"ოცნებამ სწორად რომ იმოქმედოს, უპრობლემოდ მივა ქვეყანა საპარლამენტო არჩევნებზე. თავად "ოცნებას" ექნებოდა კარგი შანსი პარლამენტში კვლავ უმრავლესობის შექმნის, მაგრამ რეგულარულად თუ დაუშვებს პოლიტიკურ იდიოტიზს, მაშინ ყველაფერი შესაძლებელია მოხდეს" - ასე ეხმაურება ექსპერტი პეტრე მამრაძე ქვეყანაში შექმნილ პოლიტიკურ ვითარებას.

"ტყუილად საჯარო გამოსვლას ადამიანი არ თანხმდება, თუ მიზანი არ აქვს, ამიტომ გასაკვირი არ უნდა იყოს, ასეთი მიზანი ჰქონოდა მმართველი პარტიის თავმჯდომარეს საკუთარი სიმყარის პოზიციის საჩვენებლად, მითუმეტეს საარჩევნოდ" - ასე ეხმაურება პოლიტოლოგი რამაზ საყვარელიძე ბიძინა ივანიშვილის პირველ საჯარო გამოსვლას, პარლამენტში პროპორციული საარჩევნო სისტემის ჩაგდების შემდეგ.

„დღევანდელი პროტესტის მამოძრავებელი, წარმმართველი და ორგანიზატორი არის ნაცმოძრაობა, თუმცა უნდათ წარმოაჩინონ, თითქმის ყველა ოპოზიციური პარტია ერთადაა და რაც მთავარია ესაა ამბოხებული ახალგაზრდების ბუნტი," - აცხადებს „ქართული ოცნების" ფრაქციის წევრი გუგული მაღრაძე, რომლის თქმითაც პოლიტიკური პოზიციის გამო არაერთხელ გამხდარა ნაცმოძრაობის და მისი სატელიტების მხრიდან ბულინგის ობიექტი: „სისტემატურად ავრცელებენ თითქოს ჩემს ნათქვამებს, ძალიან უაზროს, მაგრამ ისეთს, რამაც შესაძლოა მოსახლეობის რაღაც ნაწილში გამოიწვიოს უარყოფითი დამოკიდებულება. ჩემს განათლებაშიც კი ცდილობენ ეჭვის შეტანას." არსებულ პოლიტიკურ სიტუაციაზე „რეზონანსი" გუგული მაღრაძეს ესაუბრა.

„პარლამენტში „ქართული ოცნების" დეპუტატები დილაუთენია მივიდნენ, რომ სირცხვილის კოლიდორში არ გაევლოთ, როდემდე მივლენ?"- ასე აფასებს „რეზონანსთან" პარლამენტის ფრაქცია „ნაციონალური მოძრაობის" თავმჯდომარე, რომან გოცირიძე, „ქართული ოცნების" დეპუტატებს, რომლებიც დღეს პარლამენტის პიკეტირებამდე შენობაში დილით ადრე მივიდნენ.

პანკისში მონხდარი სისხლიანი დაპირისპირებიდან უკვე რამდენიმე  დღე გავიდა და ჯერჯერობით კონკრეტული არაფერია ცნობილი, რეალურად რა მოხდა და რა გახდა 36 წალის მუსა მუთოშვილის მკვლელობის მიზეზი.  შესაძლოა ეს მკვლელობა  ხეობაში ახალი დაპირისპირების საბაბი გახდეს. 

ხელისუფლებისა და ოპოზიციის წარმომადგენლებს შორის დაგეგმილ შეხვედრაზე საუბრისას, რომელიც 30 ნოემბერს გაიმართება და განსახილველი თემა ე.წ. გერმანული მოდელი იქნება, ანალიტიკოსი ზაალ ანაჯარაფიძე აცხადებს, რომ ეს შეხვედრა შედეგს ვერ გამოიღებს. მმართველი გუნდი დათმობაზე არ წავა, რადგან ამას ოპოზიცია მის გამარჯვებად აღიქვამს, რაც „ქართული ოცნების" იმიჯს შელახავს, რეტინგს კი კიდევ უფრო დაბლა დაწევს.

ანალიტიკოსი ვახტანგ ძაბირაძე პარლამენტთან მიმდინარე საპტროტესტო აქციის შესახებ საუბრისას აცხადებს, რომ აუცილებელია ოპოზიციამ სტრატეგია შეცვალოს, წინააღმდეგ შემთხვევაში, დღეს არსებული სურათი 2002-2003 წლის მოვლენებს ემსგავსება, რაც თავად ოპოზოციისთვის არის წამგებიანი.

„ასე არ ყოფილა, რომ თითქოს ვიღაცას დავემალეთ. ოპოზიციას თუ უნდა, რომ ასეთი ამბავი შეკეროს, ასეთი სურათი აბსოლუტურად მიზანშეუწონელია. იმიტომ, რომ იყო საქმე და ამიტომ მოვედით ცხრაზე" - ასე ეხმიანება „რეზონანსთან" უმრავლესობის დეპუტატი ალექსანდრე (ნუკრი) ქანთარია ოპოზიციის და სამოქალაქო მოძრაობების წარმომადგენლების პარლამენტის შენობის მორიგი პიკეტირებამდე, საკანონმდებლო ორგანოში „ქართული ოცნების" დეპუტატების დილით ადრე მისვლას.

ხელისუფლების ბრძოლის ახალი ტაქტიკა აქციის მონაწილეების წინააღმდეგ, რომლებიც ორდღიანი ტაიმ-აუტის შემდეგ 28 ნოემბერს კვლავ პარლამენტის წინ გამოჩდნენ.  აქციის მონაწილეებმა  ისევ  პარლამენტის სამი შესასვლელის ბლოკირება სცადეს,  მაგრამ შენობასთან  მისასვლელი ყველა ქუჩა რკინის ღობით გადაკეტილი დახვდათ.   

„თავად ივანიშვილი სააკაშვილის მმართველობის დროს მისი მთავარი დამფინანსებელი და მხარდამჭერი იყო," - ასე ეხმიანება „რეზონანსთან" "ლეიბორისტული პარტიის ერთ-ერთი ლიდერი ლაშა ჩხარტიშვილი ბიძინა ივანიშილის გუშინწინდელ ინტერვიუს.

"ბიძინა ივანიშვილი დღეს ნარკოზის ქვეშაა და თვითონაც ვერ აცნობიერებს რა შარში გაჰყო თავი. წითელი, რომელიც 14 ნოემბრის შემდეგ აენთო, ასე არ დამთავრდება. ჩვენი პარტია, "ნაცონალებთან" არც გაერთიანებას აპირებს და არც ბლოკების შექმნას. ივანიშვილის წინაღმდეგ, სხვა პარტიებთან ერთად მეორე ფრონტს გავხსნით" - ასე ეხმაურება პარტია "თავისუფალი საქართველოს" ლიდერი კახა კუკავა საპროტეტსო აქციებს, რომელიც პარლამენტის წინ იმართება.

"ხელისუფლება თუ იმის იმედზე არის, რომ პარლამენტს მომიტინგეებისგან ყოველღდე გაწმენდს და ეს შედეგს მოიტანს, ძალიან ცდება, რადგან პროცესი არ გაჩერდება. ქართველი ხალხის ხასიათს და 30-წლიან პოლიტიკურ გამოცდილებას თუ გავითვალისწინებთ, შეიძლება ხალხის აფეთქების სრულიად მოულოდნელი საბაბი გაჩნდეს," - ასე აფასებს ექსპერტი და ანალიტიკოსი დემურ გიორხელიძე ქვეყანაში მიმდინარე პროცესებს.