„პარტიული პოლიტიკის თვალსაზრისით, ივანიშვილისგან ეს ოპტიმალური გადაწყვეტილება იყო. მას ძალიან მოკლე სათადარიგო სკამი აქვს და დიდი არჩევანი მაინცდამაინც არ ჰქონდა. საარჩევნო ციკლში შევდივართ და ისეთი ფიგურა სჭირდება, რომელსაც საზოგადოებასთან ელემენტარული კომუნიკაციის უნარი გააჩნია. გახარიას გარდა, მგონი, ასეთი უნარები იქ არავის აქვს," - ასე აფასებს „რეზონანსთან" ანალიტიკოსი გია ხუხაშვილი ბიძინა ივანიშვილის მიერ პრემიერ-მინისტრის თანამდებობაზე შს მინისტრ გიორგი გახარიას კანდიდატურის წარდგენას.

„ამ საკადრო ცვლილებებით ივანიშვილმა მთლიანად ჩამოიხსნა ნიღაბი და გასაგებად უთხრა საზოგადოებას, რომ ის და „ქართული ოცნება" არის პრორუსული მთავრობა. როდესაც ღარიბაშვილი და გახარია ამ პოსტებს დაიკავებენ, არ გამოვრიცხავ განცხადებები გაკეთდეს რუსეთთან ჩვენი ურთიერთობის დათბობის შესახებ," - ასე აფასებს „რეზონანსთან" „ქართული ოცნების" კოალიციის ყოფილი წევრი ანა მიროტაძე ბიძინა ივანიშვილის მიერ პრემიერ-მინისტრის თანამდებობაზე შს მინისტრ გიორგი გახარიას კანდიდატურის წარდგენას.

აფხაზეთის ოკუპირებული რესბუბლიკის ე.წ. საპრეზიდენტო არჩევნების მეორე ტურში გადასული კადიდატი, პარტია "ამცახარას" ლიდერი ალხას კვიცინია, გამარჯვების შემთხვევაში ე.წ. რესპუბლიკის პრემიერობას რუსეთის მოქალაქე ინალ არძინბას შესთავაზებს, რომელიც რამდენიმე წლის განმავლობაში პრეზიდენტის ვლადიმირ პუტინის ადმინისტრაციაში მუშაობდა.

„პარლამენტის თავმჯდომარე აკონტროლებს ამ ვითარებას, არსებული რეგლამენტით, გუშინ ძალიან სავალალო მაგალითი იყო იმისა თუ როგორ შეიძლება ოპოზიციამ გამოიყენოს საშვების სისტემა, რათა სხდომა ჩაშალოს, დესტრუქცია მოაწყოს და ყოვლად სამარცხვინო საქციელი ჩაიდინოს, ეს პარლამენტისთვის შესაფერისი ფორმატი არ არის,"-ასე ეხმიანება საპარლამენტო უმრავლესობის წევრი გია ვოლსკი ოპოზიციის პროტესტს, რომლებიც დღეს პარლამენტში საშვებით შესვლას და თავიანთი აზრის დაფიქსირებას ცდილობენ.

პარლამენტმა მთავრობისათვის ნდობის გამოცხადების საკითხზე მსჯელობა დღეს დაიწყო. სამი გაერთიანებული კომიტეტის სხდომაზე საგარეო საქმეთა მინისტრობის კანდიდატს დავით ზალკალიანს უსმენენ, თუმცა ოპოზიციონერმა დეპუტატებმა მას ბოიკოტი გამოუცხადეს. „ევროპული საქართველო" საგარეო ურთიერთობათა, დიასპორისა და კავკასიის საკითხთა და ევროპასთან ინტეგრაციის კომიტეტების გაერთიანებულ სხდომას არ ესწრება.

ექსპერტთა ნაწილი მიიჩნევს, რომ სამთავრობო ცვლილებებით „ქართულმა ოცნებამ“ პრაქტიკულად 2020 წლის საპარლამენტო არჩევნების წინასაარჩევნო კამპანია დაიწყო. მთავრობაში ძალოვნების დაწინაურებასა და ზოგადად, ძალოვანი ბლოკის გაძლიერებას ისინი სწორედ არჩევნების მოახლოებითა და დესტაბილიზაციის არდაშვების მიზნით ხელისუფლების მხრიდან უფრო ხისტი პოლიტიკის გატარების სურვილით ხსნიან.

აშშ-საქართველოს ახალი 3-წლიანი სამხედრო შეთანხმების წინ თავდაცვის მინისტრის შეცვლა უბრალო დამთხვევაა და ეს საქართველოს პოლიტიკის შეცვლას არ ნიშნავს, - ამის შესახებ უსაფრთხოების საკითხებში ექსპერტმა ვახტანგ მაისაიამ განაცხადა „რეზონანსთან“ სამთავრობო ცვლილებებზე საუბრისას.

„არანაირი წინაპირობა არ არსებობს იმისა, რომ ვადამდელი არჩევნები დაინიშნოს. მმართველი გუნდი წავიდა ამ დათმობაზე და მომავალი არჩევნები პროპორციული საარჩევნო სისტემით ჩატარდება“, - ასე ეხმაურება უმრავლესობის წევრი რევაზ არველაძე გავრცელებულ ინფორმაციას იმის თაობაზე, რომ შეიძლება შემოდგომაზე ვადამდელი არჩევნები დაინიშნოს და ისევ მაჟორიტარული სისტემით ჩატარდეს.

ლარის გაუფასურების კვალდაკვალ ფასების ზრდის ტემპი მატულობს. ოფიციალურ დონეზეც კი ინფლაცია იმდენად მაღალია, რომ წლის ბოლომდე 7-8%-ს თავისუფლად მიაღწევს. წლის ყველაზე იაფ თვეში - აგვისტოში, წინა წლის ანალოგიურ პერიოდთან შედარებით, ინფლაციის მაჩვენებელმა საქართველოში 0.8 პროცენტი, ხოლო წლიური ინფლაციის დონემ 4.9 პროცენტი შეადგინა. თუკი ასე გაგრძელდა, დეკემბერში ინფლაცია 7-8%-ს მიაღწევს, თუმცა არაოფიციალურად მან ამ ნიშნულს უკვე გადააჭარბა კიდეც.

საზღვაო კურორტები სეზონს სრული კრახით ამთავრებენ. განსაკუთრებით მცირე სასტუმროები დაზარალდნენ. რუსეთიდან ფრენებისა და საქართველოს ტურების გაყიდვის შეჩერებამ ტურიზმს სერიოზული საფრთხე შეუქმნა. არსებული მონაცემით, ბათუმში დამსვენებლების რაოდენობამ 20%-ით იკლო, ქობულეთში უფრო მეტი პრობლემაა და ზარალმაც 30%-ს მიაღწია.

„არ მჯერა, რომ „ევროპულ საქართველოში“ განხეთქილებაა. მგონია, რომ თამაშია. მაგრამ თუ გიგის (უგულავას) მხრიდან მართლაც იქნება რადიკალური სვლები, მაშინ ჩავთლი, რომ ეს თამაში არ არის“, - ასე ეხმაურება პარტია „კანონი და სამართალის“ თავმჯდომარე თაკო ჩარკვიანი გავრცელებულ ინფორმაციას „ევროპულ საქართველოში“ შიდაპარტიულ დაპირისპირებაზე.

ლარმა კიდევ ერთი ანტირეკორდი დაამყარა და `ბლუმბერგის~ სისტემაში, 2 სექტემბერს, 2.97 ნიშნულსაც გადააჭარბა. მიუხედავად იმისა, რომ ეროვნულმა ბანკმა ინტერვენცია განახორციელა და მთავრობაც ამის შემდეგ დამაიმედებელ პროგნოზს აკეთებდა, ლარი ისევ უფასურდება და 3.0-ის ნიშნულს უფრო და უფრო უახლოვდება.