"არ მახსოვს, კეზერაშვილი ძებნაშია თუ არა, და არც ის ვიცი ამჟამად სად იმყოფება, ისარელში თუ ამერიკაში, მაგრამ მის მიმართ კითხვები რომ არსებობს, ეს ფაქტია და ჯერ ამ კითხვებზე უნდა გასცეს პასუხი და შემდეგ გააკეთოს განცახადებები სამომავალო გეგმებზე" - ასე ეხმაურება უმრავლესობის წევრი ნუკრი ქანთარია დავით კეზერაშვილის განცხადებას ახალი ტელევიზიის შექმნასთან დაკავშირებით.

რუსეთის საგარეო საქმეთა სამინისტრომ ოფიციალური განხადება გამოაქვეყნა 2019 წლის 2 აგვისტოდან საერთაშორისო ბირთვული ძალების მცირე და საშუალო რადიუსიან რაკეტების ლიკვიდაციის ხელშეკრულების შეწყვეტაზე. ამის შესახებ ნათქვამია რუსეთის საგარეო საქმეთა სამინისტროს ვებ გვერდზე.

რუსეთის საფონდო ბაზარი 2 აგვისტოს კიდევ ერთხელ ჩამოიშალა. ინდექსების მნიშვნელოვანი ვარდნა გლობალური საფონდო ბირჟისა და ნავთობის ფასების ვარდნის გამო მოხდა, რასაც რუსეთის წინააღმდეგ სანქციების მორიგი ტალღა დაემატა. ყველაფერი ეს გამოწვეულია შეერთებულ შტატებსა და ჩინეთს შორის სავაჭრო დაპირისპირების ესკალაციით და ვაშინგტონის მიერ დაწესებული ახალი სანქციების დაწესებით მოსკოვის წინააღმდეგ სერგეი სკრიპალისა და მისი ქალიშვილის საქმესთან დაკავშირებით.

ბიძინა ივანიშვილი შემოდგომაზე მინისტრთა კაბინეტის დათხოვნას აპირებს, ამ ინოფრმაციას გამოცემა "ნიუპოსტი" ავრცელებს. როგორც გამოცემისთვის გახდა ცნობილი, ივანიშვილმა მთავრობის შეცვლის გადაწყვეტილება უკვე მიიღო და სექტემბრის ბოლოს მთავრობა შეიცვლება. ლარის კურსის რეკორდული გაუფასურების საბაბით პრემიერ-მინისტრმა მამუკა ბახტაძემ შეიძლება თანამდებობა დატოვოს. მის შემცვლელად კი სახელდებიან ამერიკაში საქართველოს ელჩი დავით ბაქრაძე ან ინფრასტრუქტურის მინისტრი მაია ცქიტიშვილი.

ბრიტანეთის არმიაში შეიქმნა სპეციალური დანაყოფი, რომელიც რეაგირებას მოახდენს რუსეთის მიერ სოციალურ ქსელებში განხორციელებულ თავდასხმებზე და საპასუხო თავდასხმებსაც განახორციელებს. ექსპერტი უსაფრთხოების საკითხებში ვახტანგ მაისაია „რეზონანსთან" ამბობს, რომ სოცქსელებში განხორციელებული თავდასხმები და მათი დაცვის მექანიზმების შექმნა ფაქტიურად ცივი ომის ნაწილია, რომელსაც ფსიქოლოგიურ ომს უწოდებენ.

კინორეჟისორი და ყოფილი სახელმწიფო მინისტრი გოგო ხაინდრავა „რეზონანსთან“ აგვისტოს ომამდე არსებულ სიტუაციას იხსენებს და ამბობს, რომ სააკაშვილის ხელისუფლებამ ცხინვალთან დაკავშირებით სიტუაცია ხელოვნურად ომამდე გააფუჭა. ამბობს, რომ მისი მინისტრობის დროს, ცხინვალში დაცვის გარეშე ჩადიოდა და ქუჩებში დღისით  ღიად გადაადგილდებოდა. ხოლო მისი თანამდებობიდან გაშვების შემდეგ,  სააკაშვილმა მოლაპარაკების ყველა ფორმატი გააუქმა და ომის პროვოცირებისკენ პირველი ნაბიჯები გადადგა. 

მარეგულირებელმა, გაზის ტარიფის გადათვლა დაიწყო. მკვეთრად გაუფასურებული კურსის გამო, ქვეყანა ბუნებრივი აირის ტარიფის მატების მოლოდინშია. თუმცა, რადგანაც 2020 სარჩევნო წელია, ხელისუფლება, სავარაუდოდ, შარშანდელ პრაქტიკას გამოიყენებს და სამომხმარებლო ტარიფს კვალვ დაასუბსიდირებს, კომერციული კი ისევ გაიზრდება.

ქვეყანა ისევ პურპროდუქტების გაძვირების მოლოდინშია. ფქვილის ფასმა კვლავ კრიტიკულ ზღვარს მიაღწია. რამდენადაც ფქვილი 2 ლარით შეიძლება გაძვირდეს, რაც ეს საფრთხე უქმნის პურს ფასს და დანამდვილებით გააძვირებს სხვა ტიპის საკონდიტრო ნაწარმს. მეწარმეები მოსალოდნელ ზარალზეც ალაპარაკდნენ.

"ჩვენ არ უნდა დავუშვათ მედიის მონოპოლიზაცია, ამიტომ რაც მეტი ტელევიზია, რაც მეტი ინფორმაციის მიღების ცენტრი შეიქმნება, მე ამას მხოლოდ მივესალმები" - ასე ეხმაურება პოლიტოლოგი გია ხუხაშვილი დავით კეზერაშვილის განაცხადებას ახალი ტელევიზიის შექმნასთან დაკავშირებით.

20 ივნისის აქციასთან დაკავშირებით არ არის გამორიცხული, რომ შინაგან საქმეთა სამინისტრომ დაკავებების ახალი სერია დაიწყოს. უწყებაში 31 ივლის დაკითხვაზე კიდევ რამდენიმე ადამიანი დაიბარეს. გავრილოვის ღამიდან 42-ე დღეს საგამოძიებო უწყებაში ათობით ადამიანს მოწმის სახით მისვლა და ჩვენების მიცემა მოთხოვეს, თუმცა როგოც აქციის მონაწილეები „რეზონანსთან“ ამბობენ, ეს მხოლოდ მახეა და უწყებაში მათი მიტყუება უნდათ,  შემდგომ კი  დააკავებენ.   

"როგორც ჩანს, არჩევნებამდე, ყველა თავის პარტიულ ტელევიზიას ხსნის. არავისთვის დასამალი აღარ არის, რომ კეზერაშვილი აფინანსებს "ევროპულ საქართველოს", ის დიდი ხანია ქართული პოლიტიკის აქტიური წევრია, მერე რა რომ ტელევიზიებში არ ჩნდება" - აცხადებს პარტია "თავისუფალი საქართველოს" ლიდერი კახა კუკავა, ვისაც "რეზონანსი" მიმდინარე პოლიტიკურ ვითარებაზე ესაუბრა.

„რუსეთი გენოციდს იმიტომ გვაბრალებს, რომ ეს არის „გაღმა შეედავეს" პოლიტიკა," აცხადებს ისტორიკოსი გიორგი ოთხმეზური „რეზონანსთან" საუბრისას.