საწვავის ფასი ივნისის მეორე ნახევრიდან დაიკლებს. ასეთია, ანალიტიკოსებისა და ავტოგასამართი სადგურების მფლობელთა საერთო მოლოდინი. მსოფლიო ბაზარზე ნედლი ნავთობის 20%-ით გაიაფების გარდა, პოზიტიური ცვლილების მოლოდინს ლარის შედარებით გამყარებაც აჩენს. `რეგულარის~ ტიპის ბენზინი დაახლოებით 2.10 ლარი ეღირება, ხოლო ევროდიზელი 2.20 ლარის ფარგლებში. ასეთია დღევანდელი პროგნოზი.

ოქროს სიის~ გაუქმების გადაწყვეტილება არ გადავადდება. ასეთია ფინანსთა მინისტრის მტკიცე პოზიცია. ბიზნესი 6 თვეს ითხოვს მოსამზადებლად, რადგან მათ სახელმწიფოს მხრიდან არავითარი კომუნიკაცია არ ჰქონიათ. კერძო სექტორი ახლა ბიზნესომბუდსმენის პრემიერთან მოლაპარაკების იმედადაა.

პრემია-დანამატებს საჯარო სექტორი ვერაფრით შეელია. ათასი მანიპულაციებითა და ხერხით გაჭირვებული მოსახლეობის ხარჯზე პრემიებში მილიონობით ლარი იხარჯება. იმ ფონზე, როცა ხალხი უკიდურეს გაჭირვებაშია და ქვეყანა სიღარიბის პრობლემას ვერ ერევა, საჯარო სექტორი ადმინისტრაციულ ხარჯს აორმაგებს.

საქართველოში სოციალურად მოწყვლადი ფენა - პენსიონერები, სოციალურად დაუცველი პირები და დევნილები "ლიბერთი ბანკის" მძარცველური პოლიტიკის გამო ზარალდებიან. იმის გამო, რომ მათ ექსკლუზიურად ერთი ბანკი ემსახურება, სესხების აღება კაბალური პირობებით უწევთ. საბოლოო ჯამში, ბანკის მოგება მატულობს, ხოლო ადამიანები კიდევ უფრო ღატაკდებიან.

საქართველოში სხვადასხვა სახის ნავთობპროდუქტების იმპორტი მატულობს. როგორც მოსალოდნელი იყო, იმპორტმა გაზაფხულიდან გეზი ზრდისკენ აიღო და წინა წლის ანალოგიური პერიოდის მაჩვენებლები მნიშვნელოვნად გააუმჯობესა. როგორც ოფიციალური სტატისტიკიდან ჩანს, წინა თვეებისგან განსხვავებით, ნავთობპროდუქტების იმპორტში მაისი განსაკუთრებით წარმატებული თვეა და იგი აშკარად გამოკვეთილი მზარდი ტრენდით გამოირჩევა.

ავადმყოფების გაზრდილი რაოდენობა, ატიპიური ვირუსები და გაახალგაზრდავებული დაავადებები - ასეთია 21-ე საუკუნის რეალობა, რომელსაც დაბინძურებული ეკოლოგია, კვების რეჟიმი, თავად საკვები და ცხოვრების წესი განაპირობებს. ჯანმრთელობის ნებისმიერი პრობლემის მკურნალობა და მართვა კი წლიდან წლამდე უფრო ძვირდება.

ელექტრო­ნუ­ლი კო­მერ­ცია ვაჭ­რო­ბის ტრა­დი­ცი­ულ მე­თოდს ნელ-ნელა ანაც­ვლებს. ბოლო პერიოდში ონლაინ გაყიდვა საკმაოდ აქტუალური იყო, თუმცა ისევე როგორც ყველაფერზე, დოლარის კურსის მატებამ ვირტუალურ ვაჭრობაზეც იქონია გავლენა. ონლაინ მაღაზიების მეპატრონეები "რეზონანსთან“ არ მალავენ, რომ ბიზნესი ნელ-ნელა უკან მიდის და რეალიზაცია გაიყინა, როგორც ნივთის საფასური, ასევე ტრანსპორტირების ღირებულებაც გაცილებით მეტია, ვიდრე 3-4 თვის წინ იყო.

ბიტკოინი მიმზიდველობას იბრუნებს. კრიპტოვალუტის ფასი ბოლო პერიოდის განმავლობაში განუხრელად იზრდება და უკვე 8 000 დოლარს გასცდა. შესაბამისად, ციფრული ვალუტის გამომუშავება აზრს იძენს. რამდენადაც ტენდენცია ბიტკოინისთვის საკმაოდ პოზიტიურია, მოსალოდნელია, რომ საქართველოში ვალუტის გამომამუშავებელი პატარ-პატარა ფერმების გახსნა ისევ დაიწყოს, რაც ბოლო დროს მიძინებული იყო. იგივე პროცესი დაიწყება აფხაზეთშიც და საბოლოოდ ეს ყველაფერი ქვეყნის ენერგეტიკას ტვირთად დააწვება.

სოფლის მეურნეობის პროექტების მართვის სააგენტოს პროექტებს წლის ბოლომდე რამდენიმე ახალი მიმართულება შეემატება. ცვლილება შეეხება სხვადასხვა დროს განხორციელებულ და მიმდინარე პროექტებსაც, რომელთა მოდერნიზების პროცესი უკვე დაწყებულია. სააგენტოს აქვს ამბიცია, საქართველოს აგრარული სექტორის დონე თანამედროვე, ევროპულ სტანდარტს გაუთანაბრდეს, გაიზარდოს ქართული წარმოების ხარისხი, ცნობადობა და მსოფლიოს წამყვან ბაზრებზე ღირსეული ნიშა დაიმკვიდროს. სწორედ ამ მიზანს ემსახურება სააგენტოს მიერ შემუშავებული პროექტები, რომელთა ნაწილი დასრულდა, ნაწილი განახლდება და სრულიად ახალ სიცოცხლეს შეიძენს.

უკვე გადაჭრით შეილება ითქვას, რომ სამშენებლო კომპანია `სვეტმა~ საბოლოოდ `ცენტრ-პოინტის~ ბედი გაიზიარა. 1 წელი გადის, რაც უნებართვო მშენებლობების გამო მერიამ კომპანიას საქმიანობა შეუჩერა. დაზარალებულები ამბობენ, რომ ამ ხნის განმავლობაში რამდენიმე სასამართლო პროცესი ჩატარდა, მაგრამ არანაირი სიახლე არ არის და ვერავინ იძლევა იმედს, რომ დაკარგული თანხა აუნაზღაურდებათ. თბილისის მერიაში კი აცხადებენ, რომ კომპანიის ხელმძღვანელობასთან მოლაპარაკებები მიდის და პრობლემა მოგვარდება, თუმცა რა გზა შეიძლება გამოინახოს და რა ბედი ელით დაზარალებულებს, ამაზე ჯერჯერობით არავინ საუბრობს.

კომპანიების ე.წ. „ოქროს სია“ გაუქმდა. შედეგად, 217 იმპორტიორს გადასახადების გადახდის ვადა 30-დან 5 დღემდე შეუმცირდა. გამონაკლისი, მხოლოდ ხორბლის შემომტანები არიან. ფინანსთა მინისტრის გადაწყვეტილება მოულოდნელი აღმოჩნდა ბიზნეს სუბიექტებისათვის და ასოციაციებისთვის. მაჭავარიანის უწყებაში  ირწმუნებიან, რომ ბიზნესი გაფრთხილებული იყო და მათთან კომუნიკაცია ჰქონდათ.