რუსთავი 2-ის განახლებულ საინფორმაციო გადაცემა კურიერს ჟურნალისტი გურამ როგავა წაიყვანს. ამის შესახებ ინფორმაციას რუსულენოვანი გამოცემა „სოვა ნიუსი" ავრცელებს. როგავა მანამდე საზოგადოებრივი მაუწყებლის საინფორმაციო სამსახურში მუშაობდა, იგი თავისი ჟურნალისტური კარიერის მანძილზე ძირითადად სამხედრო მოვლენებს აშუქებდა.

პრეზიდენტის მიერ მსჯავრდებულთა შეწყალების საკითხზე სალომე ზურაბიშვილის საპარლამენტო მდივანმა, ადვოკატმა დიმიტრი გაბუნიამ მის მიმართ არსებული ბრალდებები უარყო და ჟურნალისტებთან საუბრისას მიანიშნა, რომ პრეზიდენტს შესაწყალებელ მსჯავრდებულთა სია ადმინისტრაციის უფროსის მოადგილე ანგი ხუციშვილმა გადასცა.

აზოგადოება პრეზიდენტ სალომე ზურაბიშვილის იმპიჩმენტის საკითხზე აქტიურად ალაპარაკდა. იურისტები აცხადებენ, რომ პრეზიდენტის უფლებამოსილების შეჩერების საკითხი შესაძლოა მხოლოდ იმ შემთხვევაში დადგეს თუ პროკურატურა დააგენს, რომ შეწყალება არა ჰუმანური არამედ სხვა მიზნების გამო მოხდა.

„ქართული ოცნების“ წევრი  ნუკრი ქანთარია „რეზონანსთან“ ამბობს, რომ ჯერჯერობით სიის ჩავარდნაზე სუბარი ნაადრევია. მისი თქმით, სია კი არ უნდა ჩავაგდოთ, არამედ ამ 20–კაციდან ღირსეული ადამიანები შევარჩიოთ. ფიქრობს, რომ კადიდატები „სწორი“ პასუხების გაცემას ცდილობენ და გამომდინარე აქედან, ნაკლებად გულწრფელები არიან.

დამოუკიდებელი დეპუტატი ლევან კობერიძეს მიაჩნია, რომ ყველა მოსამართლეს უნდა მოუსმინონ, თუმცა არცერთ  კანდიდატს მხარი არ უნდა დაუჭირონ, საზოგადოებამ უნდა დაინახოს, რა მოსამართლეებთან გვაქვს საქმე და როგორ ხდება „ქართული ოცნების“ მიერ პირდაპირ ადეიშვილი-სააკაშვილის  დროინდელი სისტემის მოსამართლეების გადაბარება. 

პრეზიდენტის მიერ მსჯავრდებულთა შეწყალების საკითხი ვერანაირ კრიტიკას ვერ უძლებს; 28 აგვისტოს შეწყალებული 34 მსჯავრდებულის შერჩევა როგორ მოხდა? რამდენი განცხადება იყო შესული? როგორ განიხილეს და რა კრიტერიუმებით გადაარჩიეს? - ეს იმ კითხვების მცირე ჩამონათვალია, რომელიც სალომე ზურაბიშვილის გადაწყვეტილებამ გააჩინა.

„თუ ჩვენი ხელისუფლება ბევრად მკაცრი და მობილიზებული არ იქნება დამერწმუნეთ, რომ ჩორჩანას ტყეს ძალიან მალე დავკარგავთ, არათუ 300 ჰექტარს, არამედ გაცილებით მეტს."- ასეთ ინფორმაციას გვაწვდის ანტისაოკუპაციო მოძრაობა „ძალა ერთობაშიას" ლიდერი დავით ქაცარავას ჩორჩანაში მიმდინარე მოვლენებზე.

რუსეთის მიერ „აფხაზეთის არმიის" მოდერნიზაციის დაფინანსება საქართველოსთვის ახალი გამოწვევაა, რომელიც შესაძლოა თბილისზე ზემოქმედების დამატებით ბერკეტად იქცეს. ყველაზე მთავარი და სერიოზული საფრთხე კი რუსეთის საოკუპაციო ძალებია, რადგან მათ შეიარაღებაში საჰაერო თავდაცვის, საარტილერიო თუ სარაკეტო შორი რადიუსის მოქმედი სისტემები შედის.

საქართველოს პარლამენტის იურიდიულ საკითხთა კომიტეტში დაიწყო უზენაესი სასამართლოს მოსამართლის 20 ვაკანტურ თანამდებობაზე იუსტიციის უმაღლესი საბჭოს მიერ წარდგენილი კანდიდატების მოსმენა. წინასწარ შეთანხმებული დღის წესრიგით, 23 სექტემბერს კომიტეტს უნდა მოესმინა ორი კანდიდატისთვის - თამარ ალანიასა და მერაბ გაბინაშვილისთვის, თუმცა, იურიდიულ საკითხთა კომიტეტის თავმჯდომარე ანრი ოხანაშვილმა დეპუტატებს შესთავაზა, რომ დეტალური განხილვის და შეკითხვებზე ამომწურავი პასუხების უზრუნველსაყოფად ყოველ სხდომაზე ერთ კანდიდატისთვსი თამარ ალანიასთვის მოესმინა.

თელავში ყოფილმა ქმარმა ცოლი მოკლა. შემთხვევა ჭონქაძის ქუჩაზე მოხდა. ადგილობრივების ინფორმაციით, ცეცხლსასროლი იარაღით ყოფილმა ქმარმა ჯერ ცოლს ესროლა, შემდეგ კი თვითმკვლელობა სცადა. ადგილობრივები „რეზონანსთან" ყვებიან, რომ შემთხვევა მაშინ მოხდა, როდესაც მამაკაცი თბილისიდან ყოფილ ცოლთან შვილების სანახავად მივიდა.

პარლამენტი მომავალი კვირიდან უზენაესი სასამართლოს მოსამართლეობის კანდიდატების განხილვას იწყებს, თუმცა კანდიდატების ახალი 20-კაციანი სიის ირგვლივ პრეტენზიები და უკმაყოფილება კვლავ გაისმის. არ არის გამორიცხული, რომ ამ სიის გამო „ოცნებაში“ ახალი შიდა დაპირისპირება დაიწყოს და პარტია სხვა დეპუტატებმაც დატოვონ. „რეზონანსი“ შეეცადა ამასთან დაკავშირებით მმართველი გუნდიდან ვინმეს გასაუბრებოდა, თუმცა ჩვენს ზარებს არავინ უპასუხა. საქმე კი ისაა, რომ 20-კაციანი სიის 5 წევრი იუსტიციის უმაღლესი საბჭოს მიერ შედგენილი იმ სკანდალური 10-კაციანი, რომელმაც შარშან უკვე გამოიწვია „ოცნებაში“ სერიოზული განხეთქილება.

შეწყალებაზე მორატორიუმის გამოცხადების შემდეგ, საქართველოს პრეზიდენტს სალომე ზურაბიშვილს  4468 ადამიანი ელოდება. ეს იმ მსჯავრდებულებია, რომლებმაც პრეზიდენტს შეწაყალების თხოვნით მიმართეს. კონსტიტუციონაისტები „რეზონანსთან“ აცხადებენ, რომ ზურაბიშვილის ეს გადაწყვეტილება კონსტიტუციას ეწინააღმდეგება. მათი თქმით, საქართველოს კონსტიტუციის მე-18 მუხლის მიხედვით, პრეზიდენტი ვალდებულია ყველა მსჯავრდებულის განცხადება განიხილოს და მას ერთპიროვნულად არ აქვს უფლება ამ პროცესის შეჩერებაზე, ან საერთოდ გაუქმებაზე გადაწყვეტილება მიიღოს.