ქართულ ცხვარში უცხო ქვეყნიდან შემოყვანილი ცხვრის შერევა მკაცრად გაკონტროლდება. ამ კანონზე მსჯელობა მას შემდეგ დაიწყეს, როდესაც რამდენიმე კანონდარღვევა გამოაშკარავდა და მეზობელი რეგიონებიდან იაფად შემოყვანილი ცხოველები როგორც ქართული ისე გაჰყავდათ ექსპორტზე. პრემიერ-მინისტრის განცხადებას კანონის გამკაცრებასთან დაკავშირებით დადებითად აფასებენ სპეციალისტები, მთავრობის მხარდაჭერა მათთვის ძალიან მნიშვნელოვანია.

მაჟორიტარული საარჩევნო სისტემის შენარჩუნების გეგმა თუ შანტაჟი უფრო და უფრო აქტუალური გახდა. მით უფრო მას შემდეგ, რაც გუშინ ვენეციის კომისიის წინასწარ დოკუმენტში საარჩევნო სისტემა და გადაუნაწილებელი მანდატების პირველ ადგილზე გასული პარტიისთვის მიკუთვნება გაკრიტიკებულია და რეკომენდაციაა, რომ მმართველმა ძალამ ის შეცვალოს.

ვენეციის კომისიის წინასწარ დასკვნაში მთავარი კრიტიკა საარჩევნო სისტემას, უმთავრესად კი გადაუნაწილებელი მანდატების - ე.წ. ბონუსების პირველ ადგილზე გასული პარტიისთვის გადაცემას უკავშირდება. ოპოზიცია და პრეზიდენტის ადმინისტრაცია აცხადებენ, რომ დოკუმენტში გაკრიტიკებულია სწორედ ის საკითხები, რასაც აკრიტიკებენ თავად. "ოცნებაში" კი ამბობენ, რომ შენიშვნები უმნიშვნელოა და თან "ბონუსების" ზედა ზღვარზე მსჯელობას ისედაც აპირებდნენ.

ბრიტანული გამოცემა "გარდიანი" პერიოდულად აქვეყნებს სტატიებს, სადაც მისი ავტორები მკითხველს ურჩევენ, რომელი წიგნი წაიკითხონ დასვენების დღეებში. 2015 წელს გამოქვეყნებულ ერთ ასეთ სარეკომენდაციო სტატიაში ბრიტანელი ნოველისტი და სცენარისტი უილიამ ბოლიდი მკითხველს სამი წიგნის წაკითხვას ურჩევდა, რომელთაგან ერთ-ერთი მიხეილ ჯავახიშვილის "კვაჭი კვაჭანტირაძე" იყო.

ადგილობრივები წყალტუბოში სასაფლაოს გაფართოების მიზნით 100-მდე მრავალწლიანი წიწვოვანი ხის მოჭრას აპროტესტებენ და დახმარებისთვის შესაბამის უწყებას მიმართავენ, თუმცა იმერეთის რეგიონული სატყეო სამმართველო მოსახლეობის პრეტენზიებს უპასუხოდ ტოვებს. როგორც გარემოს დაცვითი ზედამხედველობის დეპარტამენტის საზოგადოებასთან ურთიერთობის სამსახურის წარმომადგენელმა "რეზონანსს" განუცხადა, აღნიშნული ტერიტორია კერძო საკუთრებაა, ამიტომ ხეების მოჭრა კანონდარღვევად არ მიიჩნევა.

საქართველოდან გატაცებული და ბაქოში დაკავებული აზერბაიჯანელი ჟურნალისტის - აფგან მუხთარლის მეუღლე ლეილა მუსტაფაევა საქმის პროკურატურისთვის გადაცემას და მის დაზარალებულად ცნობას ითხოვს. საქმის ადვოკატ არჩილ ჩოფიკაშვილის განცხადებით, ოჯახი დარწმუნებულია, რომ ჟურნალისტის გატაცებაში ქართველი სამართალდამცავები მონაწილეობდნენ. ამასთან, ადვოკატი მოსალოდნელ საფრთხეებზეც საუბრობს და ვარაუდობს, რომ ბაქოს იზოლატორში მყოფ მუხთარლის საშიშროება ემუქრება.

საქართველოში სწრაფ სესხებზე მოთხოვნის გაზრდა მოსახლეობაში არსებულ ფინანსურ პრობლემებს უკავშირდება. მსესხებელთა დიდი ნაწილი სახარჯო დეფიციტის გადაფარვას ცდილობს, ზოგიერთი კი უმიზნოდ იღებს ვალს. საბანკო სფეროს სპეციალისტები აცხადებენ, რომ სწრაფ სესხებზე მოთხოვნა ქვეყანაში გაჩენილმა ფინანსურმა კრიზისმა განაპირობა. მოსახლეობა ვალის დასაფარად რამდენიმე საკრედიტო ორგანიზაციას ერთდროულად აკითხავს.

ირაკლი კობახიძე უშიშროების საბჭოს მდივანს აკრიტიკებს და აცხადებს, რომ "არ შეიძლება, საჯარო მოსამსახურე ესაუბრებოდეს სახელმწიფო პოლიტიკური თანამდებობის პირს და ეუბნებოდეს - "მე და შენ ვერ შევთანხმდებით".

"ადამიანს, რომელსაც სახე არ უწითლდება, მამალი ტყუილის თქმა სულაც არ შეაწუხებს, რომ წაიკითხოს გადაწყვეტილებად ის ტექსტი, რომელიც არც თვითონ დაუწერია და არც წაუკითხავს. ჩვენთან მოაზროვნეთა რაოდენობა მცირდება მათ ხარჯზე, ვისთვისაც უპირველესი ღირებულება ოთხ ასოში გამოხატული უზრამაზარი სივრცეა - ფული", - ამბობს "რეზონანსთან" საუბრისას პოლიტოლოგი სოსო ცისკარიშვილი, რომელსაც ქვეყანაში მიმდინარე პროცესებზე ვესაუბრეთ.

არიან ადამიანები, რომლებისთვისაც ცხოველებთან კონტაქტი დიდი სიამოვნებაა. "რეზონანსმა" მცირე გამოკითხვა ჩაატარა და აღმოჩნდა, რომ თბილისში რამდენიმე ოჯახში უცნაური ცხოველი ან ფრინველი ბინადრობს. ეს მათ პატრონებს დისკომფორტს სულაც არ უქმნის, პირიქით, ძალიან უყვართ თავიანთი ოთხფეხა მეგობრები.

ხელისუფლება უცხო ქვეყნის მოქალაქეებისთვის სასოფლო-სამეურნეო დანიშნულების მიწების გასხვისებაზე მორატორიუმს მეორედ აცხადებს. პირველად სასოფლო-სამეურნეო მიწის უცხოელებისთვის მიყიდვაზე მორატორიუმი ხელისუფლებამ 2013 წლის ივლისში გამოაცხადა, რაც "საერთაშორისო გამჭვირვალობამ" საკონსტიტუციო სასამართლოში გაასაჩივრა. 2014 წელს სასამართლომ მორატორიუმი გააუქმა, რადგან ეს შეზღუდვა არაკონსტიტუციურად მიიჩნია.

სახელმწიფო საწარმოთა უმეტესობა, გარდა იმისა, რომ წამგებიანია, კერძო ბიზნესის განვითარებას მნიშვნელოვნად აფერხებს. წელს 30 სახელმწიფო საწარმოს ოპტიმიზაცია მოხდება, მაგრამ კიდევ ათეულობით ორგანიზაცია დარჩება, რომელთა მიზნობრიობა საეჭვოა.