დაჭრა დიდუბეში - 2 ახალგაზრდა მამაკაცს ჭრილობები, სავარუდოდ, ცივი იარაღით წყალტუბოს ქუჩაზე მდებარე მარკეტთან მიაყენეს. როგორც „რეზონანსთან“ თვითმხილველები ყვებიან, შემთხვევა გვიან ღამით მოხდა. დაჭრას წინ შელაპარაკება და ფიზიკური დაპირისპირება უძღოდა. ორი სავარაუდო დამნაშავე პირის დაკავება პოლიციამ ადგილზევე შეძლო. ხოლო დაჭრილი ახალგაზრდები სასწრაფო სამედიცინო დახმარებამ მალევე საავადმყოფოში გადაყვანა. 

დეპუტატ გედევან ფოფხაძისთვის გაუგებარია ის ინიცატივა, რაც „გირჩის" ლიდერმა ზურაბ ჯაფარიძემ წამოაყენა - საჭიროა შეიქმნას გარანტიები, რომ ხელისუფლების ცვლილების შემთხვევაში, ძალოვანი უწყებები „ერთიანი ნაციონალური მოძრაობის" ხელში არ აღმოჩნდება. ფოფხაძის თქმით, ეს განცხადება ლოგიკას არ ექვემდებარება.

„ეს არ არის წინადადება ან შემოთავაზება, ეს არის ღია ვაჭრობა და მცდელობა იმისა, რომ ოპოზიცია დაიშალოს“, - ასე ეხმაურება „რესპუბლიკური პარტიის“ თავმჯდომარე ხათუნა სამნიძე „ქართული ოცნების“ მიერ ოპოზიციის ნაწილისათვის გაკეთებულ შეთავაზებას.

„ქართულმა ოცნებამ" ამით ამ ეტაპზე გადაწყვიტა, რომ ოპოზიციასთან ბრძოლაში თუ წინააღმდეგობაში ჩაებას," - ასე აფასებს „რეზონანსთან" ანალიტიკოსი ვახტანგ ძაბირაძე „ქართული ოცნების" გენერალური მდივნის კახი კალაძის განცხადებას, რომელმაც 2020 წლის საპარლამენტო არჩევნების პროპორციული სისტემით ჩატარებაზე დისკუსია დასრულებულად გამოაცხადა და პროპორციულ არჩევნებზე 2024 წელს გადასვლაც კითხვის ქვეშ დააყენა.

თემა დახურულია - 2020 წლისთვის შენარჩუნდება შერეული საარჩევნო სისტემა. მეტიც, მიუხედავად იმისა, რომ 2024 წლის არჩევნების პროპორციული წესით ჩატარება 2017 წლის რედაქციითაა გაწერილი, მმართველი პარტიის გენერალური მდივნის კახა კალაძის განცხადებიდან ირკვევა, რომ შესაძლოა არც 2024 წლის არჩევნები ჩატარდეს პროპორციული საარჩევნო სისტემით.

ერთკვირიანი პაუზის შემდეგ ოპოზიცია რუსთაველზე მასშტაბურ აქციას აანონსებს და გადამწყვეტი ბრძოლისთვის ემზადება. ლიდერებმა სამოქმედო გეგმის ბოლო დეტალები კვირას „ლეიბორისტული პარტიის“ ოფისში გაიარეს. აქციის ორგანიზატორები პარლამენტის პიკეტირებას აანონსებენ და აცხადებენ, რომ დეპუტატებს სხდომის მშვიდად ჩატარების უფლებას არ მისცემენ და ასევე ეცდებიან, რომ ისინი შენობაში არ შეუშვან.

„ჩვენი პირველი ამოცანა არის ივანიშვილის ხელისუფლებიდან ჩამოცილება და თავისუფალი არჩევნები. სხვა თემებზე მსჯელობა რეალურად არ მიმაჩნია“, - ასე ეხმაურება „ნაციონალური მოძრაობის“ ერთ-ერთი ლიდერი ხატია დეკანოიძე „გირჩის“ ლიდერის ზურაბ ჯაფარიძის განცხადებას.

„სამოქალაქო დაპირისპირება, ფაქტობრივად, უკვე არის მას შემდეგ, რაც ბოქლომების კამპანიას მოჰყვა ცოცხების კამპანია. წინასაარჩევნო პერიოდია და სიმძაფრე უფრო გაიზრდება, არ შემცირდება“ - ასე ეხმაურება პოლიტოლოგი რამაზ საყვარელიძე დაპირისპირებას აქციის აქტივისტებსა და „ოცნების“ მხარდამჭერებს შორის.

„პარლამენტის დღევანდელი კრიტიკა ეროვნული ბანკის პოლიტიკის მიმართ დაგვიანებულია. უმრავლსობას ამაზე მაშინ უნდა ემსჯელა, როცა საქმე ფუჭდებოდა“, - ასე ეხმაურება ექსპერტი და ანალიტიკოსი დემურ გიორხელიძე პარლამენტში ეროვნული ბანკის  პრეზიდენტს მოსმენის შემდეგ უმრვლესობის დეპუტატების მხრიდან გაკეთებულ კრიტიკულ განცხადებებს.

„ამ ხელშეკრულებას ძალიან დიდი მნიშვნელობა აქვს. თუ აქამდე ქართული ბატალიონებში ქართველ სამხედროებს ამერიკელები ძირითადად საერთაშორისო-სამშვიდობო ოპერაციების შესასრულებლად ამზადებდნენ, ახლა მათი მომზადება მიმდინარეობს იმ საფრთხეების გათვალისწინებით, რაც ჩვენ აგვისტოს ომის დროს დაგვიდგა და კიდევ არსებობს", - ასე აფასებს სამხედრო ანალიტიკური ჟურნალ „არსენალის" მთავარი რედაქტორი ირაკლი ალადაშვილი ახალ ხელშეკრულებას, რომელიც პენტაგონსა და საქართველოს თავდაცვის სამინისტროს შორის 20 ნოემბერს გაფორმდა.

სექსუალური ძალადობა შეზღუდული შესაძლებლობის მქონე ქალზე ვალეში - 41 წლის ხათუნა ფ.-ის დედა მეზობელს, 60 წლის მამაკაცს შვილის ძალადობაში ადანაშაულებს. ამის შესახებ ინფორმაცია თავდაპირველად „კურიერმა“ გაავრცელა. „რეზონანსს“ ხათუნა ფ.-ის დედა უყვება, რომ მის შვილზე მეზობელი შანტაჟის და მუქარის გამოყენებით ერთი წლის განმავლობაში სისტემატიურად ძალადობდა. ის ხათუნას ეუბნებოდა, რომ თუ მომხდარის შესახებ დედას მოუყვებოდა, მასაც და მის მშობელსაც მოკლავდა. მამაკაცის სახლში მაშინ მიდიოდა, როდეცს დაზარალებული მარტო იყო. 

„გაერთიანებულ ოპოზიციაში“ არის სრული თავისუფლება. ჩვენ გავერთიანდით ერთი თემის ირგვლივ და ეს არის პროპორციული საარჩევნო სისტემა. ყველა ოპოზიციურ პარტიასთან გვაქვს შეხვედრები, ამიტომ გასაკვირი არ უნდა იყოს ვინ ვისთან წავა და ვის შეხვდება“, - ასე ეხმაურება პარტია „კანონი და სამართალის“ თავმჯდომარე თაკო ჩარკვიანი მიხეილ სააკაშვილისა და გუბაზ სანიკიძის შეხვედრას უკრაინაში.