„იუსტიციის უმაღლეს საბჭოში კანდიდატებთან გასაუბრება დასრულდა. გასაუბრების დასრულებისთანავე,იუსტიციის უმაღლესი საბჭოს მოსამართლე წევრებმა დიმიტრი გვრიტიშვილმა და სხვებმა განაცხადეს, რომ კენჭისყრა, სავარაუდოდ, აგვისტოს ბოლო კვირაში იქნებოდა, უკვე სექტემბერია და ყველასათვის ცნობილია, რომ კენჭისყრა ჯერჯეობით არ ჩატარებულა. პლუს ამას, არანაირი ინფორმაცია არ მაქვს იმის შესახებ, თუ როდის ჩატარდება კენჭისყრა. სავარაუდოდ ეს იქნება სექტემბერში, მაგრამ როდის - არ ვიცი", - აცხადებს „რეზონანსთან" იუსტიციის უმაღლესი საბჭოს არამოსამართლე წევრი ნაზი ჯანეზაშვილი პარლამენტისათვის უზენაესი სასამართლოს მოსამართლეობის კანდიდატების წარსადგენ სიაზე საუბრისას.

ე.წ. სამხრეთ ოსეთის დე ფაქტო სახელმწიფო უშიშროების კომიტეტი ქართულ მხარეს ახალ ბრალდებას უყენებს. მათი ცნობით, ქართველმა ძალოვნებმა დღეს ჩამოაგდეს მათი არასაბრძოლო უპილოტო საფრენი აპარატი - გადამღები კვადროკოპტერი ჩამოაგდეს, რომელიც „სახელმწიფო საზღვრის“ ვიდეოკონტროლს ახორციელებდა.

„ამ ინფორმაციის მჯერა და დიდი ხანია ველოდები. ივანიშვილი ხალხს იწვევს, რადგან ძალიან კარგად დაინახა საზოგადოების განწყობა 20 ივნისის შემდეგ, მაგრამ მაინც ასეთ გადაწყვტილებას იღებს. ეს ასე არ დამთავრდება, ასეთი თავხედობა არავის შერჩება, ხალხი ქუჩაში გამოვა და პერმანენტული აქციები დაიწყება“, - ასე ეხმაურება პარტია „კანონი და სამართალის“ თავმჯდომარე თაკო ჩარკვიანი პრემიერ-მინისტრის თანამდებობაზე მოქმედი შს მინისტრის გიორგი გახარიას შესაძლო დანიშვნას.

„სამთავრობო ცვლილებებზე უკვე დიდია ხანია მიდის საუბარი. ვინ ვის შეცვლის ნაკლებად მაინტერესებს. უბრალოდ ცვლილებები უნდა იყოს პოზიტიური შედეგის მომტანი და ეფექტური. ამ ცვლილებებს უნდა მოჰყვეს შედეგების გაუმჯობესება," - აცხადებს „რეზონანსთან" უმრავლესობის წევრი ბიძინა გეგიძე მოსალოდნელ სამთავრობო ცვლილებებზე საუბრისას.

პოპულარული სერიალი „ჩემი ცოლის დაქალები" ახალ არხ „ფორმულაზე" გავა. „რუსთავი 2" სერიალზე მომუშავე გუნდის სრულმა შემადგენლობამ დატოვა. სერიალმა მაუწყებლობის უფლება 29 აგვისტოს მიიღო და შემოდგომიდან უკვე ეთერში იქნება. ინფორმაციას ამის შესახებ სერიალის სცენრისტი ქეთი დევდარიანი ავრცელებს. დევდარიანი ამავე არხზე ახალ სერიალს აანონსებს.

რა გაკვეთილი უნდა გამოვიტანოთ ჩორჩანაში ბოლო დღეების განმავლობაში განვითარებული მოვლენებიდან; შეცვალა თუ არა საქართველოს ხელისუფლებამ ოკუპანტებთან სასაუბრო ენა და პოლიტიკა; იყო თუ არა ეს საქართველოს მხრიდან ნიადაგის მოსინჯვის მცდელობა და როგორ შეიძლება საბოლოოდ ჩორჩანასთან მოვლენები განვითარდეს?

საქართველოში ეკონომიკური ზრდის მაჩვენებელი საგრძნობლად გაიზარდა. როგორც ეკონომიკის სამინისტროში განაცხადეს, ზრდის მთავარი კონტრიბუტორები მშენებლობის, მრეწველობისა და ვაჭრობის სექტორებია. მიუხედავად იმისა, რომ ივლისში ტურიზმის სფეროში გარკვეული პრობლემა იყო, ამას ეკონომიკურ ზრდაზე დიდად არ უმოქმედია. სპეციალისტები მშპ-ზე სამშენებლო სექტორის გავლენას განსაკუთრებით გამოარჩევენ და განმარტავენ, რომ ამ მიმართულებით რეგულაციების შემოღებამ სფერო მნიშვნელოვნად წაახალისა, რაც საბოლოოდ ეკონომიკური ზრდის ერთ-ერთი განმაპირობებელი ფაქტორი გახდა.

ბოლო პერიოდში აქტიურად მიდის საუბარი მოსალოდნელ სამთავრობო ცვლილებებზე, რომლის მიხედვითაც პრემიერ-მინისტრი მამუკა ბახტაძე შესაძლოა შს მინისტრმა გიორგი გახარიამ შეცვალოს. გახარიას კი ირაკლი ღარიბაშვილი ჩაანაცვლებს. ამასთანავე, პირველ სექტემბერს „ქართული ოცნება" უმრავლესობის ცფორმატში შეიკრიბება. შეხვედრა საშემოდგომო სესიის გახსნამდე ორი დღით ადრე იმართება.

ფრაქცია „ქართული ოცნების" თავმჯდომარე მამუკა მდინარაძე პრეზიდენტისგან განმარტებას ითხოვს რამაზ დევაძის შეწყალების თაობაზე. მდინარაძემ „პირველ არხს" განუცხდა, რომ სალომე ზურაბიშვილის მხრიდან დევაძის შეწყალება მისთვის მიუღებელი და გაუგებარია.

შესაძლოა 1-ელ სექტემბერს საქართველოს ახალი პრემიერ-მინისტრი ჰყავდეს. პარლამენტის საშემოდგომო სესიის გახსნამდე ორი დღით ადრე, მმართველი გუნდი უმრავლესობის ფორმატში შეიკრიბება. შიდა წყაროებიდან ცნობილი ხდება, რომ უმრავლესობის დეპუტატები სწორედ 1-ელი სექტემბრისთვის დაგეგმილ შეხვედრაზე ელიან დაზუსტებულ ინფორმაციას მთავრობაში მოსალოდნელ ცვლილებებზე. 

სოფელ ჩორჩანაში 30 აგვისტოს ქართული მხარისა და ცხინვალის დე ფაქტო ხელისუფლების შეხვედრა გაიმართა, რომელსაც რუსეთის ოკუპაციური ძალების წარმომადგენლებიც ესწრებოდნენ. შეხვედრის დასრულების შემდეგ, საქართველოს უსაფრთხოების საბჭოს აპარატის უფროსმა კახა ქემოკლიძემ ჟურნალისტებს განუცხადა, რომ შეხვედრა კონსტრუქციულ გარემოში წარიმართა და შეხვედრის მონაწილე ყველა მხარე შეთანხმდა, რომ ნაბიჯები უნდა გადაიდგას ვითარების დეესკალაცისკენ.

რუსეთი და თურქეთი მოლაპარაკებებს აწარმოებენ მეხუთე თაობის სუ-57 ტიპის ბომბდამშენების მომარაგებაზე. ამის შესახებ რუსეთში ვიზიტით მყოფმა თურქეთის პრეზიდენტმა რეჯეფ ტაიპ ერდოღანმა განაცხადა.