კახეთში მეზობლის მიერ დაჭრილი 14 წლის გოგონას- ქ. გ.-ჩ მდგომარეობა კვლავაც მძიმეა. ის რამდენიმე დღის წინ ჯანმრთელობის გაუარესების გამო კახეთიდან თბილისში იაშვილის სახელობის ბავშვთა რესპუბლიკურ საავადმყოფოში გადმოიყვანეს.

საქართველოს მორაგბეთა ეროვნულმა ნაკრებმა მიმდინარე წლის პირველი ოფიციალური მატჩი რაგბი ევროპის პირველობაზე ავჭალაში გერმანიის ნაკრებთან გამართა და მეტოქე დიდი ანგარიშით - 59:7 დაამარცხა.

"მათ (ძმებ გაჩეჩილაძეებს) არ აინტერესებთ სხვა დამფუძნებლების აზრი და ძალისმიერი მეთოდებით მოქმედებენ. მედიაზე ძალისმიერი მოქმედება, არ მგონია, კარგი იყოს..." - აცხადებს "მაესტროს" დამფუძნებელი და 15%-იანი წილის მფლობელი მამუკა ღლონტი და დარწმუნებულია, რომ ტელეკომპანის გაკონტროლებისათვის "ოცნებამ" გაჩეჩილაძე გამოიყენა და მალე არხი პროსახელისუფლებო გახდება.

გორში პრაქტიკულად "ხავერდოვანი გადატრიალება" მოხდა - ქალაქის საკრებულოში "ნაციონალურმა მოძრაობამ", ირაკლი ალასანიას "თავისუფალმა დემოკრატებმა" და ირაკლი ოქრუაშვილის "ქართულმა პარტიამ" კოალიციური უმრავლესობა შექმნეს და "ქართული ოცნება" ხელისუფლებას ჩამოაცილეს - გუშინ გამართული კენჭისყრის შედეგად საკრებულოს თავმჯდომარე პაპუნა კობერიძე თანამდებობიდან გადააყენეს.

ტელეკომპანია "მაესტროს" გარშემო კვლავ ნებათაღელვაა - არხის გადაყენებული გენერალური დირექტორი ბაია გადაბაძე "მაესტროს" თანამშრომლებს ახალგახსნილ "მაესტრო 24"-ში გადასვლას სთავაზობს. არხის თანამშრომლების თქმით, შემოთავაზება ბუნდოვანია და გადაწყვეტილების მიღება უჭირთ. "მაესტროს" საკონტროლო პაკეტის მფლობელი გიორგი გაჩეჩილაძისა და არხის ახალ დირექტორად დანიშნული ლევან გაჩეჩილაძისაგან კი მათ არანაირი შეთავაზება არ მიუღიათ.

პოლიტოლოგი გია ხუხაშვილი დარწმუნებულია, რომ ტელეკომპანია "მაესტროს" ირგვლივ განვითარებული მოვლენები კავშირშია როგორც პოლიტიკასთან, ისე კომერციულ ინტერესებთან. ამბობს, რომ თუნდაც "ყველაზე ცუდი სცენარი" განვითარდეს და "მაესტრო" ხელისუფლების გავლენის ქვეშ აღმოჩნდეს, მაყურებელი მაინც შეძლებს წინასაარჩევნოდ განსხვავებული ინფორმაციის მიღებას, რადგან, მისი თქმით, სიტუაციას "რუსთავი 2" დააბალანსებს.

ქუთაისში, ანჯაფარიძის ქუჩაზე, წყალსაცავის მიმდებარე ტერიტორიაზე, 30 წლის მამაკაცი ხეზე ჩამომხვრჩვალი იპოვეს. ცხედარი, ადგილობრივმა მაცხოვრებლებმა დილით აღმოაჩინეს.

ჯანდაცვის მსოფლიო ორგანიზაცია მსოფლიოში ზიკას ვირუსის გავრცელების ტემპს საგანგაშოს უწოდებს. 1-ლ თებერვალს ჟენევაში გამართულ საგანგებო შეხვედრაზე ჯანმოს ხელმძღვანელობამ ეს ვირუსი გლობალურ საფრთხედ გამოაცხადა.

"საქართველოს ხმის" დამფუძნებლის, ბიძინა კუჭავას ავტოფარეხში საგამოძიებო მოქმედებების შედეგად ძვალი იპოვეს. სამართალდამცველები დეტალებს არ აკონკრეტებენ, თუმცა აცხადებენ, რომ ადგილიდან მნიშვნელოვანი ნივთმტკიცებებები ამოიღეს, რომელიც ექსპერტიზაზე უკვე გადაიგზავნა.

ზამთარი ის პერიოდია, როდესაც გათბობა ოჯახის ნომერ პირველი საზრუნავია. წლევანდელი წელი ამ მხრივ განსხვავებულია. როგორც ირკვევა, ხალხი ცდილობს, სხვა პირველადი მოხმარების საგნებთან ერთად, უარი თქვას გათბობაზეც და ამ მხრივ ეკონომია გააკეთოს. მათი შემოსავალი ვერ უძლებს იმ ხარჯს, რაც ყოველთვიურად კომუნალური გადასახადების სახით აქვთ დასაფარი.

ჯანდაცვაში ფასის ზრდა ინფლაციის საერთო მაჩვენებელს 3-ჯერ აღემატება. ოფიციალური სტატისტიკით, ბოლო 4 წლის განმავლობაში ქვეყანაში ფასის საერთო დონე დაახლოებით 8%-ით გაიზარდა, ჯანდაცვაში კი ამ მაჩვენებელმა 24,4% შეადგინა. არაოფიციალურად კი, როგორც დარგის სპეციალისტები ამბობენ, სამედიცინო მომსახურება, მედიკამენტების ჩათვლით, მთლიანად 40-45%-ით გაძვირდა.

საქართველოს ენერგოსექტორისთვის საჭირო მოცულობის გაზის მიღების პერსპექტივა ისევ უცნობია. "გაზპრომთან" მოლაპარაკება გაგრძელდება, მაგრამ როდის, არ ვიცით. ენერგეტიკის სამინისტროს "შაჰ-დენიზის" კონსორციუმის იმედიც აქვს, მაგრამ რამდენად საიმედოა ეს იმედი, არ ვიცით. ცნობილია მხოლოდ, რომ კერძო სექტორს, მათ შორის თბოსადგურების მფლობელებს, ალტერნატიული, დამატებითი გაზის წყარო სჭირდება.