საქართველოში მიმდინარე სეზონზე გრიპის ვირუსით გუშინ მერვე ადამიანი გარდაიცვალა. ამის მიუხედავად, დაავადებათა კონტროლის ეროვნული ცენტრის ხელმძღვანელის, ამირან გამყრელიძის ინფორმაციით, წინა კვირებთან შედარებით, ავადობისა და ჰოსპიტალიზაციის ზრდის მაჩვენებელმა იანვრის ბოლო კვირაში იკლო.

ეროვნული ვალუტა ისევ მაღლა მიცოცავს. მთავრობაშიც და ეროვნულ ბანკშიც ლარის მერყეობას ჩვეულ მოვლენას უწოდებენ და ერთ-ერთ მთავარ მიზეზად გარე ფაქტორებს ასახელებენ. ხალხი კი აღშფოთებულია და მიიჩნევს, რომ კურსის შესაჩერებლად არავინ არაფერს აკეთებს. შესაბამისად, მოსახლეობის დიდი ნაწილი ლარის კიდევ უფრო გაუფასურებას არ გამორიცხავს.

სახელმწიფოს მიერ სრულად დაფინანსებულ მიმართულებებზე მოთხოვნა ყოველწლიურად იზრდება. სტუდენტები ამის მთავარ მიზეზად ფინანსურ შეღავათს ასახელებენ. ბევრი სპეციალობის არჩევისას ამა თუ იმ დარგის მიმართ საკუთარ ინტერესზე მაღლა ნულოვან გადასახადს აყენებს. რესპონდენტთა ნაწილი პროგრამას კრიტიკულად აფასებს. ზოგიერთი ე.წ. ნაკლებად მოთხოვნადი ფაკულტეტის კურსდამთავრებული საკუთარი პროფესიით დღემდე ვერ შოულობს სამსახურს.

მომავალი წლიდან სრული პროფესორების და უნივერსიტეტთან მიერთებული დამოუკიდებელი სამეცნიერო-კვლევითი ინსტიტუტების სამეცნიერო პერსონალის არჩევა უვადოდ მოხდება, მაგრამ ხუთ წელიწადში ერთხელ ისინი ატესტაციას გაივლიან, რითაც გადამოწმდება, ისევ შეეფერებიან თუ არა დაკავებულ თანამდებობას. აღნიშნული ცვლილება განათლებისა და მეცნიერების მიერ უმაღლეს განათლებაში შემუშავებული საკანონდებლო პაკეტის ერთ-ერთი ასპექტია.

"აზერენერჯი" რუსეთიდან ბუნებრივი აირის შემოსატანად აზერბაიჯანის მთავრობის თანხმობას ელოდება. კომპანიას დამატებითი გაზის მოცულობა ელექტროენერგიის წარმოებისთვის სჭირდება. საქართველოს მთავარობაც გაზის მოხმარების გაზრდის მოტივად ასევე ახალი თბოსადგურების ექსპლოატაციაში შესვლასა და ელექტროენერგიის წარმოების გაზრდას ასახელებს. მეორე მიზეზი კი კომერციული სექტორისთვის აზერბაიჯანული გაზის სიძვირეა.

სანდრო კობახიძემ 2014 წლის ზაფხულიდან მოყოლებული "ვოლინის" რიგებში ადგილი დაიმკვიდრა. ქართველი ფეხბურთელის კარგი თამაში არ გამოპარვია "დნიპროს" მთავარ მწვრთნელს, მირონ მარკევიჩს და კობახიძე თურქულ შეკრებაზე წაიყვანა. ქართველი ფეხბურთელი დნეპროპეტროვსკულ კლუბს ეკუთვნის და იჯარის წესით თამაშობდა "ვოლინში", მაგრამ კობახიძემ თურქულ შეკრებაზე მხრის ტრავმა მიიღო, ამიტომ ის გუნდს ესპანურ შეკრებაზე ვეღარ გაჰყვა.

მიუხედავად იმისა, რომ 2016 წლის არჩევნებს "ქართული ოცნება" ბიძინა ივანიშვილის გარეშე ხვდება, იგი აღარც პარტიის ლიდერია და აღარც ოფიციალურად იკავებს რამე პოსტს, სპეციალისტების აზრით, კოალიცია მაინც მასთან ასოცირდება და სწორედ ამიტომ, ივანიშვილის "ხათრით" ხალხი მას მხარს ისევ დაუჭერს.

ტელეკომპანია "მაესტროს" საკონტროლო პაკეტის მფლობელი მომღერალი გიორგი გაჩეჩილაძე, ანუ უცნობი გახდა. გიორგი ებრალიძემ და ლევან ჩიკვაიძემ 25% წილის მფლობელ გაჩეჩილაძეს საკუთარი წილები გადაუფორმეს, რაც იმას ნიშნავს, რომ დღეიდან იგი ტელევიზიის 55% წილის მფლობელია. უცნობი პირობას დებს, რომ არ შეიცვლება არხის საინფორმაციო პოლიტიკა და არ მოხდება თანამშრომლების გათავისუფლება.

"საარჩევნო წელს პრემიერ-მინისტრი გიორგი კვირიკაშვილი პრეზიდენტთან შემრიგებლური ტონის დამკვიდრებას ცდილობს, თუ ეს რეალურად ნიშნავს თანამშრომლობას გიორგი მარგველაშვილსა და მთავრობას შორის, უახლოეს მომავალში გამოჩნდება", - ამბობს "რეზონანსთან" საუბრისას "თავისუფალი დემოკრატების" ერთ-ერთი ლიდერი მაია ფანჯიკიძე.

გიორგი ლორიას "ჩელსიდან" 2015 წლის სექტემბერში დაურეკეს და სასწრაფოდ კონტრაქტის გაფორმება შესთავაზეს. ვინაიდან ლონდონურმა კლუბმა პიტერ ჩეხი გაყიდა, ხოლო ტიბო კურტუა ტრავმირებული იყო და სატრანსფერო პერიოდი დაიკეტა, ამიტომ აბრამოვიჩის გუნდი მეკარის გარეშე დარჩა.

კომერციული ბანკების, მიკროსაფინანსო ორგანიზაციებისა თუ კერძო მევახშეების მიერ დასაკუთრებული უძრავი ქონების რაოდენობამ 4 წლის განმავლობაში რამდენიმე ათასს გადააჭარბა. 2011-14 წლებში საცხოვრებელი სახლი 7470-მა ოჯახმა დაკარგა და კიდევ ბევრს საფრთხე ჯერაც ემუქრება. უფრო მეტია იმ ადამიანების რიცხვი, რომელთაც ვალის გამო სხვადასხვა ტიპის ქონების იძულებით გასხვისება მოუწია. დღესდღეობით მოვალეთა რაოდენობა 146 ათასს აჭარბებს.

116 ათასი დასაქმებული და 1,5 მილიარდი ლარის სახელფასო ხარჯი. სახელმწიფო უწყებებში დასაქმებულთა რაოდენობა არჩევნებიდან არჩევნებამდე საოცარი სისწრაფით მატულობს. ბიუროკრატია იმდენად გაიზარდა, რომ ბიზნესმენი თუ უბრალო მოქალაქე თავგზააბნეულია - აღარ იცის, კონკრეტულ საკითხთან დაკავშირებით ვის მიმართოს.