რუსეთმა ტურისტული ემბარგოს შემდეგ შეზღუდვა ხილსა და ბოსტნეულსაც დაუწესა. მანამდე პრობლემა შეექმნათ მეღვინეებს, რომელთაც რუსეთის მიმართულებით ექსპორტი საგრძნობლად შეუმცირდათ. ოკუპანტი ქვეყნის ასეთი ქმედება ქართული მხარისთვის მოულოდნელი არ არის. ექსპორტიორები და სპეციალისტებიც თვლიან, რომ რუსული ბაზარი პოლიტიკურია და, შესაბამისად, საქართველოს რუსულ შეზღუდვებზე იმუნიტეტი უკვე გამომუშავებული აქვს.

კონტრაბანდის მასშტაბი მატულობს. ძვირფასეულობისა და თამბაქოს ნაწარმის კონტრაბანდის პარალელურად მსგავსი ფაქტები ლუდზეც დაფიქსირდა. შემოსავლების სამსახურის თანამშრომლებმა უაქციზო საქონლის უკანონო ტრანსპორტირების ფაქტი გამოავლინეს. სპეციალისტები ფიქრობენ, რომ რისკი დიდია, რომ ასეთი შემთხვევები გახშირდეს, რასაც დიდწილად ქვეყანაში შექმნილ ეკონომიკურ ვითარებას, ლარის კურსის გაუფასურებასა და ფასების ზრდას უკავშირებენ.

საქართველოს მთელ ტერიტორიაზე დაავადების გავრცელების გამო ხეები მასიურად ხმება. შესაბამისად, ჭრები გააქტიურდა. საფრთხეშია როგორც ფოთლოვანი, ასევე წიწვოვანი კულტურები, რამდენიმე ჯიშის ხე კი განადგურების ზღვარზეა. სპეციალისტების შეფასებით, ხეების ხმობა, დიდწილად, კლიმატური პირობებით არის გამოწვეული, ხშირ შემთხვევაში კი, ადამიანის დაუდევრობას უკავშირდება. კერძოდ, ხეების გაჩეხვამ, რომელიც რამდენიმე წლის განმავლობაში აბსოლუტურად უკონტროლო ხდებოდა, ტყის რესურსი მნიშვნელოვნად დააზარალა. საფრთხე იმდენად მასშტაბურია, რომ უახლოეს რამდენიმე წელში მოსახლეობა, შესაძლოა, სათბობი შეშის გარეშე დარჩეს.

საქართველოში სარეკლამო ბიზნესისადმი ინტერესი შემცირდა. ამის მიზეზი, როგორც სპეციალისტები ვარაუდობენ, სეზონური ცვლილებაა და მდგომარეობა შეიძლება შემოდგომიდან შეიცვალოს. ცხადია, გარკვეული გავლენა ბაზარზე პოლიტიკურმა პროცესმაც იქონია. არასაარჩევნო პერიოდში რეკლამის მიმართ მოთხოვნა ისედაც შემცირებულია და სარეკლამო ბაზარზე გარკვეულწილად ამანაც მოახდინა გავლენა.

საქართველოს მოსახლეობა მასობრივად საშიში პროდუქტებით იკვებება. სურსათის უმეტესობა საღებავებითა და პესტიციდებით არის გაჯერებული. მიუხედავად იმისა, რომ ბოლო წლებში საკვების ხარისხის კონტროლს განსაკუთრებული ყურადღება ექცევა, მომხმარებლის დაცვა მკაცრი კონტროლის პირობებშიც შეუძლებელია. გარდა იმისა, რომ უცხოური, საეჭვო წარმოშობის პროდუქტებში საკვებდანამატების წილი დიდია, როგორც ბოლო დროის კვლევამ აჩვენა, ადგილობრივი წარმოების პროდუქტიც ჯანმრთელობისთვის არანაკლები ზიანის მომტანია.

"გვარამიას აქვს უფლება გახსნას ახალი ტელევიზია და მისი ამბიციაც დაკმაყოფილდება, მაგრამ რა პერსპექტივა ექნება, არ ვიცი. დიდი პროპაგანდისტული ტელევიზია რომ ვეღარ იქნება, ფაქტია, შეიძლება "ნაციონალების" ბუტკა იყოს. არ გამოვრიცხავ, რომ ახალი ტელევიზიის გასხნა ხელისუფლების ინტერესებშიც შედის" - ასე ეხმაურება პარტია "თავისუფალი საქართველოს" ლიდერი კახა კუკავა "რუსთავი 2"-ისა და "ტვ პირველის" ირგვლივ განვითარებულ მოვლენებს.

გურჯაანის რაიონის სოფელ ვეჯინში სასტიკი მკვლელობა მოხდა. „რეზონანსს“ ადგილობრივები უყვებიან, რომ სოფელ ძირკოკის მცხოვრები  34 წლის ვ. მ,  სავარაუდოდ, ვეჯინის მცხოვრებმა და-ძმამ მოკლა.  მათი თქმით, როგორც ისინი პოლიციას უყვებიან, ცხედარი დაანაწევრეს და ალაზნის სარწყავ არხში გადააგდეს. თუმცა პოლიცია ცხედარს ამ დრომდე უშედეგოდ ეძებს. 

„მთავარი არხი" მაუწყებლობას, სავარაუდოდ, სექტემბრიდან დაიწყებს და ის „კომედი არხის" სიხშირეზე გავა, რომელიც ამჟამად საერთოდ გათიშულია. ამის შესახებ "რეზონანასს" ერთ-ერთმა ხელმძღვანელმა თამთა მურადაშვილმა უთხრა.

მამუკა ხაზარაძე პოლიტიკაში გააქტიურებას სექტემბრიდან დაიწყებს. ის ასევე საზოგადოებას ჰპირდება, რომ ბევრ სიახლეს გაიგებენ და მის წინააღმდეგ დაწყებული ბრძოლა, რომელსაც ხელისუფლება აწარმოებს, ასე არ დასრულდება.

„წინასაარჩევნოდ პოლიტიკური ველის და მედია სივრცის მოსუფთავების მცდელობა"-ასე აფასებენ „რეზონანსთან" მესამე სექტორის წარმომადგენლები და პოლიტიკოსები „ტვ პირველის" დამფუძნებლის ვატო წერეთლის მამისთვის ავთანდილ წერეთლისთვის ბრალის წაყენებას.

"როგორც ჩანს, "რუსთავი 2"-ის საქმე მოაგვარეს და დადგა "ტვ პირველის" საკითხი. როგორც კი დაიწყო საუბარი 17 მილიონზე, მაშინვე გამიჩნდა ეჭვი, ხომ არ იყო ეს მიმართული "ტვ პირველზე" გასასვლელად. ვნახოთ, როგორ გამოუვათ."

„ამას ხომ იმ მიზნით აკეთებდნენ, რომ განათლების ხარისხი ამაღლდეს? ის მაძიებელი არის მაღალი კვალიფიკაციის, რომელსაც არც საგანი აქვს ჩაბარებული, არც გამოცდილება და სტაჟი აქვს? რომელს აქვს ხარისხი, - გამოცდილ, სტაჟიან მასწავლებელს, თუ მაძიებელს? ეს ყველაფერი არის ერთი დიდი ტყუილი, ქაოსი და მავნებლობა," - ასე აფასებს „რეზონანსთან" საუბრისას ექსპერტი განათლების საკითხებში მანანა ნიკალაიშვილი სკოლებში მიმდინარე რეფორმას.