პროკურატურამ 2011 წლის 26 მაისის აქციის დარბევის საქმესთან დაკავშირებით საზოგადოებას ახალი დეტალები წარუდგინა და საქმის ირგვლივ ბრალი რამდენიმე ყოფილ ძალოვანს წაუყენა. უწყების ინფორმაციით, გამოძიებამ ახლახან აღმოაჩინა შინაგან საქმეთა სამინისტროს მიერ გადაღებული ვიდეოკადრები, სადაც კარგად ისმის და ჩანს, რომ კონსტიტუციური უსაფრთხოების დეპარტამენტის (კუდ-ი) ყოფილი უფროსი დათა ახალაია სპეცრაზმელებს აქციის მონაწილეების დაკავების სანაცვლოდ პრემიებს ჰპირდება და აქციის დარბევას სხვა მაღალი თანამდებობის პირებთან ერთად თავადაც ხელმძღვანელობს.

მთიანი რეგიონები დემოგრაფიული პრობლემების ზღვარზე. წლევანდელ სასწავლო წელს თელავისა და წყალტუბოს რაიონების მთიან სოფლებში მხოლოდ ორი პირველკლასელი დარეგისტრირდა, გარდაბანში - ოთხი, ხონში კი - მხოლოდ ერთი. უფრო მძიმე ვითარება იყო შარშან. ხონის მთიან სკოლებს პირველკლასელი საერთოდ არ ჰყოლია. შარშანწინ კი მათი რაოდენობა ორს არ აღემატებოდა.

რეგიონებში გაზიფიცირების პროცესის გააქტიურებამ შეშის მოხმარება ვერ შეამცირა. ხალხი გასათბობად შეშას მასობრივად იყენებს. ალტერნატიულ სათბობს ჯერ კიდევ ძალიან ცოტა ადამიანი იყენებს, რამაც საბოლოოდ შეიძლება სერიოზული პრობლემა შექმნას და მოსახლეობა შეშის გარეშე დარჩეს.

ნავთობის იმპორტიორები და მთავრობა შესაძლოა, მორიგდნენ.  ამ ეტაპზე მოლაპარაკების პროცესი მიმდინარეობს, რაც, სავარაუდოდ, წლის ბოლომდე დასრულდება. 

2016 წლის იანვარ-აგვისტოში საბანკო სექტორის წმინდა მოგებამ, წინა წლების ანალოგიურ პერიოდთან შედარებით, ისტორიულ მაქსიმუმს მიაღწია. სებ-ის ინფორმაციით, 8 თვეში კომერციულმა ბანკებმა 403,6 მლნ ლარის წმინდა მოგება მიიღეს, ბიუჯეტში კი მხოლოდ 46,3 მლნ ლარი შეიტანეს. თუ ზრდის ასეთი ტემპი შენარჩუნდა, გამორიცხული არ არის, რომ წლის ბოლოს ბანკების მოგებამ ყველა რეკორდი მოხსნას და 600 მლნ ლარსაც კი გადააჭარბოს.

"თავისუფალი დემოკრატების" ერთ-ერთი ლიდერის, დიდუბის მე-15 ოლქის მაჟორატორობის კანდიდატის, ზურაბ აბაშიძის თქმით, მისი მთავარი საზრუნავია საზოგადოებაში არსებული ნიჰილიზმის მოსპობა. მისი თქმით, ამაში პასუხისმგებლობა ხელისუფლებას ეკისრება, რომელიც მთავარ კონკურენტად მიაჩნია.

"ქართული ოცნების" მაჟორიტარობის კანდიდატის, ზაზა პაპუაშვილის თქმით, კონკურენტებზე ნაკლებად ფიქრობს. ამბობს, რომ გააგრძელებს იმ საქმის კეთებას, რასაც 4 წლის განმავლობაში აკეთებდა. მისივე თქმით, საკითხები ძალიან რთულია, მაგრამ არ არსებობს ჩიხური მდგომარეობა.

8 ოქტომბერს, დიდუბის მე-15 ოლქში სადეპუტატო მანდატისთვის 15 კანდიდატი იბრძვის, მათგან საზოგადოებისთვის შედარებით ცნობილია ორი მათგანი - "ქართული ოცნების" მიერ წარდგენილი მსახიობი და მოქმედი დეპუტატი, ზაზა პაპუაშვილი და მისი კოლეგა, ყოფილი თანაგუნდელი, "თავისუფალი დემოკრატების" კანდიდატი ზურაბ აბაშიძე. პოლიტოლოგები ფსონს მეორე ტურზე დებენ. მათი აზრით, დიდუბის მე-15 ოლქში წარმოდგენილ კანდიდატებს 50%-იანი ბარიერის გადალახვა გაუჭირდებათ.

კრემლი თანამედროვე მძლავრი იარაღით გამალებით აიარაღებს საქართველოს ორ მეზობელ ქვეყანას - როგორია ძალთა ბალანსი კავკასიაში და გათანაბრდა თუ არა სომხური და აზერბაიჯანული არმიის პოტენციალი რუსული მხარის მიერ ერევანისათვის 200 000 000 დოლარის შეიარაღების მიწოდების შემდეგ. 

არჩევნებამდე 18 დღე რჩება და "რეზონანსის" გამოკითხული რესპონდენტების უმრავლესობას, ჯერ კიდევ არ აქვს გადაწყვეტილი, ვის მისცემს ხმას. თუმცა აღსანიშნავია, რომ თითოეულს საკუთარი მოქალაქეობრივი მოვალეობა გაცნობიერებული აქვს და არჩევნებზე წასვლას იმის მიუხედავად აპირებენ, ვინმე იმსახურებს თუ არა მათ სიმპათიას.

"პატრიოტთა ალიანსის" ერთ-ერთი ლიდერის დავით თარხან-მოურავის თქმით, ზოგიერთ რაიონში მმართველი ძალის მხრიდან მათ მხარდამჭერებსა და პარტიის წევრებზე დაშინებისა და ზეწოლის ფაქტები შეინიშნება. ამბობს, რომ მსგავსი რამ ძირითადად რეგიონებში ხდება და იქვე იმასაც უმატებს, რომ "ქართული ოცნების" მხრიდან ადმინისტრაციული რესურსის გამოყენებასაც აქვს ადგილი.

"რესპუბლიკური პარტიის" კანდიდატის ლევან ბერძინიშვილის თქმით, გამარჯვების შემთხვევაში ისევ იმ საქმეების გაგრძელებას აპირებს, რასაც 4 წლის განმავლობაში აკეთებდა. ლევან ბერძენიშვილი: ვაკეში მაჟორიტარად ჩემი წარდგენა პარტიამ გადაწყვიტა, მიგვაჩნია, რომ აქ მეტი მხარდამჭერი გვყავს, რადგან ჩვენ ლიბერალური პარტია ვართ. შესაბამისად ვპირდებით ყველაფერს, რასაც წლების განმავლობაში ვაკეთებდით - ქართულ საქმეს.