დიმიტრი ობოლაძისა და სპორტულ პროდიუსერ როსტომ წულუკიძის შემდეგ "რუსთავი 2"-დან "იმედში" გადასვლაზე, კულუარული ინფორმაციით, ფარული მოლაპარაკებები კიდევ რამდენიმე ადამიანთან წარმოებს. უფრო მეტიც, ერთი მათგანის დათანხმება უკვე მოახერხეს. ისინი ძირითადად ტელევიზიის ტექნიკური ჯგუფის წარმომადგენლები არიან და მნიშვნელოვან ფუნქციას ასრულებენ. "რუსთვი 2"-ის გენერალური დირექტორი თანამშრომლების გადაბირების მცდელობას "მთავრობის მიერ წახალისებულ კონკურენციას" უწოდებს, თუმცა დასძენს, რომ ამით "რუსთავი 2"-ს არაფერი დააკლდება და იგი ძველებურად გააგრძელებს მუშაობას.

ომხეთის ეროვნული უსაფრთხოების სამსახურმა სომხეთის მოქალაქეების მიერ საქართველოს ტერიტორიიდან შეტანილი პორტატული საზენიტო სარაკეტო კომპლექსი "იგლა" ამოიღო. ამის შესახებ სომხეთის ეროვნული უსაფრთხოების სამსახური იუწყება. სომეხი სამართალდამცავების თქმით, მათ ჰქონდათ ოპერატიული ინფორმაცია იმის შესახებ, რომ მოქალაქეთა ჯგუფი აღნიშნულ იარაღის სომხეთში შეტანას საქართველოდან გეგმავდა.

აფხაზეთის ე.წ. საპარლამენტო არჩევნების მეორე ტურამდე ზუსტად 3 დღეა დარჩენილი და "დეპუტატობისთვის" ბრძოლაში მაღალჩინოსნების მანქანებზე, პირდაპირი მნიშვნელობით, ნადირობა გამოცხადდა - ბოლო ერთი კვირის განმავლობაში ორი ავტომანქანა დაწვეს, ერთი კი ჩაცხრილეს.

თვითმმართველობის არჩვენების მოახლოებასთან ერთად სულ უფრო აქტუალური ხდება კითხვა, ვის კანდიტატურებს დააყენებენ პოლიტიკური ძალები დედაქალაქის მომავალი მერის პოსტზე? უკვე დასახელდა რამდენიმე დეპუტატის გვარი, ვინც აღნიშნულ პოსტზე საკუთარი კანდიდატურის დასახელებას ან არ გამორიცხავს, ან აცხადებს, რომ გუნდში ამ თემაზე არ უმსჯელიათ და ღიად პასუხის გაცემისგან თავს იკავებს.

პოლიტოლოგი იგორ კვესელავა მიიჩნევს, რომ მოსმენის კანონთან დაკავშირებით მმართველი გუნდის მიერ შემოთავაზებული ინიციატოვა მისასალმებელი და გასაზიარებელია. თუმცა ფიქრობს, რომ კანონი მცირე კორექტივებს მაინც საჭიროებს, რადგან აუცილებელია მართვის ბერკეტს, ანუ ე.წ. გასაღებს, გარდა სახელისუფლებო ორგანოსი, დამატებით დამოუკიდებელი ჯგუფიც აკონტროლებდეს. ამბობს, რომ ასეთ შემთხვევაში კანონი რეალობას გაცილებით უფრო მორგებული იქნება და არც დავის საგანი გახდება.

"სკანდალიდან სკანდალამდე" - ასე თუ დაახასიათებენ მომავალში "ქართული ოცნების" მეორედ მოსვლის პირველ გაზაფხულს. შუღლი და დაპირისპირება არც ერთი ხელისუფლების დროს არ აკლდა პოსტსაბჭოურ საქართველოს, მაგრამ ასეთი უპაუზო თანმიმდევრობით ადრე არასდროს ქცეულა იგი ცხოვრების წესად. რელიგიით დაწყებული და იურისპრუდენციით დამთავრებული, საზოგადოებრივი ცხოვრების სფერო აღარ დარჩა, რომ რაიმე სკანდალში არ იყოს ჩართული", - აცხადებს სოსო ცინცაძე.

"დემოკრატიული მოძრაობა ერთიანი საქართველოს" წევრ გიორგი ახვლედიანის თქმით, ხელისუფლებას ბლოკებისა და პოლიტიკური გაერთიანების ჩამოყალიბების აკრძალვა მტკიცედ აქვს გადაწყვეტილი. შესაბამისად, მისი აზრით, დიდი ოპოზიციური ერთობის ჩამოყალიბებაზე ფიქრი უადგილოა. მისივე თქმით, თამაშის წესებზე ოპოზიციური სპექტრი საკონსტიტუციო კომისიის მუშაობის დასრულების შემდეგ შეჯერდება.

აღმაშენებლის ხეივანში ავტოსაგზაო შემთხვევის შედეგად 11 წლის გოგონა გარდაიცვალა, ხოლო დედა მრავლობითი დაზიანებით საავადმყოფოშია გადაყვანილი. თვითმხილველების ინფორმაციით, ორი ავტომობილი ჯერ ერთმანეთს შეეჯახა, შემდეგ ერთი მათგანი მოცურდა და გაჩერებაზე მდგომ დედა-შვილს დაეჯახა.

მას შემდეგ, რაც "ქრონიკა პლუსის" რედაქტორ ელისო კილაძის შვილი, პრეზიდენტ გიორგი მარგველაშვილის ოჯახის მეგობარი მიხეილ თათარაშვილი და "ნაციონალური მოძრაობის" წევრ ხატია დეკანოიძის ვაჟი პოლიციამ ნარკოტიკების შენახვის ფაქტზე დააკავა, სამივე შემთხვევაში ახალგაზრდები აცხადებენ, რომ მათ ეს ნარკოტიკული ნივთიერება თან არ ჰქონიათ და "ჩაუდეს".

მთიან რეგიონში საგადასახადო შეღავათის დაწესებამ მეწარმეები საგრძნობლად გამოაცოცხლა. ჯერ მხოლოდ წელიწად-ნახევარია, რაც "მთის კანონი" ძალაშია და ადგილობრივი მეწარმეებს სტიმული მიეცათ. თუმცა, ინფრასტრუქტურული პრობლემის გამო, ზოგიერთ რეგიონში საწარმოო პროცესი ჭირს.

ბრაზილიური ხორცის სკანდალმა უკვე მრავალი ქვეყანა შეაშფოთა. კიდევ ერთხელ დადასტურდა საფრთხე, რომელიც ვადაგასული პროდუქტის მომხმარებლებს ემუქრებათ. მას შემდეგ, რაც ბევრმა ქვეყანამ ბრაზილიური ხორცის იმპორტი აკრძალა, ეს პროდუქტი განსაკუთრებული ყურადღების ქვეშ საქართველოშიც მოექცა.

გაზაფხული სწორედ ის სეზონია, როდესაც იხსნება გზა საქართველოს ყველა კუთხისკენ. ბოლო წლებში სულ უფრო პოპულარული ხდება ლაშქრობა, რომელშიც, ძირითადად, ახალგაზრდები არიან ჩართული. ქვეყნის სხვადასხვა რეგიონში განთავსებულია საკემპინგო ზონები, სადაც ახალგაზრდები მიდიან და ისვენებენ ლამაზ ბუნებაში. ქალაქიდან 2-3-დღიანი ინდივიდუალური გასვლისთვის შესაფერისი დრო ახლა დგება.