დუმის კომიტეტმა, რუსეთიდან საქართველოში ფულადი გზავნილების, ღვინისა და მინერალური წყლის შეტანის აკრძალვას მხარი დაუჭირა.  ავიამიმოსვლის აკრძალვა კი უკვე ამოქმედდა. ამის შედეგად, ლარის გაუფასურებას 20 ივნისის შემდეგ შეუქცევადი ხასიათი აქვს და ანალიტიკოსები პროგნოზით, თუ ქვეყნის შიგნით ვითარება არ დასტაბილურდა, დევალვაცია კვლავ გაგრძელდება.

რუსეთმა დღის წესრიგში დააყენა საქართველოდან გარკვეული პროდუქტის ექსპორტის აკრძალვის საკითხი; რუსეთის დუმის ფრაქცია, მმართველი პარტია „ედინაია რასია" საქართველოდან ღვინისა და წყლის შეტანის აკრძალვის ინიციატივით გამოდის. საუბარია ასევე საქართველოში ფულადი გზავნილების შეწყვეტის შესახებაც.

სახიფათო "თამაშები სიტყვებით", რომლის უკან ქვეყნის უსაფრთხოება დგას - რა მოიგო გაბუნიამ პუტინის გინებით და რა შეიძლება ქვეყანამ ამით წააგოს. შეიძლება ითქვას, რომ მთელი საზოგადოება შოკში ჩააგდო "რუსთავი 2"-ის ეთერში ტელეწამყვან გიორგი გაბუნიას მონოლოგმა, რომელმაც პირდაპირი მნიშვნელობით ღია ეთერიდან აგინა რუსეთის პრეზიდენტ ვლადიმირ პუტინს. ამას კი მყისიერი რეაგირება, როგორც საზოგადოების, ოპოზიციის, ასევე ხელისუფლების მხრიდანაც მოჰყვა. გარდა ამისა, ტელევიზიის შენობასთან შეიკრიბნენ მოქალაქეები, რომლებიც გაბუნიას განცხადებებს გვიან ღამემდე აპროტესტებდნენ.

180 000 დოლარად შეფასებული ქონების საკითხი, რომელიც "პროკრედიტ ბანკმა" ნულოვან აუქციონზე 9 000 დოლარად გაყიდა, "ახალგაზრდა ადვოკატებმა" შეისწავლეს. ვრცელ კველევაში იმ შეუსაბამობაზე, დარღევევებსა და არამიზნობრივ ქმედებებზეა საუბარი, რომელიც კომერციულმა ბანკმა "ქართული სკოლის" წინააღდეგ განახორციელა. დღესდღეობით სკოლის მფლობელი და მისი ოჯახი, ბიზნესის გარეშეა დარჩენილი და უკნასკნელი საცხოვრისიდან გამოსახლებაც ემუქრება.

რუსეთმა საქართველოს მისამართით არაორაზროვანი, მოკლე და ხისტი მესიჯები გააჟღერა - „ეს საქართველოს უბედურებაა", „რაც მოხდა, ეს დიდი სირცხვილია საქართველოსთვის"... ამის მიზეზი კი გუშინ, ტელეკომპანია რუსთავი 2-ის პირდაპირ ეთერში გადაცემა „პს"-ის წამყვანის გიორგი გაბუნიას მიერ რუსეთის პრეზიდენტის ვლადიმირ პუტინის მისამართით გააჟღერებული შეურაცხყოფა გახდა.

"მესმის, რომ ტელევიზიის შენარჩუნება უნდათ, მაგრამ სახე კი არ უნდა დაკარგონ. უცბად აეშალა ნერვები გაბუნიას და წამოსცდა? ვის სჯერა ამის, ვინ კითხავს გაბუნიას?"- ასე ეხმაურება მომღერალი ირმა სოხაძე "რუსთავი 2"-ის ეთერში გიორგი გაბუნიას საავატორო გადაცემის წამყვანის მიერ რუსეთის პრეზიდენტის მიმართ გაკეთებულ შეურაცხმყოფელ განცხადებას.

კვირას ტელეკომპანია „რუსთავი 2"-ის 21:00 საათიანი კურიერი "PS"-ის პირდაპირ ეთერში მისმა წამყვანმა გიორგი გაბუნიამ რუსეთის პრეზიდენტი ვლადიმირ პუტინი შეურაცხმყოფელი სიტყვენით მოიხსენია. პოლიტოლოგი რამაზ საყვარელიძე „რეზონანსთან" ამბობს, რომ გაბუნიას გინება ისევე, როგორც სხვა მოვლენა, უნდა ახსნა იმით, თუ ვის აწყობს ეს.

"ეს იყო თავად რუსთავი 2"-ისთვის სილის გაწნა, თორემ ქართველებს არავისი არ ეშინია, უბრალოდ არსებობს ნორმები, რომელიც ყველამ უნდა დავიცვათ" - ასე ეხმაურება მწერალი და მსახიობი გივი სიხარულიძე "რუსთავი 2"- ის ეთერში გიორგი გაბუნიას საავტორო გადაცემაში წამყვანის მიერ რუსეთის პრეზიდენტის მიმართ გაკეთებულ შეურაცხმყოფელ განცხადებას.

„რუსთავი 2"-ისთვის ბრძოლაში ვინ დარჩება გამარჯვებული 2-წლიანი დავის შემდეგ, 18 ივლისს სტრასბურგის სასამართლოს გადაწყვეტილების შემდეგ გახდება ცნობილი. ადამიანის უფლებათა ევროპული სასამართლო საქართველოს წინააღმდეგ მიმართულ სამ გახმაურებულ საქმეზე გადაწყვეტილებას ამ დღეს გამოაცხადებს. ამის შესახებ ინფორმაცია ოფიციალურად ეცნობა იუსტიციის სამინისტროს წარმოამდგენელს სტრასბურგში. ეს საქმეებია: კორტების სპეცოპერაციის საქმე, 2008 წელს პოლიციის მიერ ჩადენილი არაადამიანური მოპყრობა და „რუსთავი2" საქმე.

სამოქალაქო პროტესტი უკვე ორ კვირაზე მეტია გრძელდება, თუმცა, მმართველ გუნდი ხალხის მთავარი მოთხოვნის (შსს მინისტრის გადადგომა) დაკმაყოფილებას არ აპირებს, აქციამ მასშტაბური ხასიათი მიიღო და საპროტესტო მსვლელობები უკვე რეგიონებშიც იმართება.

„კიდევ ათეულობით ადამიანის დაკავება იგეგმება, რაც ხელისუფლებისთვის უფრო წამგებიანი იქნება", - აცხადებენ „რეზონანსთან" უფლებადამცველები, რომელთაც ინფორმაცია აქვთ, რომ 20-21 ივნისის ღამით განვითარებულ მოვლენებთან დაკავშირებით კიდევ ბევრი აქციის მონაწილის დაპატიმრებას უნდა ველოდოთ.

უკრაინული მედიის ინფორმაციით, მალაიზიური „ბოინგის" ჩამოგდების საქმეზე რუს გენერალს და კიდევ 3 პირს უკრაინის უსაფრთხოების სამსახურმა ბრალი წაუყენა. ექსპერტი უსაფრთხოების საკითხებში ვახტანგ მაისაია "რეზონანსთან" საუბარში აღნიშნავს, რომ ეს საკითხი რუსეთისთვის ძალიან სერიოზული იქნება, რადგან დიდი ალბათობით შესაძლოა შეიქმნას ჰააგის საერთაშორისო სასამართლოს სპეციალური ჯგუფი, რომელიც კრემლის მაღალჩინოსნების სერიოზულ სამართლებრივ დევნას განახორციელებს.