"პატრიარქი ძალიან ბრძენი კაცია, პატიოსანი და კეთილშობილი, მაგრამ ხანიდან და ჯანიდან გამომდინარე ის ენერგია აღარ აქვს რომ ეს უმსგავსობა დაალაგოს. როცა შენს გარშემო ამხელა ჯოჯოხეთია - ძნელია სამოთხე მოაწყო" - ასე ეხმაურება მწერალი და მსახიობი გივი სიხარულიძე საპატრიარქოს ირგვლივ განვითარებულ მოვლენებს.

ტელეკომპანია „რუსთავი 2“-ის ყოფილ გენერალურ დირექტორს  ნიკა გვარამიას ახალი ბრალდება წარედგინება. მას პროკურატურა  ბრალს უკვე მესამე  საქმეზე  უყენებს. 

საქართველოში, ბოლო ცხრა წლის განმავლობაში შიმშილის ინდექსი გაუარესებულია. ამ კუთხით ჩვენი 117 ქვეყანას შორის 39-ე ადგილზეა. სპეციალისტები კი მიიჩნევენ, რომ სინამდვილე ბევრად მძიმეა, ვიდრე საერთაშორისო რეიტინგებში ასახული მონაცემები. რეალურად ქვეყნის 70% არასაკმარისად იკვებება.

მსჯავრდებულ მალხაზ კობაურს ხადას ხეობაში მოკლული სმიტების ოჯახის წევრებთან შეხვედრა და საუბარი სურს.  ასევე მალხაზ კობაურმა რაინ სმიტის დედის მიერ გამოგზავნილი წერილი მიიღო, რომლის შემდეგაც მას ოჯახთან გასაუბრება უნდა. კობაური აცხადებს, რომ მას ოჯახთან შეხვედრა სურს, რადგანაც უნდა აუხსნას, რომ დამნაშავე არ არის.  მისი ადვოკატი ალექსანდრე კობაიძე „რეზონანსთან“ ამბობს, რომ კობაურმა წერილი რამდენიმე დღის წინ მიიღო. 

რუსეთის გაფრთხილების მიუხედავად, უკრაინა იკუპირებული ყირიმის საზღვრებთან სამხედრო წვრთნებს ჯიუტად ახორციელებს. უკრაინის შეიარაღებული ძალები, ოკუპირებული ტერიტორიის მახლობლად ხერსონის ოლქში, რომელიც შავი ზღვისპირა მნიშვნელოვანი საპორტო ქალაქია, უკრაინა საზენიტო სარაკეტო სისტემებით წვრთნას ატარებს. ამის შესახებ ინფორმაციას უკრაინის საჰაერო ძალების სარდლობა ფეისბუქის საშუალებით ავრცელებს.

"წყევლა, გინება და რა არ ყოფილა საუკუნეების მანძილზე ეკლესიაში, ამიტომ რაც მოვისმინეთ ახალი არ არის. ფაქტია, რომ დღეს არავის არ ადარდებს ქრისტეს სიტყვა და არც პატრიარქი. ეკლესიის შიგნით დაპირისპირებულ ჯგუფებს შორის მიდის ბრძოლა ვის დარჩება ეკლესია და მისი რესურსები" - ასე ეხმაურება პოლიტოლოგი პაატა ზაქარეიშვილი საპატრიარქოს ირგვლივ განვითარებულ მოვლენებს.

„ეს არის გარკვეული პოლიტიკური ძალების ჩვეული მეთოდები, რომელთაც დედა ეკლესიის წინააღმდეგ იყენებენ. ამ პროცესებს 1923 წელს შევადარებდი; მაშინდელმა ბოლშევიკურმა ხელისუფლებამ რუსეთის ეგიდით, ტროცკის უშუალო ინიციატივით, ე.წ. რასკოლნიკების მიმდინარეობა შექმნა," - ასე აფასებს „რეზონანსთან" ანალიტიკოსი ვახტანგ მაისაია საპატრიარქოს ირგვლივ არსებული მოვლენებს.

ჭყონდიდის ეპარქიის ყოფილი მიტროპოლიტი პეტრე ცაავა შიომღვიმის მონასტერში განმწესდა. ამის შესახებ პატრიარქის შესაბამის ბრძანებში წერია, რომელიც საპატრიარქოს გვერდზე გამოქვეყნდა, თუმცა ჭყონდიდის ყოფილი მიტროპოლიტი შიომღვიმის მონასტერში წასვლაზე უარს აცხადებს.

„თუ მკითხავთ, პრემიერი მეუფე იაკობის განცხადების მერე პატრიარქთან ეგრევე უნდა მისულიყო," - ასე აფასებს „რეზონანსთან", ანალიტიკოსი არჩილ გამზარდია პრემიერ-მინისტრის გიორგი გახარიას, კათოლიკოს პატრიარქ ილია მეორესთან ვიზიტს.

1977 წლის 23 დეკემბერს თბილისის სიონის საპატრიარქო ტაძარში გამართულმა საქართველოს სამოციქულო ეკლესიის მე-12 ადგილობრივმა კრებამ განიხილა საქართველოს ეკლესიის ახალი კათოლიკოს-პატრიარქის არჩევის საკითხი. მიტროპოლიტი ილია ერთხმად იქნა არჩეული სრულიად საქართველოს პატრიარქად და ეწოდა ილია მეორე (ილია პირველი საქართველოს ეკლესიას მართავდა 390-400 წლებში).

კატალონიაში პროტესტი არ ცხრება, ორ კვირაზე მეტია ბარსელონას ქუჩები აქციებმა მოიცვა, ასობით კატალონიელი ავტონომიის სხვადასხვა ქალაქების სასამართლოებში გაემგზავრა, რათა „დანაშაული აღიარონ" სეპარატისტთა ლიდერებისთვის სოლიდარობის ნიშნად, რომლებიც რეფერენდუმის ჩატარების გამო სასჯელს იხდიან.

გავრცელებულ ინფორმაციას იმის შესახებ, რომ ჭყონდიდის ყოფილი მიტროპოლიტი პეტრე ცაავა, რომელიც 31 ოქტომბერს პატრიარქმა მღვდელმთავრობიდან გადააყენა, შესაძლოა საბერძნეთს დაქვემდებარებული ერთ-ერთი ეკლესიის პატრიარქად ვიხილოთ საქართველოს ტერიტორიაზე, ექს-მეუფესთან დაახლოებული თეოლოგი გიორგი ტიგინაშვილი მოარულ ხმებს უწოდებს და ამბობს, რომ ეს საკითხი დღის წესრიგში არ დასმულა.