ზღვისპირეთის საფეხბურთო მეკარეთა სკოლა განთქმულია მთელ საქართველოში. არაერთი მაღალი კლასის მეკარე გამოდიოდა საქართველოს უპირველეს გუნდში თბილისის "დინამოში", ერთ-ერთი მათგანი ცნობილი გოლკიპერი იური მამინაშვილია, რომელმაც ესტაფეტა შვილს, შოთა მამინაშვილს გადაულოცა.

დღეიდან მთელი საქართველოს მასშტაბით ყინვა გაძლიერდება. სინოპტიკოსების პროგნოზით, თოვა შეწყდება, თუმცა დედაქალაქსა და დასავლეთ საქართველოში ტემპერატურა, შესაძლოა, მინუს 8 გრადუსამდე, აღმოსავლეთ საქართველოს ზოგიერთ ადგილას კი -13 გრადუსამდეც კი დაეცეს. დათბობას სინოპტიკოსები 29 იანვრიდან გვპირდებიან.

100 ათას მოსახლეზე ბოლო 3 კვირაში ლაბორატორიულად დადასტურებული ე.წ. ღორის გრიპის 332 შემთხვევა დაფიქსირდა. გარდაცვლილია 4 ადამიანი, სკოლებში შეწყვეტილია სწავლა, სპეციალისტები შემთხვევების მატებას კვლავ ვარაუდობენ, თუმცა ირწმუნებიან, რომ საგანგაშო არაფერია და მოსახლეობას დაცვის რეკომენდაციას აძლევენ.

არაპროგნოზირებადმა ეკონომიკურმა გარემომ და მოკლე პერიოდში რამდენიმე პუნქტით ერთბაშად გაუფასურებულმა ეროვნულმა ვალუტამ ადგილობრივ ბიზნესს გარკვეული ბარიერები შეუქმნა. მათი ნაწილი არათუ გაფათროებას და განვითარებას, არსებულის შენარჩუნებასაც ძნელად ახერხებს. იმ შემთხვევაში, თუ ლარი სტაბილურობას არ დაიბრუნებს, ქართულ ბიზნესს კიდევ უფრო გაუჭირდება და, შესაძლოა, შარშანდელის მსგავსად სავაჭრო თუ მომსახურების ობიექტები ერთიმეორის მიყოლებით დაიხუროს.

ლარის მკვეთრი გაუარესების გამო იმპორტიორები პროდუქტებზე ფასს ვეღარ ინარჩუნებენ. ისინი არ მალავენ, რომ გაძვირებას გეგმავენ. თვის ბოლოს თითქმის ყველა დასახელების უცხოური საქონლის ფასი მოიმატებს. ჯერჯერობით ცნობილია მხოლოდ შაქრის სავარაუდო ფასი. შემდეგი კვირიდან იგი 10%-ით გაძვირდება.

ლისის ტბის ფერდობზე 320-ადგილიანი სტუდენტური საცხოვრებლის მშენებლობა 2016 წელს დასრულდება. სტუდენტების ნაწილი აცხადებს, რომ ადგილების რაოდენობა ძალიან ცოტაა და ამ საცხოვრებლით პრობლემა ვერ მოგვარდება. თსუ-ს სტუდენტების ნაწილი საკუთარი ძალისხმევით და ადმინისტრაციის დახმარებით აპირებს "მაღლივი კორპუსის" ტერიტორიაზე 300 სტუდენტზე გათვლილი საცხოვრებელის აშენებას. მანამდე კი ნაწილს ბაგებში აუტანელ პირობებში ცხოვრება უწევს.

ეროვნული ბანკის პრეზიდენტმა დუმილი დაარღვია და განაცხადა, რომ ლარის გაუფასურება მხოლოდ ნეგატიური მოლოდინით არის გამოწვეული. სებ-ის დაგვიანებული რეაქცია კიდევ ერთხელ აჩენს ეჭვის საბაბს, რომ ლარის გაუფასურების პროცესში დიდი წილი სპეკულაციაზე მოდის. აბსულუტურად გაუგებარია ხელისუფლების წარმომადგენლთა განცხადებები, რამაც ლარზე ფსიქოლოგიური წნეხი არათუ შეამცირა, არამედ კიდევ უფრო გააძლიერა. ხელისუფლება თავს იმშვიდებს ან იტყუებს, რომ ქართული ვალუტა რეგიონში ყველაზე ჯანსაღია. სინამდვილეში იანვარში ლარი უფრო მეტად გაუფასურდა, ვიდრე თურქული ლირა და სომხური დრამი.

ნაყოფიერი და იმედის მომცემი - ასე აფასებენ არასაპარლამენტო ოპოზიციაში პრემიერ-მინისტრთან გამართულ გუშინდელ შეხვედრას, რომელიც მათი წელიწადნახევრიანი მოთხოვნის შემდეგ შედგა.

"დემოკრატიული მოძრაობა-ერთიანი საქართველოს" ერთ-ერთი ლიდერი გიორგი ახვლედიანი ხელისუფლებას მაჟორიტარული სისტემის გაუქმებისკენ კიდევ ერთხელ მოუწოდებს. მისი თქმით, წინააღმდეგ შემთხვევაში, 2016 წლის არჩევნების ლეგიტიმაციის საკითხი კითხვის ნიშნის ქვეშ დადგება როგორც ქვეყნის შიგნით, ისე ქვეყნის გარეთ.

როგორ, როდის და საიდანაა შესაძლებელი საქართველოს საზღვაო ტრანსპორტით სარგებლობა - ეს კითხვა ძალიან ბევრ მოქალაქეს აწუხებს. როგორც "რეზონანსმა" გაარკვია, სამგზავრო ლაინერები ძირითადად ბათუმის ნავსადგურში ივლისის დასაწყისიდან ოქტომბრის ბოლომდე მოძრაობენ.

ექსტრემისტულმა დაჯგუფებამ "ისლამური სახელმწიფო" ინტერნეტში ახალი ვიდეორგოლი გამოაქვეყნა, სადაც გასული წლის ნოემბერში პარიზში მომხდარ ტერაქტებში მონაწილე ცხრა პირია ასახული.

მედიკამენტები ისევ გაძვირდა, ამჯერად რიგში დენის ტარიფი და პურია. წისქვილკომბინატებში აღნიშნავენ, რომ ისინი არსებულ ფასს ძველი მარაგის ხარჯზე ინარჩუნებენ. ახლო მომავალში ან ფქვილი უნდა გააძვირონ ან წარმოება გააჩერონ. სხვათა შორის, 3 მსხვილი წისქვილკომბინატი უკვე გაჩერდა და რამდენიმე ათეული ადამიანი უმუშევარი დარჩა. ამ ყველაფრის ფონზე ქვეყნის პრემიერ-მინისტრი ოლიმპიური სიმშვიდით ამბობს, რომ ლარის გაუფასურებაში საგანგაშო არაფერია.