პარლამენტის დამოუკიდებელი დეპუტატი ლევან გოგიჩაიშვილი აცხადებს, რომ მისი მინიშნება „ქართული ოცნების" მიერ ბიუჯეტის შესაძლო ჩაგდებასა და შესაბამისად, ვადამდელი საპარლამენტო არჩევნების დანიშვნაზე მხოლოდ მის ვარაუდს ემყარებოდა და არა რაიმე კონკრეტულ ინფორმაციას. ასეთი განმარტება დეპუტატმა „რეზონანსთან" საუბრისას გააკეთა.

სისხლიანი გარჩევა პოლიციელებს შორის - ცაგერის რაიონის სოფელ ლაჯანაში ერთი საპატრულო ეკიპაჟის წევრებმა, სავარაუდოდ, ჩხუბის შემდეგ ერთმანეთს ცეცხლი გაუხსნეს, რის შედეგადაც ორივე მათგანი გარდაიცვალა. მათთან ერთად ასევე დაჭრილია ადგილობრივი მცხოვრები - მანქანების ხელოსანი მურთაზ სილაგაძე, რომელიც მათ გაშველებას ცდილობდა. გარდაცვლილთაგან ერთ-ერთი, პოლიციელი რომეო მანდარია, „ქართული ოცნების“ დეპუტატის კარლო კოპალიანის სიძეა. 

„ქართულ ოცნებაში" ჯერ არ იციან შედგება თუ არა მოლაპარაკება ოპოზიციასთან დასავლელი შეუმავლების მონაწილეობით. როგორც „რეზონანსთან" საუბარში საპარლამენტო უმრავლესობის წევრმა რომან კაკულიამ განაცხადა, მიუხედავად იმისა, რომ მმართველი პარტია 2020 წლის საპარლამენტო არჩევნების ჩატარების ფორმატზე დისკუსიას დახურულად მიიჩნევს, გამორიცხული მაინც არაფერია.

რუსეთი საქართველოსთან პირდაპირი ავიამიმოსვლის აღდგენას სააახალწოდ აპირებდა, მაგრამ ქვეყანაში შექმნილი პოლიტიკური კრიზისისა და თბიოლისში დაწყებული საპროტესტო აქციების გამო, ამ გადაწყვეტილების მიღება 2020 წლის დასაწყისისთვის გადაიდო - ამის შესახებ რუსული „იზვესტია“ წერს რუსეთის ხელისუფლებაში თავის წყაროებზე დაყრდნობით.

მმართველ პარტიასა ოპოზიციას შორის ნამდვილი „ნერვების ომი“ დაიწყო და როგორ გადაწყდება შექმნილი კრიზისი უკვე იმაზეა დამოკიდებული, თუ ერთის მხრივ, რამდენს ხანს შეუძლია „ოცნებას“ ფსიქოლოგიურ წნეხის გაძლება და მეორეს მხრივ, რამდენ ხანს შეუძლია ოპოზიციას ამ წნეხის შენარჩუნება. ამ დაპირისპირების პირველი შედეგი კი ასეთია - „ოცნებამ“ ოთხშაბათისთვის დანიშნული პარლამენტის სხდომა გადადო, ოპოზიცია კი ხელისუფლებასთან მოლაპარაკებასა და მასში შუამავლად დასავლელი პარტნიორების ჩართვაზე ალაპარაკდა.

„ვერ დავეთანხმები იმ აზრს, რომ ოპოზიციის გეგმები ეფექტური არაა. ისინი იმიტომ იკრიბებიან, რომ ყოველი ნაბიჯი შეათანხმონ, შეაჯერონ, ერთმანეთის პოზიციები გაიგონ და ისე იმოქმედონ. მგონია, რომ დღეს დღის წესრიგს ოპოზიცია ადგენს, ეს აშკარად ჩანს, „ქართული ოცნება“ ოპოზიციის დღის წესრიგს მიჰყვება“ - ასე აფასებს „რეზონანსთან“ საუბრისას შერიგებისა და სამოქალაქო თანასწორობის საკითხებში ყოფილი სახელმწიფო მინისტრი პაატა ზაქარეიშვილი პარლამენტთან შექმნილ სიტუაციას.

„როდესაც პრეზიდენტი ხარ, ნებისმიერ შენს ნაბიჯს საზოგადოება ლუპით აკვირდება. მაგრამ, როგორც ჩანს, სალომე ზურაბიშვილს ძალიანაც არ ანაღვლებს რას ფიქრობს საზოგადოება მასზე“, - ასე ეხმაურება პოლიტოლოგი არჩილ გამზარდია პრეზტიდენტ სალომე ზურაბიშვილის სტუმრობას სალობიეში.

„2003 წლის მოვლენებთან მსგავსება არის, მაგრამ ეს არ არის სრული ანალოგი. მაშინაც საზოგადოების აღშფოთება გამოიწვია იმან, რომ არჩევნების გაყალბების ხარისხი იყო ძალიან მაღალი - ანუ ტყუილი. ახლაც იყო ტყუილი, საქვეყნოდ, საერთაშორისო მასშტაბით შეპირებაზე უარის თქმა“, - ასეთ აფასებს პოლიტოლოგი ვახტანგ ხმალაძე მოვლენებს, რომელიც პარალმენტის წინ ვითარდება.

ყვარლის მუნიციპალიტეტის სოფელ გრემში ხანძრის შედეგად 12 წლის მოზარდი დაიღუპა. გარდაცვლილი თბილისის ერთ- ერთი სკოლის მეექვსე კლასის მოსწავლეა. 12 წლის ს.გ. დედასთან და დასთან ერთად ბებია-პაპასთან სტუმრად იმყოფებოდა, რა დროსაც, წინასწარი ინფორმაციით, გაზის გაჟონვამ სახლში აფეთქება გამოიწვია. 

22 ნოემბერს სოხუმში მომხდარი კრიმინალური დაპირისპირების ახალი დეტალები ხდება ცნობილი. მას შემდეგ, რაც სოხუმის ცენტრში ე.წ. კანონიერ ქურდებს ასტამურ (ასტიკი) შამბას და ალხას ავიძბას (ხასიკი) ესროლეს, აფხაზური მედია წერს, რომ კვალი ე.წ. ქართველ კანონიერ ქურდებამდე მიდის საქმე გვაქვს „ქურდების“ ორ ჯგუფს შორის დაწყებულ ნამდვილ ომთან, საიდანაც ერთი ძირითადად ქართველი „კრიმინალური ავტორიტეტებისაგან“ შედგება და მეორე - აფხაზებისაგან.

„პარლამენტში პრაქტიკულად ის ადამიანები მოკალათდნენ, რომლებსაც არანაირი ღირებულებები, არც სიტყვის, არც დაპირების შესრულების ვალდებულება არ გააჩნიათ. ამ ადამიანებთან რაზე უნდა ისაუბრო..." - ასე აფასებს „რეზონანსთან" პარლამენტის დამოუკიდებელი დეპუტატი დავით ჭიჭინაძე დამოუკიდებელი დეპუტატებისა და ოპოზიციური პარტიების ბოიკოტს, რომელიც მათ პარლამენტის სხდომას გამოუცხადეს.

„წყლის ჭავლის გამოყენებით შეეძლოთ უბრალოდ ერთი შესასვლელი გაეთავისუფლებინათ, რომ პარლამენტარებს დღევანდელი „უმნიშვნელოვანესი" სესიის ჩასატარებლად შესვლა შეძლებოდათ," - აცხადებს „რეზონანსთან" იურისტი და უფლებადამცველი ლია მუხაშავრია 26 ნოემბერს გამთენიისას სპეცრაზმისა და წყლის ჭავლის გამოყენებით პარლამენტთან საპროტესტო აქციის დაშლის შესახებ საუბრისას.