„მე პირადად მკვლელების შეწყალებას არ მოვიწონებდი", - ასე აფასებს „რეზონანსთან" „ქართული ოცნებისა" და საპარლამეტო უმრავლესობის წევრი აკაკი ზოიძე პრეზიდენტ სალომე ზურაბიშვილის მიერ მსჯავრდებულთა შეწყალების ფაქტს.

აშშ-ს საზღვაო ძალების საექსპედიციო სატრანსპორტო გემი „იუმა" საქართველოს ტერიტორიულ წყლებში ვერ შედის. რუსული მედიის ცნობით, ამის მიზეზი ისაა, რომ საქართველოს ხელისუფლება თავის ტერიტორიულ წყლებში მის შეშევაზე უარს აცხადებს.

პრემიერ-მინისტრების ჩუმი გადადგომა თუ გადაყენება და წასვლის შემდგომი დუმილი საქართველოში თითქმის ტრადიციად იქცა, საზოგადოება ფეისბუქის საშუალებით, ან მცირეხნიანი ბრიფინგით იგებს მხოლოდ იმას, რომ ისინი დაკავებული პოსტიდან მიდიან. ყოფილი პრემიერ-მინისტრი გიორგი კვირიკაშვილი ამ დრომდე არსად არ გამოჩენილა, მისი წავლის შემდგომაც საკმაოდ დიდი ხანი გავიდა და ლოგიკურია ჩნდება კითხვა - თუ სად გაქრა იგი.

„ამ ეტაპზე გახარიას მოწოდება არარეალისტურია, რადგან ევროკავშირს რუსეთზე ზემოქმედების არავითარი მნიშვენლოვანი ბერკეტები, მითუმეტეს სეპარატისტულ რეჟიმზე, არ გააჩნია, თუნდაც იმისათვის, რომ ამის აღსრულებას ხელი შეუწყოს" - აცხადებს „რეზონანსთან" ანალიტიკოსი ზაალ ანჯაფარიძე პრემიერმინისტრის გიორგი გახარიას განცხადების შესახებ საუბრისას, რომ ევროკავშირის სადამკვირვებლო მისიის მანდატი მთელს ოკუპირებულ ტერიტორიაზე უნდა აღსრულდეს.

"ევროპული საქართველო" ითხოვს საერთაშორისო დონეზე ოკუპაციის თემის გააქტიურებას . საქართველოს პარლამენტის ევროპასთან ინტეგრაციის კომიტეტის სხდომაზე "ევროპული საქართველოს" მიერ მომზადებული დადგენილების პროექტი - "საქართველოს ტერიტორიების ოკუპაციის საკითხის საერთაშორისო დღის წესრიგში აქტუალიზაციის თაობაზე". თუმცა ამ კანონპროექტს „ოცნებამ" უარი უთხრა და პროქტი ჩავარდა.

„იქიდან გამომდინარე, რომ მეორე წელია და ევროპულ სკოლაში უკვე მეორე მიღებაა ვფიქრობ, რომ სწორედ ამის გამოა კომისარი ჰანი ჩამოსული საქართველოში"- ასე აფასებს „რეზონანსთან" ფონდ „ღია საზოგადოება - საქართველოს" ევროინტეგრაციის პროგრამის მენეჯერი ვანო ჩხიკვაძე, ევროპული სამეზობლო პოლიტიკისა და გაფართოებაზე მოლაპარაკებათა საკითხებში ევროკომისარი იოჰანეს ჰანის საქართველოში ვიზიტს.

მიუხედავად იმისა, რომ აშშ საქართველოს სტრატეგიული პარტნიორია და ორ ქვეყანას შორის თანამშრომლობა სხვადასხვა მიმართულებით მნიშვნელოვან გარდაქმნას განიცდის, პრეზიდენტი დონალდ ტრამპი რუსეთის მიმართ ლოიალურ პოლიტიკას ატარებს, რაც, შესაძლოა „დიდი რვიანის" აღდგენის ინიციატივას დავუკავშიროთ, ეს კი „შეშფოთების საფუძველს აჩენს, - ტრამპი რუსეთს პოსტსაბჭოთა სივრცეს გავლენის სფეროდ ხომ არ უთმობს?" თანაც უნდა გავითვალისწინოთ აშშ-ის სახელმწიფო დეპარტამენტის ყოფილი მაღალჩინოსნის მეთიუ ბრაიზას განცხადებას, სადაც ის ამბობს, რომ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს."

ახალმა პრემიერმა გიორგი გახარიამ საზოგადოებას ახალი ვიცე-პრემიერები - თეა წულუკიანი და მაია ცქიტიშვილი წარუდგინა. ამან ანალიტიკოსებს და პოლიტიკოსებს გარკვეული დასკვნების საშუალება უკვე მისცა, თუ რაზე იქნება პრემიერის მხრიდან მთავარი აქცენტები გაკეთებული. 

„აფხაზეთში არეულობის დაწყების დროს, თენგიზ კიტოვანი იქ საკუთარი სამხედრო ნაწილებით იყო შესული, რომ რკინიგზა დაეცვა და ამის შემდეგ ის უბედურება და სისხლისღვრა დაიწყო, რაც, ჩემი ღრმა რწმენით, თავიდან ბოლომდე, რუსული სცენარით მიმდინარეობდა. კიტოვანი აქეთა მხარეს სარდლობდა და ის, ვინც აფხაზეთის მხარეს იყო, ქართველებმა რომ დაიჭირონ და შეურაცხყოფა მიაყენონ, სწორი არ იქნება," - აღნიშნა, „რეზონანასთან" საუბრისას, პარლამენტის წევრმა, რევაზ არველაძემ.

„ეს განცხადება არის სისულელე და მეტი არაფერი, ან კიდევ შეგნებული მავნებლობა", - ასეთი კომენტარი გააკეთა „რეზონანსთან" საპარლამენტო უმრავლესობისა და „ქართული ოცნების" წევრმა ნუკრი ქანთარიამ, „პატრიოტთა ალიანსის" მიერ აშშ-ის საელჩოსთან გამართულ აქციის შესახებ „ევროპული საქართველოს" წევრის სერგი კაპანაძის განცხადებაზე.

„ანტისომხური განწყობები აფხაზურ საზოგადოებაში ყოველთვის იყო და ახლაც არის. აფხაზური საზოგადოება ცდილობდა, რომ ცვლილებებისთვის მიეცა ხმა და, რატომღაც, ვარაუდობდნენ, რომ კვიცინია ამის გამკეთებელია, მაგრამ სომხების ხმებმა განაპირობა ხაჯიმბას გამარჯვება, რის გამოც გაღიზიანება გარეთ გამოვიდა და მოჰყვა დაპირისპირებები", - ასე შეფასა „რეზონანსთან" საუბრისას ექსპერტმა, მამუკა არეშიძემ აფხაზეთში ე.წ. საპრეზიდენტო არჩევნების „მეორე ტურის" შემდეგ ადგილობრივ სომხებსა და აფხაზებს შორის ურთიერთობის მკვეთრად დაძაბვას.

ერგნეთის 13 სექტემბერს ჩაშლილი მოლაპარაკების შემდეგ, სადაც რუსულ და ოსურ მხარესთან შეთანხმება ვერაფერზე მოხეხდა, ჩორჩანას მიმდებარედ რუსები გზის გაყვანის სამუშაოებს აგრძელებენ. „ძალა ერთობაშიას“ წევრი დავით ქაცარავა შიშობს, რომ სიტუაცია თუ ასე გაგრძელდა, რამდენიმე დღეში ქართული საგუშაგო საოკუპაციო ხაზის იქით აღმოჩნდება და მას დე ფაქტო ხელისუფლება მიისაკუთრებს.