მეცნიერები ვარაუდობენ, რომ კოვიდ-19-ის ვაქცინა შესაძლოა მინიმუმ ერთი წელი მაინც არ შემუშავდეს, ვირუსი კი ელვისებურად ვრცელდება და შესაძლოა, ამ ხნის განმავლობაში ინფექციამ ბევრი ადამიანის სიცოცხლე იმსხვერპლოს. ევროპაში და აშშ-ში ვითარება დღითი დღე უკონტროლო ხდება.

საქართველოში კორონავირუსით დაინფცირების ახალი წყარო გაჩნდა - ქვეყანაში კორონავირუსის ფულით დაინფიცირების უკვე რამდენიმე შემთხვევა დაიფიქსირდა. კოვიდ 19-ით ეროვნული ბანკის შვიდი თანამშრომელი, კახეთში 34 წლის ტაქსის მძღოლი,  თერჯოლაში ლომბარდის 30 წლის თანამშრომელი და  ხელოსანი, სავარაუდოდ, ფულიდან დაავადნენ. 

ახალი კორონავირუსის პანდემიის წინაშე მსოფლიოს წამყვანი ქვეყნების ჯანდაცვა პრაქტიკულად უძლური აღმოჩნდა და ამის რეალური მიზეზი გულგრილობაა - მიიჩნევს სპეციალისტთა ნაწილი. მათივე თქმით, ვერ მოხდა სწორი გათვლა, თუ რა სეგმენტეზე გავრცელდებოდა ვირუსი. სწორედ წინდაუხედობამ გამოიწვია ის არსებული ვითარება, რომელშიც საკმაოდ გამოცდილი და განვითარებული სახელმწიფოები დღეს არიან.

საქართველოში მობილური ტელეფონის იმ აპლიკაცის დანერგვა იგეგმება, რომელიც მოქალაქეებს კორონავირუსით ინფიცირებულ პირთან სიახლოვეს შემთხვევაში აფრთხილებს. შედეგად, თუ თქვენდაუნებურად ინფიცირებულ ადამიანთან მოგიხდათ გადაკვეთა, ამის შესახებ ავტომატურად იღებთ გაფრთხილებას და ამასთან ერთად შესაბამის ინსტრუქციებსაც, რა უნდო მოიმოქმედოთ. ამასთან, ეს აპლიკაცია უფასოა და მოქმედებს როგორც ანდროიდის, ასევე იოსის ოპერციულ სისტემებისთვის.

საქართველოს ჯანდაცვის მინისტრის ბრძანებით,  დამტკიცდა  ახალი ალგორითმი, რომლის მიხედვითაც განისაზღვრება, რომელი სახის ტესტი პაციენტების რომელ ჯგუფში უნდა იქნას გამოყენებული. ამის შესახებ ჯანდაცვის მინისტრის მოადგილემ, თამარ გაბუნიამ სპეციალურად გამართულ ბრიფინგზე  განაცხადა.

მოხდება იმ ადამიანების იდენტიფიცირება, ვინც ახალი კორონავირუსისა და შექმნილი ვითარების გამო სამსახური დაკარგა, და ამის შემდეგ მთავრობა მათ დაეხმარება, აცხადებს პრემიერ-მინისტრი. თუმცა, როგორ წარიმართება იდენტიფიცირების პროცესი და რა მექანიზმებით განხორციელდება დახმარება, ჯერ არ არის ცნობილი.

აფხაზებს კორონავირუსის პანდემიასთან გასამკლავებლად არც მატერიალური რესურსები აქვთ და არც ადამიანური, რუსეთი კი დახმარების კუთხით დიდად არ აქტიურობს. ბევრი ადამიანი, ძირითადად გალელები, დახმარებისთვის საქართველოს ცენტრალური ხელისუფლების მიერ კონტროლირებულ ტერიტორიაზე გადმოდის. ვრცელდება ცნობები, რომ აფხაზ და ქართველ ექიმებს შორის ერთგვარი არაოფიციალური კომუნიკაცია დამყარდა. აღსანიშნავია, რომ აფხაზი „მესაზღვრეები“ კორნავირუსის სიმოტმების მქონე ადამიანებს აფხაზები ზუგდიდში სამკურნალოდ თავისუფლად უშვებენ. 

ბოლნისისა და მარნეულის მსგავსად, სადაც 23 მარტს კარანტინი გამოცხადდა და მუნიციპალიტეტები ჩაიკეტა, სხვა რეგიონებში იგივე ღონისძიების გატარება ამ დროისთვის არ იგეგმება. ამის შესახებ „რეზონანსს" მთავრობის ადმინისტრაციაში განუცხადეს.

რა ეპიდემიოლოგიური ვითარებაა აფხაზეთში, არავინ იცის, თავად აფხაზებმაც კი. ოკუპირებულ რესპუბლიკაში მხოლო ერთი კვალიფიცირებული ინფექციონისტია, ამ პროფილის კლინიკაზე კი საუბარი საერთოდ არ არის. თბილისში ფიქრობენ. რომ როგორი სცენარითაც არ უნდა განვითარდეს სიტუაცია, ჩვენ აფხაზეთის მაცხოვრებლების დახმარება მოგვიწევს.

„ეს იყო მთავრობის მხრიდან მიღებული ოპერატიული და სწორი გადაწყვტილება, რადგან ზოგიერთ მოქალაქეს მდგომარეობის სიმძიმე გათვითცნობიერებული არ აქვს. დაგვიფიქსირდა შიდა გავრცელება, ამიტომ ყველა გონს უნდა მოვეგოთ, თორემ მივიღებთ იტალიას," - ასე ეხმაურება პარლამენტის უმრავლესობის წევრი ლადო კახაძე მთავრობის გადაწყვტილებას საყოველთაო კარანტინის გამოცხადებასთან დაკავშირებით.

აშშ-ის ალერგიული და ინფექციური დაავადებების ეროვნული ინსტიტუტის მთავარი ინფექციონისტის ენტონი ფაუჩის აზრით, კოვიდ-19 ინფექციის გავრცელების ახალი ტალღა შესაძლოა ქვეყანაში ამ შემოდგომით განმეორდეს. ამასთან, მისივე შეფასებით, ამერიკის ხელისუფლება შემოდგომით ახალ ტალღას უკეთ მომზადებული დახვდება.

კორონავირუსის მსოფლიოში მასობრივი გავრცელების პარალელურად, სულ უფრო მეტი მოსაზრება ჩნდება იმაზე, თუ რა შეიძლება ადამიანში ამ ვირუსის შემაფერხებელი და მაპროვოცირებელი იყოს. სპეციალისტთა ნაწილის აზრით, შესაძლოა წითელა-წითურა-ყბაყურას ვაქცინის, განსაკუთრებით წითურას კომპონენტს, კორონავირუსისგან დამცველობითი ეფექტი ჰქონდეს. იგივე განცხადება კეთდება ტუბერკულოზის საწინააღმდეგო ე.წ. „ბცჟ“ აცრებზეც. შესაბამისად, გამოითქმის მოსაზრება, რომ საქართველოში ვირუსით დაინფიცირებულთა ნაკლები რიცხვი ამის გამოა, რადგანაც მოსახლეობის დიდი  ნაწლი, სწორედ ამ ვაქცინებით არიან აცრილი.