„დღეს ყველაზე მნიშვნელოვანია ოპოზიციამ არ უნდა მისცეს საშუალება ხელისუფლებას ჩაშალოს პროპორციულ საარჩევნო სისტემაზე გადასვლის პროცესი. რა თქმა უნდა, ამ ცვლილებებში არის ბევრი საკამათო საკითხი, მაგრამ ნებისმიერ შემთხვევაში ოპოზიცია უნდა დათანხმდეს ამ ცვლილებებს, რათა ხელისუფლებამ 2020 წლის არჩევნები ისევ მისთვის მომგებიანი შერეული სისტემით არ ჩაატაროს“, - აცხადებს პოლიტოლოგი ვახტანგ ძაბირაძე, ვისაც „რეზონანსი“ მიმდინარე საკითხებზე გაესაუბრა.

„ეგზიტპოლების გაუქმების აზრს ვერ ვხედავ. ეგზიტპოლების ჩამტარებელი ორგანიზაციები გარკვეულ საერთაშორისო სტანდარტებს უნდა აკმაყოფილებდნენ -მთავარი ესაა. გაუგებარია ისიც, ვის უნდა აწყობდეს ეგზიტპოლების გაუქმება", - ასე შეაფასა „რეზონანსთან" საუბრისას პოლიტიკურმა ექსპერტმა, გია ხუხაშვილმა ოპოზიციური პარტია „დემოკრატიული საქართველოს" ინიციატივა ეგზიტპოლების გაუქმების შესახებ.

2020 წლიდან დიზელი გაძვირდება. მიზეზი, ხელისუფლების მიერ მიღებული კანონია, რომელიც პირველი იანვრიდან უნდა ამოქმედდეს და შედეგად, საქართველო სრულად "ევრო-5"-ის ტიპის დიზელზე გადავა. ოფიციალური მიზეზი, გარემოზე მავნე ზემოქმედების შემცირებაა, თუმცა არავითარი კველევა ამის შესახებ არ არსებობს. სამაგიეროდ ნათელია რომ შედეგი 10-15 თეთრით ფასის და რუსეთზე დამოკიდებულების ზრდა იქნება. იმპორტიორები, რეგულაციის 1 წლით გადავადებას ითხოვენ.

ევროსაბჭოს საპარლამენტო ასამბლეაში რუსეთის დაბრუნების საკითხი კითხვის ნიშნის ქვეშ დადგა. მას შემდეგ, რაც მოსკოვში გამართული არასანქცირებული საპროტესტო აქცია ხელისუფლებამ რამდენჯერმე ძალისმიერი მეთოდების გამოყენებით დაშალა, ევროსაბჭოს საპარლამენტო ასამბლეის ბრიტანული დელეგაციის ხელმძღვანელი როჯერ გეილი გამოვიდა ინიციატივით, რომ ასამბლეაში რუსეთის დაბრუნების საკითხი გადაიხედოს, რადგან ოფიციალური მოსკოვი არ იცავს საერთაშორისო ნორმებით დადგენილ კანონებს.

"ბიძინა დიდ ჭადრაკს თამაშობს და შეიძლება ამ საჭადრაკო დაფიდან ყველა მოიშოროს, ან ვინც უნდა, ის დატოვოს, მაგრამ თუ სამთავრობო ცვლილებები მართლაც ჩაფიქრებული აქვს, ისეთი ხალხი უნდა მოიყვანოს, რომელიც პროფესიონალიც იქნება, გამოცდილიც და სახელმწიფო ხედვაც ექნება. თორმე რა აზრი აქვს ავთოს ნოდარით შეცვლი, თუ ნოდარის პეტრეთი"- ასე ეხმაურება მწერალი და მსახიობი გივი სიხარულიძე გავრცელებულ ინფორმაციას იმის თაობაზე, რომ სექტემბერში ბიძინა ივანიშვილი სამთავრობო ცვლილებებს აპირებს.

ლარის დევალვაციამ ავეჯისა და ტექნიკის მაღაზიებზეც მოახდინა გავლენა. ბიზნესმენები შექმნილ პრობლემებზე დაუფარავად საუბრობენ.  მათი ინფორმაციით, ბოლო ორი თვის განმავლობაში ძვირადღირებული არც ტექნიკა და არც ავეჯი არ იყიდება. იმის გამო, რომ ბაზარზე რეალიზებული ტექნიკის დიდი ნაწილი იმპორტირებულია, ფასებიც გაზრდა გარდაუვალი გახდა. შედარებით დარეგულირებული ვითარება ავეჯის მაღაზიებში, რადგან ადგილობრივი წარმოების საქონელი ბაზარზე დიდ წილს იკავებს.

მთავრობა რეალური ინფლაციის დამალვას იწყებს. ეჭვი სტატისტიკური მონაცემის სიზუსტეზე აქამდეც არსებობდა, მაგრამ თამბაქოს გარეშე გამოთვლილი მაჩვენებლის შემდეგ სტატისტიკა რეალობას კიდევ უფრო დაშორდება. ცხადია, რომ ამ გადაწყვეტილების საფუძველი ინფლაციის დაბალი ნიშნულის დაფიქსირებაა. ეკონომისტები ფიქრობენ, რომ ამიერიდან ინფლაციის დონე და მასთან დაკავშირებული საკითხი უფრო ბუნდოვანი გახდება.

„აუცილებლად უნდა ჩატარდეს ობიექტური გამოძიება, ამ ობიექტურმა გამოძიებამ შემდგომ სასამართლოს უნდა მიაწოდოს ინფორმაცია და მიღებულ იქნეს გადაწყვეტილება, ვინ და რა ფორმით უნდა აგოს ამაზე პასუხი, მაგრამ ის, რომ პირველ რიგში სააკაშვილი, კეზერაშვილი, ბოკერია და სხვები ამ ომზე პასუხისმგებლები არიან, ამაზე ორი აზრიც არ არსებობს."

რუსეთიდან, ირანიდან და ინდოეთიდან ტურისტული ნაკადები ივლისში მკვეთრად შემცირდა. მიუხედავაც ამისა, ზოგადი ტენდენცია მაინც მატებისკენაა და სტუმრების მლიანი რაოდენობა 1%-ით გაიზარდა, მაგრამ ისიც უნდა ითქვას, რომ ეს მოსალოდნელზე ბევრად ნაკლებია. კერძო სექტორი და სფეროს სპეციალისტები საზღვაო კურორტებზე დამსვენებლის განსაკუთრებულ სიმცირეზე საუბრობენ, რამაც ქვეყანა და ბიზნესიც მნიშვნელოვნად აზარალა.

პროკურატურა ყოფილი მაღალჩინოსნების წინააღმდეგ ისევ გააქტიურდა. საუბარია ყოფილ ვიცე-პრემიერ დიმიტრი ქუმსიშვილსა და ინფრასტრუქტურის ყოფილ მინისტრზე ზურაბ ალავიძეზე, რომლებიც დიდი ოდენობით თანხების გაფლანგვის საქმეზე 2018 წელს პროკურატურამ ერთხელ უკვე გამოკითხა.

ლარის გამყარების მცდელობა ჯერჯერობით უშედეგოა. რა მოცემულობაც დღეს ქვეყანას ლარის კურსთან დაკავშირებით აქვს, ფაქტობრივად გაუფასურებას უდრის და ეს ყველაზე ნათლად სამომხმარებლო ბაზრებზე აისახება. რეალური სტაბილურობის მისაღწევად კურსი, მინიმუმ, 2,80-ზე უნდა ჩამოვიდეს, რის საფუძველიც ამ ეტაპზე არ არსებობს. ფასები მატულობს და სულ ახლახან დისტრიბუტორებმა პროდუქტის მორიგი გაძვირებაც დაანონსეს, ფასების ზრდაზე ალაპარაკდნენ ნავთობის იმპორტიორები და სააფთიაქო ქსელების წარმომადგენლებიც.

"პროპორიციული საარჩევნო სისტემით არჩევნების ჩატარება აწყობს მცირე პარტიებს, მათ უნდათ, რომ თავისი ხმა ჰქონდეთ პარლამენტში; თუ თეორიას გამოვიყენებთ, მიაწოდონ პარლამენტს ხალხის ხმა.