მმართველ გუნდში აზრთა სხვადასხვაობაა 2020 წლის საპარლამენტო არჩევნებში უმრავლესობის მოპოვების შესახებ, რამაც შესაძლო „ოცნებაში" ახალი დაპირისპირების კერა გააჩინოს; ფრაქცია „ქართული ოცნების" თავმჯდომარე მამუკა მდინარაძე დარწმუნებულია, რომ პარტიას 2020 წლის საპარლამენტო არჩევნების შემდეგ კოალიციის შექმნა არ დასჭირდება, ვიცე-სპიკერი თამარ ჩუგოშვილის ვარაუდით კი უმრავლესობას ვერცერთი პარტია ვერ აიღებს და მათ შორის ვერც „ოცნება".

„ქვეყანაში არსებულ პრობლემებზე საუბარი ივანიშვილისთვის კომფორტული არ არის. კომფორტული არის თემა, რომელზეც ისაუბრა. ამ განცხადებით ის ცდილობს რაღაც პოზიტივით გადაფაროს ბოლო დროის მოვლენები“, - ასე ეხმაურება ექსპერტი გია ხუხაშვილი „ქართული ოცნების“ ლიდერის ივანიშვილის განცხადებას ქალაქ წყალტუბოს რეაბილიტაციასთან დაკავშირებით.

„ის ფაქტი, რომ სახელმწიფო მათზე ზრუნავს, ეს ბუნებრივია ნიშნავს იმასაც, რომ აღიარებს, რომ ისინი დაზარალებული არიან და ოფიციალურ სტატუსსაც, დარწმუნებული ვარ, მიანიჭებენ", - ასე აფასებს „რეზონანსთან" საუბრისას „ქართული ოცნებისა" და საპარლამენტო უმრავლესობის წევრი ნუკრი ქანთარია, 20-21 ივნისის მოვლენებისას დაშავებული 16 პირისთვის დაზარალებულის სტატუსის არმინიჭებას.

„მან უკვე მიიღო სასჯელი და ერთი დანაშაულისთვის ორი სასჯელი ხომ არ არის?!" - აცხადებს „რეზონანსთან" მეუფე ანანია ჯაფარიძე იმ მოსაზრების შესახებ კომენტირებისას, რომ მეუფე იაკობი (იაკობაშვილი) არა მხოლოდ ქორეპისკოპოსობას, არამედ საერთოდ საეპისკოპოსო მსახურებას უნდა ჩამოსცილდეს.

ათონის ივერიის ღვთისმშობლის უძველსი ხატი "კარიბჭის ღვთისმშობლის ხატად" წოდებული, საბერძნეთში, ათონის მთაზე, ივერიის მონასტერში, 999 წლიდან არის დასვენებული. სასწაულმოქმედი ხატი დაწერილია წმინდა ლუკა მახარობლის მიერ.

ამერიკელი სამხედროების მიერ ლიკვიდირებული ისლამური სახელმწიფოს ლიდერის აბუ ბაქრ ალ-ბაღდადის სხეულის ნაწილები სირიიდან ერაყში აშშ-ს სამხედრო ბაზას გადაეცა.

ძალიან გამიხარდებოდა, იმაზე ოდნავ უკეთესი შედეგი გვქონდეს, ვიდრე 2016 წლის არჩევნებზე გვქონდა, მაგრამ სრულიად რეალისტური შეიძლება აღმოჩნდეს ის, რომ უმრავლესობა ვერ აიღოს ვერც ერთმა პარტიამ, ჩვენი ჩათვლით, - განაცხადა პარლამენტის პირველმა ვიცე-სპიკერმა თამარ ჩუგოშვილმა „პალიტრანიუსთან".

რა ოდენობის მარცვლეულის მარაგია საქართველოში არავინ იცის, შეიძლება ვითარება კრიტიკულიც იყოს. სასურსათო უსაფრთხოების უზრუნველსაყოფად ქვეყანას, სულ მცირე, 55 დღის ხორბლის მარაგი უნდა გააჩნდეს. ბიზნესმნების ინფორმაციით, საქართველოში ამჟამად დაახლოებით 3 კვირის მარაგია, რასაც სპეციალისტები კატეგორიულად უარყოფენ და ამბობენ, რომ სინამდვილეში ქვეყანაში მარცვლეული (ხორბლის) მხოლოდ 6-7 დღის სამყოფია, რაც მუდმივად დიდი საფრთხის წინაშე გვამყოფებს.

მიმდინარე წლის იანვარ-სექტემბერში საწვავის იმპორტი ცოტათი შემცირდა. კლება განსაკუთრებით დიზელის საწვავს შეეხო, ხოლო ბენზინის იმპორტი, ფაქტობრივად, არ შეცვლილა და კვლავინდებურად მაღალ ნიშნულზეა.

ეკონომიკის მინისტრი, აეროპორტების მმართველ კომპანიას, ხარვეზების გამოსასწორებლად კონკრეტულ ვადას აძლევს. გუშინ ნათია თურნავა თბილისის საერთაშორისო აეროპორტს ესტუმრა, კონკრეტულ ხარვეზებზე ისაუბრა და "ტავ ურბან ჯორჯიას" კონკრეტული ვადაც მისცა ელემენტარული ინფრასტრუქტურის მოსაწესრიგებლად. ეს, სახელმწიფოს მხრიდან ამ კომპანიის მიმართ პირველი საჯარო კრიტიკაა, თუმცა ეკონომიკის სამინისტროში არ უპასუხეს კითხვას, რა შედეგი დადგება, თუ ,,ტავი” ხარვეზებს დათქმულ ვადაში არ აღმოფხვრის.

საქართველოში ყოველი მერვე მოქალაქე სოციალური შემწეობის მიმღებია. იმის მაგიერ, რომ მდგომარეობა გამოსწორდეს და მოსახლეობის სოციალური ტვირთი შეამსუბუქონ, ხელისუფლება მუდმივად ღარიბი მოსახლეობის მდგომარეობით მანიპულირებს. საარჩევნო კამპანიებიც მუდმივად ამ ტიპის დაპირებებზეა ორიენტირებული. შემთხვევითი არ არის, რომ სოციალური შემწეობის მიმღებთა ბაზაში ყველაზე მეტი რაოდენობა სწორედ არჩევნების წელს ფიქსირდება.

პენსიონერების ნახევარზე მეტს, "ლიბერთი ბანკის" სესხი აქვს და პენსიის დიდ ნაწილს იქვე ტოვებს. ბანკის პროცენტი რომ მაღალია დიდი ხანია საუბრობს საზოგადოება და პროფესიული წრეები, თუმცა არც ეროვნული ბანკის და არც სახელმწიფოს მხრიდან არაფერი იცვლება. კერძო კომერციული ბანკი კი, თავს ვალდებულად არ თვლის, ინფორმაცია მაინც გაასაჯაროოს, სასესხო პირობების შესახებ.