„ბიძინა ივანიშვილი თავის დროზე სწორედ გიორგი მარგველაშვილის, როგორც პრეზიდენტის საპრეზიდენტო სასახლის ხარჯებს მიუღებლად მიიჩნევდა, ახლა კი სახეზე ამ კუთხითაც ორმაგი სტანდარტი გვაქვს", - ასე ეხმიანება „რეზონანსთან", ანალიტიკოსი არჩილ გამზარდია ინფორმაციას, რომ ათონელზე მდებარე საქართველოს პრეზიდენტის ადმინისტრაციისთვის ანტიკვარული ავეჯისა და ინტერირერის აქსესუარების შეძენაზე 1 199 558 ლარი დაიხარჯა.

მას შემდეგ, რაც პარლამენტში მაჟორიტარების მიერ პროპორციულ საარჩევნო სისტემაზე გადასვლასთან დაკავშირებით პროექტი ჩავარდა, რასაც ქვეყნის მასშტაბით საპროტეტსო აქციები მოჰყვა, „ქართული ოცნებია“ მაჟორიტარები ახალი ინიციატივით გამოდიან და სრულ მაჟორიტარულ სისტემაზე გადასვლისთვის ხელმოწერების შეგროვებას იწყებენ.

„23 იქნება, 24, თუ 22 - ეს ძალიან მალე გახდება ცნობილი. მე პირადად ვემხრობი, რომ ძალიან მალე კიდევ უფრო გაფართოვდეს ჩვენი პროტესტი და ეს შესაძლოა იყოს თუნდაც 23 ნოემბერი," - აცხადებს „რეზონანსთან" „ნაციონალური მოძრაობის" წევრი მამუკა ჩიქოვანი, რომელიც კიდევ ერთ მოსალოდნელ ფართომასშტაბიან აქციაზე საუბრობს.

ფოთში 70 წლის მოხუცმა 40 წლის  მამაკაცი ნაჯახით დაჭრა. შემთხვევა თამარ მეფის ქუჩაზე მოხდა. თვითმხილველის თქმით, ინციდენტს წინ ურთიერთშელაპარაკება უძღოდა. 70 წლის მამაკაცს დაჭრილი ახალგაზრდა კაცის ეზოში ხის საამქრო აქვს, რაზეც წარსულში დავა არაერთხელ წარმოიშვა და მის წინააღმდეგ შესაბამის უწყებას საჩივრით რამდენჯერმეც მიმართეს.

ვინ შეცვლის ვიცე-სპიკერის თანამდებობაზე „ქართული ოცნებიდან" წასულ დეპუტატებს თამარ ჩუგოშვილსა და ზვიად ძიძიგურს, რომლებმაც საპარლამენტო თანამდებობების დატოვების თაობაზე ბიუროს უკვე ოფიციალურად მიმართეს, ამ დრომდე უცნობია. როგორც უმრავლესობის დეპუტატები „რეზონანსთან" საუბრისას აცხადებენ, განხილვა და შეკრება უმრავლესობაში ამ საკითხზე ჯერჯერობით არ ყოფილა.

„ეს უფრო პროპაგანდისტული კარნახია,ვიდრე რეალურად მოსახლეობის განწყობა", - ასე აფასებს „რეზონანსთან" პოლიტოლოგი რამაზ საყვარელიძე საერთაშორისო რესპუბლიკური ინსტიტუტის (IRI) ბოლო სოციოლოგიურ კვლევებს. IRI-ის გამოკითხის მიხედვით, ინსტიტუტების ნდობის რეიტინგში არმია 86%-ით ლიდერობს, მეორეზეა ეკლესია - 85%, მესამეზე კი ქართული მედია - 72%.

რა სცენარის განვითარებისკენ მიდის ხელისუფლება და როგორი იქნება მისი სამოქმედო გეგმა პარლამენტის წინ მიმდინარე აქციაზე. ნახევარსაათიანი ულტიმატუმი და პარლამენტის ყველა შესასვლელი ოპოზიციის მიერ აღმართული ბარიკადებისგან თავისუფალია. როგორც ჩანს „ქართული ოცნება" ოპოზიციასთან არანირი დათმობას და მოლაპარაკებას არ აპირებს. პირიქით, სავარაუდოდ მას აქვს სცენარი და გარკვეული გეგმა, რომლის მიხედვითაც იხელმძღვანელებს." სადამსჯელო ოპერაცია" - ასე აფასებს ოპოზიცია აქციის დაშლას და პარლამენტის მიმდებარე ტერიტორიიდან კარვების აღებას.

"ხელისუფლების ქმედება ვერანაირ კრიტიკას ვერ უძლებს, ეს იყო მშივდობიანი აქცია და დაშლის დროს ადგილი ჰქონდა ძალის გადამეტებას"- ასე ეხმაურება პოლიტოლოგი ნიკა ჩიტაძე პარალმენტის წინ აქციის დაშლას.

რუსთაველის გამზირზე მიმდინარე აქცია წყლის ჭავლის გამოყენებით დაშალეს. სპეციალური დანიშნულების რაზმის წევრებმა პარლამენტის ყველა შესასვლელი აქციის მონაწილეებისგან გაათავისუფლეს და ტერიტორიას ამ დროისთვის სპეცრაზმი აკონტროლებს. საპარლამენტო უმრავლესობა კი ბიუროს სხდომის ჩასატარებლად ემზადება. არსებული ინფორმაციით, „ქართული ოცნების" წევრები პარლამენტში შეკრებას იწყებენ.

„სტაბილურობის მიღწევა შეიძლება იმით, რომ „გერმანული მოდელის" გამოტანაზე დაიწყონ საუბარი, თუმცა, არ ველოდები ხელისუფლების მხრიდან ამ ნაბიჯის გადადგმას. ამიტომაც, სიტუაცია ალბათ ასე დარჩება. მნიშვნელოვანია ის, ხელისუფლება რას მოიმოქმედებს; დაიწყებენ პარლამენტის შენობის მოხნას ძალის გამოყენებით, თუ მიუშვებენ პროცესს სანამ თავისით დაიშლებიან," - აცხადებს „რეზონანსთან" ანალიტიკოსი ვახტანგ ძაბირაძე არსებული პოლიტიკური ვითარების შესახებ საუბრისას.

"ახლა ბურთი "ოცნების" მოედანზეა, მან ოპოზიციას უნდა შესთავაზოს სერიოზული წინადედება, რომ დაიწყოს მოლაპარაკებები, თუმცა, ჯერ-ჯერობით მმართველ გუნდს ხისტი პოზიცია აქვს"- ასე ეხმაურება კონსტიტუციონალისტი ავთანდილ დემეტრაშვილი საკონსტიტუციო ცვლილებებთან დაკავშირებულ პროტესტს.

„ხელისუფლების მხრიდან ძალის გამოყენება უკანონო და მანიფესტანტების ფუნდამენტური უფლებების დარღვევა იქნება, ამიტომ ხაზგასმით და დაბეჯითებით ვურჩევდი, ეს არ გააკეთონ. თუ ხელისუფლება ძალადობრივ ნაბიჯებს გადადგამს, პროტესტი და მონაწილეთა რიცხვი გაათმაგდება, რაც ქვეყანაში ძალიან სერიოზულ ქაოსს გამოიწვევს," - ასე აფასებს „რეზონანსთან" იურისტი ლია მუხაშავრია ქვეყანაში მიმდინარე პოლიტიკურ მოვლენებს.