღეებში 2.83 ნიშნულიდან 2.88-მდე გაუფასურდა.

ადგილობრივ ბაზარზე საწვავმა გაძვირება დაიწყო. მიუხედავად იმისა, რომ საერთაშორისო ბაზრებზე ბოლო პერიოდის განმავლობაში გაიაფების ტენდენცია არ უცვლელია, ქართველმა იმპორტიორებმა, ლარის გაუფასურების საბაბით, გაძვირების მორიგი ტალღა წამოიწყეს. მათ მიაჩნიათ, რომ ლარის ისტორიული გაუფასურების პირობებში ფასის შენარჩუნება შეუძლებელი აღმოჩნდა. გარდა ამისა, ნავთობიმპორტიორები აცხადებენ, რომ საერთაშორისო ბაზრებზე ბოლო დროს იცვლება "პლატცის" ფასიც, რამაც ასახვა ქართულ ბაზარზეც ჰპოვა.

ბიზნესი ეროვნულ ბანკს მიმართავს ლარის გამმყაროს და გაცვლითი კურსის საზიანო ინტერვენციები აღარ განახორციელოს. ოქროს სიის გაუქმებისა და რუსეთთან შექმნილი პრობლემების შემდეგ ეს ერთადერთი გამოსავალია, რათა ბიზნესა და მოსახლობას წნეხი შეუმსუბუქდეთ. წინააღმდეგ შემთხვევაში წლის ბოლოს სავალალო შედეგი დადგება.

სატაქსო რეეგულაციებმა და მოთხოვნამ, რომ ტაქსები აუცილებლად თეთრი ფერის უნდა იყოს. თეთრ ჰიბრიდულ ავტომობილებზე მოთხოვნა და ფასიც გაზარდა. ტაქსის მძღოლები, ფიქრობენ, რომ იმპორტიორები ახალი რეგულაციებით მანიპულირებენ და თავიანთ სასიკეთოდ იყენებენ.

"ვისოლ ჯგუფი" საქართველოში ტურიზმის ხელშესაწყობად საინფორმაციო კამპანიას იწყებს. ამ მიზნით "ვისოლი ჯგუფსა" და გარემოს დაცვისა და სოფლის მეურნეობის სამინისტროს  დაცული ტერიტორიების სააგენტოს შორის ურთიერთთანამშრომლობის მემორანდუმი გაფორმდა. საქართველოში ტურიზმის პოპულარიზაციის მიზნით, უნიკალური ბუნების გაცნობის და უსაფრთხო ტურიზმის ხელშესაწყობად, გრძელვადიან საინფორმაციო კამპანიას დაიწყება.