უკრაინის "დნიპროს" ექსნახევარმცველი ჯაბა კანკავა ახლა ფრაგული "რეიმსის" ღირსებას იცავს. ქართველმა ნახევარმცველმა უკრაინულ გამოცემა "მატჩ დეის" ინტერვიუ მისცა, სადაც საუბრობს "დნიპროში" გატარებულ პერიოდზე, საფრანგეთში ცხოვრებაზე და იბრაჰიმოვიჩის წინააღმდეგ თამაშზე.

ოკუპირებულ აფხაზეთში დემოგრაფიული პრობლემის მოგვარებას ვერანაირად ვერ ახერხებენ - ვერც სირიიდან თუ თურქეთიდან აფხაზური დიასპორის მოწვევით და ვერც მუდმივად პატრიოტული მოწოდებებით, რომ "რესპუბლიკა" დემოგრაფიული კატასტროფის წინაშეა და 10 წელიწადში შესაძლოა აფხაზები იქ უმცირესობათა რიგებში აღმოჩნდნენ.

"ხელისუფლების მიერ ტელევიზიების დაქვემდებარება და გაკონტროლება იმ იმედითა თუ რწმენით, რომ ამის მეშვეობით საზოგადოებრივ აზრს თავის სასარგებლოდ შეცვლიან, არის სრული პოლიტიკური სიბეცე," - აცხადებს პეტრე მამრაძე, რომელსაც "რეზონანსი" ბოლო დროს ქართულ მედიაში განვითარებულ მოვლენებზე ესაუბრა.

რუსული აგრესიისგან თავის დასაცავად საქართველო, მოლდოვა და უკრაინა აშშ-დან მილიარდობით დოლარს მიიღებენ. თანხა აშშ-ს 2017 წლის ბიუჯეტში გამოიყოფა. ამჟამად კი მოლაპარაკება მიმდინარეობს იმასთან დაკავშირებით, თუ კონკრეტულად რას მოხმარდება იგი.

ტელეკომპანია "მაესტროს" გაკოტრებასთან დაკავშირებით კრედიტორთა სხდომა 17 თებერვალს გაიმართება. საჯარო რეესტრმა კი გენერალურ დირექტორად ლევან გაჩეჩილაძის დანიშვნა 1 თვით გადადო, რის გამოც ტელეკომპანიის 55%-იანი წილის მფლობელი გია გაჩეჩილაძის ადვოკატი ირაკლი კორძახია შიშობს, რომ არხის მუშაობას საფრთხე დაემუქრება, რადგან, მისი თქმით, პროცესები იკითკენ მიდის, რომ ტელევიზია "მაესტრო" აღარ იარსებებს.

საქართველოს უმეტეს რეგიონში უახლოეს დღეებში უნალექო ამინდებია მოსალოდნელი, აცხადებს ნინო წვერავა მონიტორინგისა და პროგნოზირების ცენტრიდან.

10 თებერვალს გორში, გურამიშვილის ქუჩაზე, ღამის 2 საათზე 50 წლის კაცმა საკუთარი შვილის პანაშვიდზე ცეცხლსასროლი იარაღით ყოფილი ცოლი და მისი მეუღლე მოკლა. როგორც ადგილობრვი მცხოვრებლები ყვებიან, ეჭვმიტანილი მეუღლეს რამდენიმე წლის წინ დაშორდა. ქალი მეორედ გათხოვდა და პირველი ქორწინების დროს შეძენილ ქალ-ვაჟთან და ქმართან ერთად ისრაელში ცხოვრობდა.

ე.წ. ღორის გრიპის ვირუსით აჭარაში კიდევ ერთი ადამიანი გარდაიცვალა. როგორც აჭარის საზოგადოებრივი ჯანდაცვის ცენტრში აცხადებენ, გარდაცვლილი 37 წლის ქალია. აღსანიშნავია, რომ აჭარაში ე.წ. ღორის გრიპით უკვე ექვსი ადამიანი დაიღუპა. დაავადებათა კონტროლის ეროვნული ცენტრის დირექტორის, ამირან გამყრელიძის თქმით, ამ დროსითვის საქართველოში ამ ვირუსით სულ 13 ადამიანია გარდაცვლილი.

თბილისელების უმეტესობას გვიან ღამით გადაადგილება უჭირს. სწორედ ამიტომ გამოკითხულთა ნაწილი ავტობუსების განგრიგის გადახედვას და ცვლილების შეტანას ითხოვს. მათი აზრით, დედაქალაქის მერიას ახალი ავტობუსების დამატების შემდეგ ამის საშუალება ექნება. თავად მერიაში "რეზონანსს" განუცხადეს, რომ ავტოპარკის განახლებამდე ამ სახის ცვლილება არ მოხდება.

იუსტიციისა და ჯანდაცვის სამინისტროს ერთობლივი საკანონმდებლო ინიციატივის თანახმად, ბავშვზე ძალადობის შემთხვევაში სოციალურ მუშაკს უფლებამოსილება ენიჭება, ბავშვი მოძალადე ოჯახის წევრისგან განაცალკევოს. ამ ინიციატივას დადებითად აფასებენ ბავშვთა უფლებებზე მომუშავე ორგანიზაციები, თუმცა ამბობენ, რომ ასეთ შემთხვევაში მნიშვნელოვანი კანონის აღსრულების რეალური მექანიზმის შექმნაა.

დასავლეთ საქართველოში სიმინდმა გაძვირება დაიწყო. ამჟამად სამეგრელოსა და გურიაში 1 ფუთი სიმინდის ფასი 16 ლარს შეადგენს, როცა იანვარში მომხმარებელს მისი ყიდვა 13-14 ლარადაც შეეძლო. გურიაში მარაგის მხრივ პრობლემა უკვე შესამჩნევია, რის გამოც რეგიონში პროდუქტი შესაძენად ძნელი საშოვარია.

არარეგისტრირებული სასოფლო-სამეურნეო მიწების სახელმწიფოს მიერ დასაკუთრების შესაძლებლობა ამჯერად ახალგაზრდა იურისტთა ასოციაციამ გააპროტესტა და კანონპროექტთან დაკავშირებით საკუთარი დასკვნა პარლამენტს წარუდგინა. იურისტები იზიარებენ სხვა არასამთავრობო ორგანიზაციებისა და პოლიტიკოსთა ნაწილის მოსაზრებას, რომ მთავრობის ინიციატივა კერძო საკუთრების ხელყოფის საფრთხეს ქმნის.