საშუალო ფენის გაქრობა ოფიციალური სტატისტიკიტაც დადასტურდა. შემოსავლების სამსახურის ინფორმაციით გაირკვა, რომ დასაქმებულთა 16%-ის ხელფასს მიზერულიც აღარ ეთქმის, რადგან მისი მოცულობა 100 ლარზე ნაკლებია. ხოლო 100-200 ლარი 110 ათას მოქალაქეს აქვს. ანალიტიკოსები ციფრებს შემაშფოთებლად მიიჩნევენ და ამბობენ, რომ საშუალო ფენის გაქრობას სტატისტიკა ყველაზე უკეთესად ასახავს.

ინიცირებული კანონპროექტის განხილვა დროში ჭიანურდება. სავარაუდოდ, აზარტული თამაშებთან დაკავშირებით უმრავლეობა პოზიციას დათმობს. თუმცა ქვეყნის უმაღლესი საკანონმდებლო ორგანო აზარტული თამაშების აკრძალვის იქით არ მიდის და ბიზნესს სრულ თავისუფლებას ანიჭებს. ამ ეტაპზე საკანონმდებლო ორგანოს მიერ ერთხელ ჩაგდებული კანონპროექტი განხილვის მოლოდინშია. არ არის გამორიცხული, რომ აზარტული თამაშობების ან/და ტოტალიზატორის შესახებ რეკლამის გავრცელება საბოლოოდ შეიზღუდოს.

ატმის კრეფის სეზონი აქტიურ ფაზაშია. წელს მოსავალის რაოდენობა და ფასიც გაიზრდილია. პარალელურად აქტიურად მიდის მუშაობა, რომ ატმის რეალიზაცია უპრობლემოდ მოხდეს. ფერმერები იმედოვნებენ, რომ მათი მოსავლის ძირითადი ნაწილი ქვეყნის ფარგლებს გარეთ გაიყიდება. ტენდენცია არ შეცვლილა და ატმის ძირითადი ექსპორტიორი ქვეყანა კვლავ რუსეთია, თუმცა ქართული პროდუქტი გადის ასევე აზერბაიჯანის, სომხეთის, უკრაინის და ქუეითის ბაზრებზეც.

საწვავზე ფასმა 5 თეთრით მოიმატა. მიზეზად იმპორტიორები ლარის ისტორიულ გაუფასურებას მიიჩნევენ და ამბობენ, რომ შექმნილ სიტუაციაში ფასის შენარჩუნება შეუძლებელი აღმოჩნდა. გარდა ამისა, ნავთობიმპორტიორები აცხადებენ, რომ საერთაშორისო ბაზრებზე პერმანენტულად იმატებს ,,პლატცის" ფასიც, რამაც ასახვა ქართულ ბაზარზეც ჰპოვა.

საჯარო სექტორში კორუფციის ფაქტები გახშირდა. ოფიციალური სტატისტიკის მიხედვით, 2019 წელის პირველ 6 თვეში 56%-ით გაზრდილი ქრთამის აღების ფაქტები საჯარო სექტორშიხ ხოლო კრიმინალის სტატისტიკამ 19.3%-ით მოიმატა. არასამთავრობო სექტორი და სფეროს სპეციალისტები ამბობენ, რომ საქართველოში ბევრად დიდი პრობლემა ,,ელიტური კორუფციაა" ვიდრე საშუალო და დაბალ სამოხელეო ფენაში არსებული ქრთამის აღების ფაქტები.

აფხაზეთის საზღვრის ცალმხრივად ჩაკეტვამ მოსახლეობას სერიოზული პრობლემა შეუქმნა. მაქსიმალურად შეიზღუდა ქართული სურსათი, სადაც კი შესაძლებელი იყო, დახლები მასიურად რუსული პროდუქციით შეივსო. როგორც გალელებმა ,,რეზონანსს" განუცხადეს, ისედაც ძვირი პროდუქტი უფრო მეტად გააძვირეს, რის გამოც ხალხს საკვების ყიდვა უჭირს.

ხელისუფლება საბანკო რეგულაციებით გამოწვეული შედეგის გამოსწორებას ცდილობს. სამშენებლო სფეროში შექმნილი მძიმე სიტუაციის შემდეგ მთავრობა იპოთეკური სესხის გაცემის პირობებს ცვლის. ბიზნესი ფიქრობს, რომ მდგომარეობა ამით ცოტათი გამოსწორდება, თუმცა დანაკარგი იმდენად დიდია, რომ პრობლემის მოსაგვარებლად კომპანიებს დიდი ძალისხმევის გაწევა დასჭირდებათ. როგორც მენაშენეები ამბობენ, რეგულაციების გამარტივება ბიზნესისთვის შვებაა, მაგრამ შექმნილ ვითარებას ადვილად ვერ გამოასწორებს.

ბიზნესი პანიკაშია - ,,ოქროს სიის" გაუქმებით მთავრობამ ბიზნესმენების ინტერესი უგულებელყო და მათი ნდობა საბოლოოდ დაკარგა. ,,ოქროს სიაში" შემავალი კომპანიებისთვის 30-დღიანი საგადასახადო შეღავათის გაუქმებას ბიზნესი მწვავედ აფასებს. ფინანსთა მინისტრის ბრძანებულებას, ალბათ, მელანიც არ შეშრობია, მაგრამ კომპანიებში ზარალს წინასწარ ითვლიან. სექტორში ფიქრობენ, რომ ფინანსურად.

მთავრობა ხორბლის ბაზრის დივერსიფიცირებაზე აქტიურ მუშაობას იწყებს. მთავარი სასურსათო პროდუქტის უდიდესი წილი კვლავ რუსეთიდან შემოდის. ტურისტული ემბარგოსა და ღვინის ხარისხის დაწუნების შედეგ, გაჩნდა შიში, რომ ოკუპანტი შეგვიზღუდავს ხორბლის მიწოდებას, ვიდრე ჩვენ ბაზრების დივერსიფიცირებას მოვახერხებთ. მეპურეთა ასოციაციაში ამბობენ, რომ ბოლო მოვლენები უკვე აისახა ფქვილზე და 50 თეთრით გაძვირდა.

საქართველოში ჩრდილოვანი ეკონომიკის მასშტაბი 50%-ს აღემატება. მიუხედავად იმისა, რომ ხელისუფლება მაქსიმალურად ცდილობს ეკონომიკური ურთიერთობის ჩრდილიდან გამოვიდეს, ქვეყანაში საგადასახადო ტვირთი ჯერ კიდევ იმდენად მძიმეა, რომ მდგომარეობის გამოსწორების შესაძლებლობას ჯერჯერობით ვერ იძლევა. ამ მხრივ სერიოზულ დაბრკოლებად რჩება ლარის კურსი, რაც ქვეყნის ეკონომიკას დიდ საფრთხეს უქმნის. რეალურად რა მასშტაბისაა ქვეყანაში ჩრდილოვანი ეკონომიკა უცნობია. ოფიციალური სტატისტიკა ამის შესახებს არაფერს გვეუბნება. არაოფიციალური მონაცემი კი, რომელიც ეკონომიკის სფეროს წამყვან სპეციალისტებს გააჩნიათ, ერთმანეთისგან რადიკალურად განსხვავებულია.

რუსი ტურისტების გარეშე დარჩენამ ტურისტულ რეგიონებში პრობლემა შექმნა. ადგილობრივ სასტუმროებში ხალხი ჩივის, რომ რუსებმა ჯავშნები მასიურად გააუქმეს და შუა სეზონზე დამსვენებლების გარეშე დარჩნენ.

ელექტროენერგიის მოხმარების ტემპი წარმოებას აჭარბებს. მიუხედავად იმისა, რომ ეკონომიკური დოვლათი ქვეყანაში დღითი დღე მცირდება, მსხვილი მრეწველობა გაჩერებულია და არც მოსახლეობის დემოგრაფიული ზრდა ფიქსირდება, დენით მომარაგება სახელმწიფოსთვის, გაზრდილი მოთხოვნის ფონზე, თანდათან რთული ხდება. სამწუხაროდ, ნეგატიური ტენდენცია არ იცვლება და გამოსავალიც ნაკლებად ჩანს.