დადებს თუ არა მამუკა ხაზარაძე პოლიტიკურ „ლელოს“ 2020 წელს, ამას უკვე არჩევნების დღეს გავიგებთ, თუმცა მან უკვე წარადგინა ის 12 რჩეული ადამიანი, ვინც მას პოლიტიკური „ლელოს“ დადებაში დაეხმარება. ხაზარაძის მთავარი აქცენტი  ახალ სახეებზე და იმ ადამიანებზე გაკეთდება, რომლებიც წინა და ახალი  ხელისუფლებების დროს სამთავრობო სტრუქტურებში მუშაობდნენ და მართვის უნარები აქვთ. ხაზარაძის მთავარი მიზანია, რომ არცერთ პოლიტიკურ ჯგუფთან აფილირებული არ იყოს. ის ცდილობს  გაემიჯნოს როგორც „ნაციონალებს“, ასევე „ოცნებას“.  ითანამშრომლებს მხოლოდ იმ ადამიანებთან, რომელთაც დასავლური ვექტორი აქვთ.

„დადებითი განწყობა მაქვს იმ გუნდის მიმართ, რომელიც ხაზარაძემ წარმოადგინა. საინტერესო ხალხია და ნეგატიურ რეპუტაციას არცერთი არ ატარებს. საკმაოდ საინტერესო განაცხადია იმ კუთხითაც, რომ სახელმწიფო ცხოვრებაში უნდა იყვნენ ჩართული სხვადასხვა მიმართულების ადამიანები. კარგი გათვლაა, რადგან ხაზარაძეზე არაერთგვაროვანი პოზიციები არსებობს საზოგადოებაში და მის კონკურენტებში," - აცხადებს „რეზონანსთან" ანალიტიკოსი არჩილ გამზარდია მოძრაობა „ლელოს" დამფუძნებელ მამუკა ხაზარაძის მიერ ორგანიზაციის პირველი 12 წევრი წარდგენის შესახებ საუბრისას.

„ამერიკის ხმა" ტელეკომპანია „იმედს" ბრალდებას უყენებს, რომ „იმედმა" მათი ჟურნალისტის კომენტარი არასწორ კონტექსტში წარმოაჩინა, რასაც „ღრმად შემაშფოთებელი" უწოდა. ამ ბრალდების საპასუხოდ „იმედის" საინფორმაციო სამსახურის ხელმძღვანელმა ირაკლი ჩიხლაძემ „რეზონანსთან" საუბრისას განაცხადა, რომ „ამერიკის ხმა" მომხდარი ამბის არასწორ ინტერპრეტაციას ახდენს და მზად არის, ყველა დაინტერესებულ პირს მიაწოდოს დაუმონტაჟებელი მასალა, სადაც ნათლად ჩანს, რომ მათი მხრიდან არანაირი სტანდარტი არ დარღვეულა.

„პრეზიდენტის უფლებამოსილება არის დისკრეციული, შეუძლია თავისუფლად შეიწყალოს მკვლელიც, ყაჩაღიც, ქურდიც და ტერორისტიც. დღევანდელი კანონმდებლობით იგი შეუზღუდავია" - აცხადებს „რეზონანსთან" საუბრისას იურისტი კახა წიქარიშვილი შეწყალებასთან დაკავშირებით აგორებულ სკანდალზე, თუმცა იქვე უმატებს, რომ „პრეზიდენტმა აუცილებლად უნდა შეისწავლოს თითოეული მსჯავრდებულის ისტორია, სანამ იგი შეწყალების აქტს ხელს მოაწერს".

სადავო შეწყალებებთან დაკავშირებულმა სკანდალმა ისეთი მასშტაბი მიიღო, რომ უკვე სერიოზულად ალაპარაკდნენ მოქმედი პრეზიდენტის იმპიჩმენტის ალბათობაზე.

პრეზიდენტ სალომე ზურაბიშვილის მიერ მარიამობის დღესასწაულზე შეწყალებული პატიმრების 34-კაციანმა სიამ საზოგადოებაშიც და „ქართულ ოცნებაშიც“ მკვეთრი კრიტიკა და პროტესტი  გამოიწვია. საქმე ისაა, რომ შეწყალებულ მსჯავრდებულთა შორის ორი გახმაურებული მკვლელობის მთავარი ფიგურანტები აღმოჩნდნენ. ერთ მათგანი გახლავთ პოლიციელ თარაშ მუკბანიანის მკვლელობისთვის გასამართლებული რ.დ., ხოლო მეორე - ა.ბ., რომელიც დავით ოთხმეზურის მკვლელობისთვის იხდიდა სასჯელს.

პოლიტოლოგი ვახტანგ ძაბირაძე მიიჩნევს, რომ საქართველოში, ცხოვრების დონე დღითიდღე უარესდება და ეს აშშ-ის „ეროვნულ-დემოკრატიული ინსტიტუტის" მიერ გამოქვეყნებული კვლევის შედეგებშიც ჩანს. მისივე შეფასებით, ის ფაქტი, რომ „ენდიაის" ბოლო კვლევის მიხედვით, საქართველოს მოსახლეობის 41% საბჭოთა კავშირის ნგრევას უარყოფით მოვლენად აფასებს, საგანგაშო მაჩვენებელია.

2019 წლის ივლისში ჩატარებული საზოგადოებრივი აზრის კვლევის შედეგების პირველ ნაწილში ძირითადი აქცენტები ეკონომიკისა და ჯანდაცვის საკითხებზეა. კვლევა ეხება ასევე ქვეყნის განვითარების, საგარეო პოლიტიკური კურსისა და სხვა მნიშვნელოვანი საკითხებისადმი მოსახლეობის დამოკიდებულებას. ანალიტიკოს გია ხუხაშვილის აზრით, ეს კვლევები აჩვენებს, რომ მოსახლეობა ხელისუფლებას არ ენდობა. სოციოლოგი ვალერიან გორგილაძე კი ამ კვლევის სანდოობას ეჭქვეშ აყენებს.

რუსული მედიის მიერ დღეს გავრცელებული ცნობა იმის შესახებ, რომ საქართველოს თავისი ტერიტორიული წყლები აშშ-ის სამხედრო ხომალდებისათვის დაკეტა, დეზინფორმაცია აღმოჩნდა. უფრო კონკრეტულად კი, საუბარია ამერიკულ სადესანტო გემ „იუმაზე", რომელიც დღეს ფოთის პორტში უნდა შემოსულიყო. რუსული მედია ამტკიცებს, რომ ქართულმა მხარემ „იუმას" ამის უფლება არ მისცა.

ოკუპირებული აფხაზეთის ე.წ.უზნაესმა სასამართლომ პარტია „ამცახარას" ლიდერის ალხას კვიცინიას სარჩელის განხილვა გადადო. შესაბამისად, გადაიდო განაჩენის გამოცხადებაც, რომელსაც სოხუმის ცენტრში რამდენიმე ასეული ადამიანი ელოდა და რომელიც შესაძლოა აფხაზეთში მაობრივი არეულობის დაწყების მიზეზი გამხდარიყო. ამის შესახებ რუსული „სპუტნიკი" იუწყება.

„დღევანდელი საინფორმაციო ომისა და ჰიბრიდული ომის პირობებში არ გამოვრიცხავ, რომ ეს არის დეზინფორმაცია," - აცხადებს „რეზონანსთან" ანალიტიკოსი სამხედრო საკითხებში ვახტანგ მაისაია რუსული მედიის მიერ გავრცელებული ინფორმაციის შესახებ საუბრისას, რომლის თანახმადაც, საქართველოს ხელისუფლება ამერიკულ გემს თავის ტერიტორიულ წყლებში არ უშვებს.

აშშ-ის ეროვნულ-დემოკრატიული ინსტიტუტის („ენ-დი-აი") ბოლო კვლევის თანახმად, საქართველოში, მოსახლეობის 49% საბჭოთა კავშირის დაშლას პოზიტიურ, 41% კი ნეგატიურ მოვლენად აფასებს. პოლიტოლოგ რამაზ საყვარელიძის აზრით, სსრკ-სადმი ნოსტალგიის ასეთი მაღალი მაჩვენებელი საქართველოში დღეს არსებული მძიმე ეკონომიკური მდგომარეობითაა გამოწვეული.