რუსეთის მიერ ოკუპირებულ „სამხრეთ ოსეთში" ფართომასშტაბიანი სამხედრო წვრთები დაიწყო, რომელშიც ჩართულია 1,8 ათასი სამხედრო და 300-ზე მეტი ერთეული სამხედრო ტექნიკა. ეს იმის ფონზე, როდესაც ევროპაში ნატო-ს მასშტაბური წვრთები მიმდინარეობს, სადაც 17 ქვეყანასთან ერთად, მონაწილეობას საქართველოც იღებს. პრაქტიკულად, ბოლო 25 წლის განმავლობაში პირველად, ევროპის კონტინენტზე ამერიკელი ჯარისკაცების ყველაზე მასშტაბური გადასროლა მოხდება.

„ჯერჯერობით 4 აპრილის აქცია ძალაშია, ვემზადებით, მაგრამ, თუ კორონავირუსის გავრცელების არეალი გაფართოვდა, შესაძლოა თარიღი გადაიწიოს", - ამის შესახებ „რეზონანსს" „ახალი საქართველოს" ლიდერმა გიორგი ვაშაძემ განუცხადა.

4 მარტს პარლამენტში პრეზიდენტი სალომე ზურაბიშვილი წლიური მოხსენებით გამოვა, რომელსაც ოპოზიცია არ დაესწრება. როგორც ფრაქცია „ნაციონალური მოძრაობის" თავმჯდომარე რომან გოცირიძემ „რეზონანსს" უთხრა, ერთგვარი ბოიკოტი შარშანდელის მსგავსად წელსაც იქნება, მთელი რიგი მიზეზების გამო. გოცირიძე შიშობს, რომ ზურაბიშილმა „არაფერი თქვას ისეთი, რაც ქვეყანას დააზიანებს."

საარჩევნო სისტემასთან დაკავშირებით ხელისუფლებისა და ოპოზიციის შეთანხმების მიღწევის შესაძლებლობა კვლავ ჩიხში ექცევა. არაფორმალური შეხვედრების დასრულების შემდეგ ორივე მხარე რადიკალურად განსხვავებულ და თითქმის ერთმანეთის საპირისპირო მოსაზრებას აჟღერებდა. კერძოდ, „ქართული ოცნება" იმედოვნებს, რომ შეთანხმება შედგება, თუმცა, ოპოზიცია ეჭვობს, ხელისუფლებასთან რაიმე კონკრეტულ შეთანხმებას მიაღწიონ.

იმის გამო, რომ კორონავირუსი იმაზე სწრაფად ვრცელდება, ვიდრე მსოფლიო მისი განადურების გზებს პოულობს, ხალხი პანიკაში ვარდება, მედიკოსების მსგავსად ასტროლოგებიც ამბობენ, რომ ადამიანს რაც უფრო მეტად ეშინია, მით მეტია დაინფიცირების რისკი, ამიტომ პანიკაში არ უნდა ჩავვარდეთ, რათა ინფექციის შეჭრის რისიკები მინიმუმადე დავიყვანოთ

კორონავირუსის პრევენციის მიზნით მართალია ამ დროისთვის რაიმე კონკრეტული შეზღუდვები არ არსებობს, თუმცა, ექიმ-ინფექციონისტი მაია ბუწაშვილი არ გამორიცხავს, რომ უახლოეს პერიოდში ამის აუცილებლობა დადგეს და საჭირო გახდეს გარკვეული რეკომენდაციების გაცემა. როგორიც არის მაგალითად, ქუჩაში გადაადგილების შეზღუდვა და გარკვეული ღონისძიებების გაუქმება.

ჩინეთი აგრძელებს თავდადებულ და ეფექტურ ბრძოლას ახალი ტიპის კორონავირუსთან (COVID-19) - ქვეყნის მთავრობის მიერ დროულად მიღებულმა პროფილაქტიკისა და კონტროლის ზომებმა მნიშვნელოვნად შეაფერხა ვირუსის გავრცელება მსოფლიოში, რამაც მისცა დრო და საშუალება საერთაშორისო საზოგადოებას უკეთ მომზადებულიყო მოსალოდნელი ეპიდემიისთვის.

საქართველოში კორონა ვირუსით დაინფიცირების რაოდენობის მატებას ელიან. „რეზონანსთან“ საუბარში ამირან გამყრელიძე და პაატა იმნაძე აცხადებენ, რომ როგორც მთელს მსოფლიოში, ასევე საქართველოშიც მოსალოდნელია დაინფიცირების შემთხვევები გაიზარდოს. ამ დროისთვის ინფექციურ საავადმყოფოში 36 ადამიანს აკვირდებიან, ხოლო კარანტინში 170 ადამიანი იმყოფება. 

„საკითხი დღის წესრიგიდან არ მოხსნილა, მხოლოდ დროებით გადაიდო ცნობილი მოვლენების გამო. რაც შეეხება კულტურის მინისტრად ელისო ბოლქვაძის დანიშვნას, ამ საკითხზე მსჯელობა პირადად ჩემთან არ ყოფილა“ - ასე ეხმაურება უმრავლესობის დეპუტატი ნუკრი ქანთარია კულტურის სამინისტროს ცალკე სტრუქტურად ჩამოყალიბების საკითხს.

საარჩევნო სისტემასთან დაკავშირებით, ხელისუფლებასა და ოპოზიციას შორის შეთანხმების მიღწევის ბოლო ვადა 11 მარტია. ოპოზიცია ეჭვობს, ხელისუფლებასთან რაიმე კონკრეტულ შეთანხმებას მიაღწიონ. თუმცა, „ქართული ოცნების“ წარმომადგენლები მიიჩნევენ, რომ პოლიტიკური ძალები ახლოს არიან შეთანხმებასთან, რომელიც კომპრომისული იქნება ყველასთვის.

კორონავირუსის ჩრდილოეთ იტალიაში გავრცელები გამო, საქართველოს ის მოქალაქეები, რომლებიც ამჟამად იტალიაში იმყოფებიან, საქართველოში მყოფი თანამემამულეების ნაწილის მხრიდან კრიტიკისა და ბულინგის ობიექტები გახდნენ. ამის შესახებ „რეზონანსს“ ჟურნალისტი სალომე გოგოხია ესაუბრა, რომელიც ამჟამად სამხრეთ იტალიაში იმყოფება, სადაც ვირუსი გავრცელებული არ არის, თუმცა ბოლო დღეებში „ფეისბუკით“ რეგულარულად იღებს უსიამოვნო შეტყობინებებს საქართველოდან.

„პარასკევს მივიღე შეტყობინება, რომ გაიმართებოდა უმრავლესობის სხდომა. დღის წესრიგით გათვალისწინებული საკიხები არ ვიცი, თუმცა ვფიქრობ, რომ ძირითადი განხილვის თემა იქნება საარჩევნო სისტემა. რამდენადაც ვიცი, ამ სხდომას დაესწრება პარტიის თავმჯდომარე ბიძინა ივანიშვილი“, - ასე ეხმაურება დეპუტატი ლადო კახაძე უმრავლესობის სხდომას, რომელიც „ოცნების“ ოფისში გაიმართება.