პრეზიდენტი სალომე ზურაბიშვილი ოკუპირებულ ტერიტორიებზე სასაუბროდ დიალოგის ახალი ფორმატის - პოლიტიკური დიალოგის შექმნის იდეით გამოდის და როგორც მისმა პრესსპიკერმა განაცხადა, უკვე დაწყებულია მუშაობაც. თუმცა რეალურად რა დიალოგზეა საუბარი, ეს არის რუსეთთან პირდაპირი დიალოგის სურვილი, თუ "მეორე ჟენევა" ან ვისთანაა დაწყებული მუშაობა, ადმინისტრაციაში არაფერი იციან და ამბობენ, რომ ეს ჯერ მხოლოდ იდეაა.

ქართული პროდუქტის ხარისხი ვერ გაუმჯობესდა. ამას ადასტურებს ფაქტი, რომ ექსპორტმა ევროკავშირის ბაზრებზე იკლო და ქვეყანა კვლავ პოსტსაბჭოთა ბაზრების იმედად რჩება. სტატისტიკა აჩვენებს, რომ თავისუფალი ვაჭრობის შეღავათიან რეჟიმს ამ ეტაპზე ქართული პროდუქციის ექსპორტზე დადებითად საერთოდ არ უმოქმედია. ქვეყანა ამით ვერანაირ სარგებელს ვერ იღებს და მხოლოდ იმპორტი რჩება მოგებული. წარმატებას ექსპორტმა ვერც ჩინეთის მიმართულებით მიაღწია.

აზარტული თამაშების მსხვილმა კომპანიებმა საბარათე სისტემა შექმნეს, სადაც ბრუნვა და გადარიცხვები დაფარულია. ასე რომ, ბანკებს ტრანზაქციების შესახებ ინფორმაცია არ ექნებათ. ეკონომისტებმა ამ სქემით ფულის გათეთრების საფრთხე იგრძნეს.

ანალიტიკოსი გია ნოდია „რეზონანსთან“ ბოლო დღეებში მიმდინარე მოვლენებს აფასებს და ამბობს, რომ არ არის გამორიცხული „ქართულ ოცნებაში“ უკვე ისეთი მასშტაბის ბზარები გაჩნდა, რომ პარლამენტის თავმჯდომარე ირაკლი კობახიძე უმრავლესობაში პროცესების გაკონტროლებას ვეღარ ახერხებს. 

„ტაქსის მძღოლებს ავტომობილის ტექ დათვალიერება წელიწადში ორჯერ მოუწევთ, რადგან ტაქსები გაცილებით ბევრს დადიან და ამიტომ, რისკი მათი მწყობრიდან გამოსვლის უფრო მეტია, ვიდრე სხვა ადამიანის ავტომობილი, რომელიც დღეში მხოლოდ 20-30 კილომეტრს გადის და მხოლოდ სამსახურში მიდის და მოდის“, - აცხადებს საავტომობილო ფედერაციის პრეზიდენტი შალვა ოგბაიძე. 

მიტროპოლიტი ანანია (ჯაფარიძე) არ ეთანხმება ზოგიერთი იმ სასულიერო პირის მოსაზრებას, რომლებიც არასწორად მიიჩნევენ სამარხვო ნამცხვრების, კატლეტების და სხვა ნუგბარის მიღებას მარხვის პერიოდში.

„ეს აცდენილია საერთოდ დღევანდელ მდგომარეობას. ეს მისი პირადი განცხადებაა და მან უნდა ახსნას რატომ და რისთვის. აქ მთავარი პოლიტიკური პროცესი იყო. კომიტეტის წარმატება-წარუმატებლობაზე არ არის ლაპარაკი საჭირო," - ასე აფასებს უმრავლესობის დეპუტატი ნუკრი ქანთარია მისი თანაგუნდელის, გია ვოლსკის განცხადებას, რომელმაც აღნიშნა, რომ „ზვიად კვაჭანტირაძემ თვითონაც კარგად იცის იმ კომიტეტის საქმიანობა, უფრო სწორად უსაქმურობა, რომელსაც ის ხელმძღვანელობდა."

საქართველოს უმაღლეს სასწავლებლებს უკვე წელსვე შეუძლიათ შეამცირონ ბაკალავრიატში სწავლის ხანგრძლივობა 3 წლამდე და მაგისტრატურის - 1 წლამდე. თუმცა, ბაკალავრიატის შემთხვევაშე პირველ ეტაპზე ეს სიახლე მხოლოდ ერთობლივი პროგრამების განხორციელების მიზნებისთვის ამოქმედდება. მაგისტრატურის სწვალის ხანგრძლივობის შემცირება კი ეტაპობრივად მოხდება - პირველ ეტაპზე მხოლოდ ბიზნესის ადმინისტრირების მიმართულებას შეეხება და შემდგომში უკვე სხვა მიმართულებებსაც.

„ის, რაც დღეს მოხდა, პირველ რიგში არის პარლამენტის თავმჯდომარის წინააღმდეგ პროტესტი. უნდა ველოდოთ, რომ პროცესი განმეორებადი იქნება, რადგან დეპუტატები და პარლამენტარები პარლამენტის თავმჯდომარის მოსაზრებებს ანგარიშს მაინცდამაინც არ უწევენ," - ასე აფასებს ანალიტიკოსი ვახტანგ ძაბირაძე „ქართულ ოცნებაში" მიმდინარე პროცესებს „რეზონანსთან" საუბრისას.

„ეს არის სრულიად ცარიელ ადგილზე წარმოშობილი აჟიოტაჟი მამა კახაბერთან და საქართველოს ეკლესიასთან დაკავშირებით. თუკი ადამიანი, თუნდაც პოლიტიკური ნიშნით ჩვენთვის სრულიად მიუღებელი მდგომარეობით, დგას ლოცვაზე, ჩვენ რა განცხადება უნდა გავაკეთოთ - არ დაუშვათ ეს ადამიანი ლოცვაზე, თუ რისი გაკეთება შეიძლება აქ? "- აცხადებს საპატრიარქოს პრესსამსახურის წარმომადგენელი დეკანოზი ანდრია ჯაღმაიძე და ასე პასუხობს იმ ფაქტზე, რომ მოსკოვში ქართველმა მღვდელმა მონაწილეობა მიიღო ლოცვაში, სადაც დე ფაქტო აფხაზეთის და ცხინვალის რეგიონის „ელჩებიც" იყვნენ რუსეთის პატრიარქის, კირილის მიერ მიწვეული.

ახალი ზელანდიის პრემიერ-მინისტრმა, ჯასინდა არდერნმა პირობა დადო, რომ მეჩეთებზე განხორციელებული თავდასხმაში მონაწილე ტერორისტის სახელს საჯაროდ არასდროს წარმოთქვამს, რადგან ტერორისტის მიზანი სწორედ ის იყო, რომ ცნობილი გამხდარიყო.

„მე ხმა მივეცი კვაჭანტირაძის გადაყენებას. ეს პოლიტიკური გადაწყვეტილება იყო. სწორი გადაწყვეტილებაა, ვინც ამას მისცა ხმა," - აცხადებს უმრავლესობის დეპუტატი შოთა ხაბარელი დიასპორისა და კავკასიის საკითხთა კომიტეტის თავმჯდომარის თანამდებობიდან ზვიად კვაჭანტირაძის გადაყენების უშედეგო მცდელობის შესახებ „რეზონანსთან" საუბრისას.