„კარგია, რომ საარჩევნო კამპანია ექსცესების გარეშე მიდის და იმედია, ასე გაგრძელდება. ოპოზიცია ამ არჩევნეს განიხილავს, როგორც ერთგვარ რეპეტიციას საპარლამენტო არჩევნების წინ. მათთვის მნიშვნელოვანია გარკვეული წარმატების მიღწევა, თუმცა ოპოზიციის ამ გაერთიანებასთან დაკავშირებით არსებობს გარკვეული აზრთა სხვაობა - კონსენსუსი სხვადასხვა ოპოზიციურ ჯგუფებს შორის ერთიან კანდიდატთან დაკავშირებითაც არ არის," - აცხადებს „რეზონანსთან" სოციოლოგი ვალერიან გორგილაძე 19 მაისის შუალედურ არჩევნებზე საუბრისას.

შრომის კოდექსი და შრომის ინსპექციის გაზრდილი უფლებები, დასაქმებულთა არათუ თანასწორ გარემოში მუშაობის საშუალებას ვერ იძლევა, მათ სიცოცხლესაც კი ვერ იცავს. დამოუკიდებელი პროფკავშირები თვლიან, რომ სიტუაციის გამოსწორების ერთადერთი გზა, სახელმწიფოს ნებაა, დაიცვას მოქალაქე და მისი სიცოცხლე.

უკრაინის საგარეო საქმეთა მინისტრმა პაველ კლიმკინმა ნატოში გაგზავნა წერილი რუსული პასპორტების უკრაინის ოკუპირებულ ტერიტორიებზე უკანონონოდ დარიგებასთან დაკავშირებით, სადაც ის რუსეთზე სანქციების გამკაცრებას ითხოვს.

ვაკის პარკთან მიმდინარე აქციაზე დაკავებები გრძელდება; შსს-მ 9 მაისისადმი მიძღვნილი ღონისძიებების კონტრაქციის წევრი დააკავა.

საგზაო ინფრასტრუქტურული პროექტები შესაძლოა, მომავალ წელსაც ვერ შესრულდეს. მშენებლობის ვადები უკვე იმდენჯერ დაირღვა, რომ დეპუტატებსაც თავგზა აებნათ. რეალურად არავინ იცის, როდის დასრულდება გზების მშენებლობა და რა ქმნის ისეთ დაბრკოლებას, რაც დაანონსებული პროექტების ვადებს მუდმივად ცვლის.

თბილისში მიკროავტობუსები სრულად ვერ ჩანაცვლდება. ასეთია მერიის სატრანსპორტო სამსახურის ხედვა, თავად მერს კი შესაძლებლად მიაჩნია, რომ ერთხელ და სამუდამოდ საერთოდაც გაქრეს "მარშრუტკები". ქალაქის მუნიციპალიტეტს "თბილისის მიკროავტობუსთან" ხელშეკრულება 2031 წლამდე აქვს, თუმცა მერიამ სხვადასხვა სფეროში უკვე არაერთხელ მოახერხა მსგავსი კონტრაქტის გაწყვეტა.

როგორც ისტორიკოსები ამბობენ, საქართველო ერთადერთი ქვეყანაა მეორე მსოფლიო ომში მონაწილე ქვეყნებიდან, რომელმაც ყველაზე დიდი მსხვერპლი გაიღო.

„სამხრეთიდან სიტუაცია თუკი იმდენად დაიძაბა, რომ საქმე საომარ მოქმედებამდე მივიდა, შესაძლოა რუსეთმა გვერდზე გადგომა არ მოინდომოს, პირიქით, მასში მონაწილეობის მიღება ისურვოს, - საქართველოს წინააღმდეგ მსგავსი დარტყმაც მოსალოდნელია.

9 მაისს თბილისში, ჭავჭავაძის გამზირზე ორი აქცია-მსვლელობაა დაანონსებული - ერთია რუსული პროპაგანდისტული აქცია სახელწოდებით „უკვდავი პოლკი", ხოლო პარალელურად გაიმართება აქცია „არა პუტინის მარშს", რომელსაც მოძრაობა „რუსეთი ოკუპანტიას" წევრები აანონსებენ.

ანაკლიის პროექტი უკვე რამდენი ხანია შეჩერებულია. მშენებარე პორტში არანაირი სამუშაოები არ მიმდინარეობს დაფინანსების არ არსებობის გამო და ჯერ კიდევ არ არის ცნობილი, კიდევ რამდენი ხნით გადაიდება სამუშაოები.

„მხოლოდ რუსეთის მიმართ ლოიალურად განწყობილი სახელმწიფოები დადგებიან რუსეთის გვერდით; რამდენიმე პოსტსაბჭოთა რესპუბლიკა, - სომხეთი, ბელორუსი... სხვადასხვა ქვეყნები მაინც იძულებულები იქნებიან რუსეთის ინტერესებს გარკვეული ანგარიში გაუწიონ," - აცხადებს „რეზონანსთან" ანალიტიკოსი ნიკა ჩიტაძე კიევის განცხადების შესახებ საუბრისას, რომლის თანახმადაც, უკრაინის მთავრობა დონბასის მოსახელობისთვის გაცემულ რუსულ პასპორტებს ბათილად სცნობს.

მმართველმა გუნდმა რომ შეიძლება კორექტირება შეიტანოს საარჩევნო გეგმებში და შემოდგომაზე ვადამდელი საპარლამენტო არჩევნების დანიშვნის გადაწვეტილება მიიღოს, პოლიტიკურ და ექსპერტთა წრეებში დასაშვებად მიიჩნევენ, თუმცა არ გამორიცხავენ, რომ რიგგარეშე არჩევნები ხელისუფლებისთვის შედეგის მომტანი იყოს.