„დიდი და მასშტაბური კლევება ჯერ არ ჩატარებულა, თუმცა „ოცნება“ შიდა კვლევებს პერმანენტულად ატარებს და ოპოზიციის მიერ დასახელებელი ციფრი - 35% - არის სიცრუე, რადგან შიდა კვლევებითაც და განწყობითაც „ოცნების“ მაჩვენებელი გაცილებით მეტია“, - ასე ეხმაურება საპარლამენტო უმრავლესობის ერთ-ერთი ლიდერი მამუკა მდინარაძე ოპოზიციის პროგნოზს, რომ მომავალ არჩევნებში „ქართული ოცნება“ 30-35%-ზე მეტს ვერ აიღებს და ეს დასტურდება „ოცნების“ შიდა კვლევებითაც.

„როგორც ვიცი, მას შესთავაზეს ადგილი დიდ დარბაზში აივანზე, სადაც მან უარი განაცხადა, ეს იყო და ეს, თორემ კომიტეტზე დასწრების აკრძალვა არავის არავისთვის არ უთქვამს", - ასე ეხმიანება „რეზონანსთან" „ქართული ოცნებისა" და იურიდიულ საკითხთა კომიტეტის წევრი გოგა გულორდავა იუსტიციის უმაღლესი საბჭოს არამოსამართლე წევრის ანა დოლიძის განცხადებას.

საქართველოში ესტონური მოდელის შემოღებამ ვერ გაამართლა. სახელმწიფოს მხრიდან მინიჭებული პრივილეგიით რეალურად მხოლოდ მსხვილმა ბიზნესმა იხეირა, საწარმოები ვერ განვითარდნენ და ბიუჯეტს კი მილიონობით ლარი დააკლდა. ეკონომისტების განცხადებით, ესტონური მოდელი ბიუჯეტს ყოველწლიურად 600-800 მილიონი ლარი უჯდება და შედეგი, ფაქტობრივად, არ გვაქვს.

3 ლარით გაძვირებული საქონლის და 2-3 ლარით გაძვირებული ღორის ხორცი, გაუფასურებული ლარი და 20-25%-ით მომატებული ფასი იმპორტირებულ პროდუქციაზე - ამ ყველაფერმა რესტორნების გაძვირება და მომსახურების ამ სფეროში კლიენტების კლება გამოიწვია. თბილისური კვების ობიექტები უცხოელი სტუმრების იმედად არიან. როგორც მენეჯერები ამბობენ, ადგილობრივი მომხმარებელების მხრიდან პასიურობა შეინიშნება, რასაც ისინი ფინანსურ კრიზისს და გაზრდილ ფასებს უკავშირებენ. რესტორნის მეპატრონეები ამბობენ, რომ 2019 წელი რთული იყო, რადგან ზაფხულში ტურისტების სიმცირეც შეინიშნებოდა და ამ დანაკლისის შევსებას ისინი სადღესასწაულო დღეებში ვარაუდობენ.

საცხოვრებელ სახლებში გაზის აფეთქების რისკი მატულობს. გამკაცრებულმა კონტროლმა და რეგულაციებმა მდგომარეობას ვერ უშველა, პირიქით, პრობლემა იგივე დარჩა. წინ უმძიმესი ზამთარი გველის, რადგან გაზის გაჟონვის საფრთხე თითქმის ყველგანაა, სადაც მოსახლეობა ბუნებრივ აირს მოიხმარს. ქვეყანაში კი არ არის ისეთი უფლებამოსილების ზედამხევდელების სამსახური, რომელიც კერძო კომპანიებს უსაფრთხოების ნორმების დაცვას აიძულებს. ამასობაში კი თბილისსა და თითქმის ყველა დიდ ქალაქში გაზის აფეთქების შედაგად ინგრევა შენობები და ადამიანები იღუპებიან.

შემაშფოთებელი ტემპით იზრდება ფულის გათეთრების მაღალი რისკის შემცველი აზარტული თამაშების ბიზნესი. ამაზე უკვე ხმამაღლა საუბრობენ არა მხოლოდ ქვეყნის შიგნით, არამედ აშშ დეპარტამენტიც და სხვა საერთაშორისო ორგანიზაციებიც. გარდა ფულის გათეთრებისა, ქვეყნის ეკონომიკისათვის დიდი პრობლემა არარეზიდენტი პირების მფლობელობაში არსებული კაზინოები. სწორედ ამ გზით გაედინება დოლარი ქვეყნიდან და ეკონომიკაზე იოტისოდენადაც აარ აისახება წელიწადში 8 მლრდ ლარით გაზრდილი ბრუნვა.

ოკუპანტების მხრიდან ბორდერიზაციის პროცესის განახლება და ამაზე დასავლეთის დუმილი, რეალურად ამით რა გზავნილს ვიღებთ ჩვენი სტრატეგიული პარტნიორებისგან, არსებობს თუ არა რაიმე საიდუმლო გეგმა საქართველოს საგარეო კურსის ცვლილებასთან დაკავშირებით და რა არის საჭირო იმისთვის, რომ საქართველომ უკანონო მცოცავი ოკუპაცია შეაჩეროს.

„რუსთავი 2"-ის ირგვლივ სამართლებრივი დავა და ბრძოლა კვლავ გრძელდება. თბილისის საქალაქო სასამართლომ „რუსთავი 2"-ის საქმეზე ჯარჯი აქიმიძისა და დავით დვალის სარჩელი წარმოებაში მიიღო და ტელეკომპანია „რუსთავი 2" -ის 60 %-ს ყადაღა დაადო.

საზარელი მკვლელობა მესტიაში- სავარაუდოდ, ძმამ-ძმა ცივი იარაღით მოკლა. შემთხვევა მესტიის მუნიციპალიტეტის სოფელ ცხუმარში 20 ოქტომბერს მოხდა. როგორც ადგილობრივები „რეზონანსთან" ყვებიან, ძმები არღვლიანები არიან. შემთხვევის შედეგად კი ბესო არღვლიანმა უმცროსი ძმა ლაშა არღვლიანი მოკლა. ადგილობრრივები ამბობენ, რომ გარდაცვლილი პედაგოგი იყო და ცხუმარის სკოლაში ფიზიკა-მათემატიკას ასწავლიდა.

"ხელისუფლებას მიაჩნია, რომ პრეზიდენტთან დაკავშირებული ატრიბუტიკა ეს არის პრივილეგია, მაგრამ ეს პრივილეგია უნდა ჰქონდეს მხოლოდ მათი წრის წარმომადგენელს, ანუ სხვები უნდა დასაჯონ"- ასე ეხმაურება პოლიტოლოგი გია ხუხაშვილი ნინო ბურჯანაძის განცხადებას, იმის თაობაზე, რომ დაცვის მოხსნის გარდა გიორგი მარგველაშვილს უპირებენ პენსიის მოხსნას, რაც მისი აზრით, არის მარგველაშვილის დასჯა და სახელმწიფო ინსტიტუტების ფეხქვეშგათელვა.

„ჩვენ თქვენ გითვალთვალებთ"- ასეთი ტიპის მუქარისშემცველი შეტობინებები მიიღეს მობილური ნომრებისა და სოციალური ქსელების მეშვეობით, ესტონეთში ნატოს მისიით მყოფმა ბრიტანელმა სამხედრო მოსამსახურეებმა, ამის შესახებ ცნობას ლიეტუვის ერთ-ერთი მედიასაშუალება ავრცელებს. იქვე აღნიშნულია, რომ ბრიტანეთის ოფიციალური პირები ამ ფაქტს მოსკოვს უკავშირებენ, რომლის მიზანი ჯარისკაცებზე და ადგილობრივ მისახლეობაზე ფსიქოლოგიური ზეწოლა და დაშინებაა.