„ვერ ვხვდები გვარამიამ რატომ გადაწყვიტა, რომ რაღაც შეთქმულების თეორია ააგოს ჩვეულებრივი ელემენტარული ვითარებიდან, რაც სასამართლოს განაჩენის გამოცხადების შემდეგ შეიქმნა, როდესაც პასუხისგებაში მიეცა ადამიანი, რომელიც აქამდე მფარველობის ქვეშ იყო", - აცხადებს „რეზონანსთან" „ადამიანის უფლებათა ცენტრის" აღმასრულებელი დირექტორი და ხორავას ქუჩაზე მოკლული დავით სარალიძის მამის ზაზა სარალიძის ინტერესების დამცველი ალეკო ცქიტიშვილი „რუსთავი 2"-ის გენერალური დირექტორის ნიკა გვარამიას გამოწვევის შესახებ საუბრისას.

სოხუმის აეროპორტი, რომელიც 1993 წლიდან აღარ ფუნქციონირებს, რესტავრაცია ჩაუტარდება. ხოლო აეროპორტის ინფასტრუქტურა მთლიანად შეიცვლება. მის აღდგენას კი რუსი ბიზნესმენები კრემლის თხოვნით განახორციელებენ. ამის შესახებ ოკუპირებული აფხაზეთის დე ფაქტო პრემიერ-მინისტრმა ვალერი ბგანბამ პეტერბურგის საერთაშორისო ეკონომიკურ ფორუმზე განაცხადა.

„ნებისმიერი ადამიანისგან სიძულვის ენის გამოყენება მიუღებელია, ეს იქნება „ქართული ოცნების" თუ სხვა რომელიმე პოლიტიკური პარტიის," - ასე ეხმაურება „რეზონანსთან" საუბრისას „ქართული ოცნების" დეპუტატი შოთა ხაბარელი ქუთაისის საკრებულოს დეპუტატის ნანა კოსტავასთან დაკავშირებულ ახალ სკანდალს.

„პარლამენტში მისულ ეკონომიკის მინისტრს, რომელიც დარგობრივი ეკონომიკის კომიტეტზე ოპოზიციის მოთხოვნით იყო მიწვეული, პასუხის გაცემა ყველა მწავე კითხვაზე გაუჭირდა და ბუნებრივია, კითხვები ისევ  არსებობს“, - ასე ეხმიანება პოლიტოლოგი ნიკა ჩიტაძე ეკონოიმიკის მინისტრისნათია თურნავას გამოსვლას პარლამენტში.

„მაშინ მთელი უმრავლესობა ასე ამბობდა. იმ დროს საგამოძიებო კომისიაში ბესელია „ქართული ოცნების“ პოლიტიკური გუნდის მიერ იყო წარდგენილი. აქედან გამომდინარე, ეტყობა შეთანხმებულ პოზიციას აჟღერებდა,“ - ასე ეხმაურება დამოუკიდებელი დეპუტატი დავით ჭიჭინაძე ხორავას ქუჩის საქმეზე შექმნილი პარლამენტის საგამოძიებო კომისიის თავმჯდომარე სერგი კაპანაძის განცხადებას, რომ იმ დეპუტატებმა, ვინც საგამოძიებო კომისიის მუშაობის დროს მიხეილ კალანდიას „აპრავებდნენ“, პოლიტიკური პასუხისმგებლობა უნდა აიღონ. 

აფხაზეთში დიდი უკმაყოფილება და დავაა იმის გამო, რომ იმ აფხაზების შთამომავლებს, ვინც 1992-93 წლებში ქართველების წინააღმდეგ ომობდა და ომის შემდეგ ქართველების სახლები დაისაკუთრეს, ახლა ამ სახლების მფლობელთა შთამომავლები საკუთრების უფლებას ედავებიან და ასეთი სადაო სახლი დაახლოებით 100-ია.

კვირას, 9 ივნისს მთაწმინდის საარჩევნო ოლქში საქართველოს პარლამენტის მაჟორიტარი დეპუტატის მანდატისთვის ერთმანეთს „ქართული ოცნების“ კანდიდატი ლადო კახაძე და „თავისუფალი დემოკრატებისა“ და „ევროპული საქართველოს“ საარჩევნო ბლოკის წარმომადგენელი შალვა შავგულიძე დაუპირისპირდებიან. 

„ჯერ არ ვიცი რა ინიციატივაა და როდესაც გავეცნობი, ამის მიხედვით მივიღებთ გადაწყვტილებას აქციებში ჩართვასთან დაკავშირებით“, - ასე ეხმაურება „რესპულიკური  პარტიის“ ერთ- ერთი  ლიდერი დავით ბერძენიშვილი „ნაცონალური მოძრაობის“ მიერ დაანონსებულ საპროტეტსო აქციებს.

„ველოდი, რომ სააკაშვილი კლიჩკოს ტალღას არ აყვებოდა, იმიტომ, რომ პარლამენტში მისი მოხვედრა შეუძლებელი იქნეობდა. რადგან უარი უთხრა, სავარაუდოდ, ზელენსკის მხრიდან მაღალი თანამდებობის შეთავაზებას დაელოდება“, - ასე ეხმაურება პოლიტოლოგი რამაზ საყარელიძე სააკაშვილის უარს კიევის მერის შეთავაზებაზე.

ე.წ. სამხრეთ ოსეთში დე ფაქტო „პარლამენტის არჩევნები“ 9 ივნისს გაიმართება, რომლის მონიტორინგსაც დაახლოებით 50 საერთაშორისო დამკვირვებელი განახორციელებს. იმ ქვეყნების ჩამონათვალში, რომლის წარმომადგენლებიც „არჩევნებზე“ დამკვირვებლის სტატუსით დარეგისტრირდნენ, დე ფაქტო საარჩევნო კომისიას მითითებული აქვს გერმანია, ფინეთი, ბელგია, იაპონია და იტალია. ეს ის ქვეყნებია, რომლებიც ე.წ. სამხრეთ ოსეთს არ აღიარებენ.

„ნაციონალური მოძრაობა“ ფართომასშტაბიან საპროტეტსო აქციებს იწყებს მოთხოვნით გაუქმდეს საპროცენტო განაკვეთი წინასწარ აღებულ პენსიებზე და პენსიით გარანტირებულ სესხებზე. როგორც „გაერთიანებული ოპოზიციის“ ლიდერი გრიგოლ ვაშაძე აცხადებს, „ლიბერთი ბანკი“ პენსიონრებს პენსიით გარანტირებულ სესხებზე, სხვა ტიპის სეხებთან შედარებთ სამჯერ მეტს პროცენტს ართმევს - 36%-ს, რაც პენსიონერების გაძარცვას ნიშნავს. პოლიტოლოგ ვახტანგ ძაბირაძის თქმით, „ნაციონალური მოძრაობა“ ჭიათურის საპროტესტო აქციების შემდეგ, ცდილობს ამ ტალღას მოერგოს და ამით ამომრჩეველთა წრე გაიფართოვოს.

სასტიკი შურისძიება კასპში - შუახნის მამაკაცი საკუთარ სახლის ეზოში, სავარაუდოდ, თანასოფლელმა მოკლა, ხოლო მისი მეუღლე დაჭრა. შემთხვევა 7 მაისს ღამის  2 საათზე მოხდა. კასპის მუნიციპალიტეტის სოფელ ხიდისყურის მცხოვრებლები „რეზონანსთან“ მომხდარის მიზეზებსა და დეტალებს ყვებიან. გარდაცვლილი 70 წლამდე ასაკის შახალა ჯემალ ოღლი ბაირამოვია, მისი მეუღლე კი  კასპის საავადმყოფოშია მოთავსებული და ის თავშია დაჭრილი.