„გასარკვევი და შესასწავლია ლგბტ თემის წარმომადგენლების მოტივაცია, ვინაიდან მათ არა აქვთ ჩაგვრის ის წნეხი, რომ ეს წნეხი აიძულებდეთ გამოვიდნენ აქციებით. მათი აქცია უფრო მანიფესტაციაა - განუცხადონ საზოგადოებას თავიანთი ორიენტაციის შესახებ“, - ასე ეხმაურება პოლიტოლოგი რამაზ  საყვარელიძე მთავრობის  ადმინისტრაციასთან „თბილისი პრაიდის“ მიერ გამართულ აქციას „სახელმწიფო, გამოდი, სად ხარ“.

15 ივნისს „პატრიოტთა ალიანსის“ მიერ დავით გარეჯის პრობლემასთან დაკავშირებით დაგეგმილმა აქციამ შესაძლოს საქართველო-აზერბაიჯანის ურთიერთობებზე უარყოფითად იმოქმედოს და გარეჯის პრობლემაც მოგვარების ნაცვლად კიდევ უფრო გამწვავდეს. ამის შესახებ „რეზონანსთან“ ანალიტიკოსები საუბრობენ, რომელთაც აზრითაც რუსეთი დაინტერესებულია, რომ საქართველოს თავის მეზობლებთან ურთიერთობა დაეძაბოს. 

„გააჩნია კანონპროექტი როგორ სახეს მიიღებს და რამდენად იქნება გამართული. ეს ყველაფერი იურიდიულ და საერთაშორისო დონესთან თანხვედრაში უნდა იყოს," - ასე აფასებს „რეზონანსთან" უმრავლესობის წევრი ბიძინა გეგიძე ახალ კანონპროექტს, რომლის თანახმადაც საქართველოში იმ ქვეყნების დროშის აღმართვა-გამოფენაზე, რომელთანაც ქვეყანას კონფლიქტი ან დიპლომატიური ურთიერთობები გაწყვეტილი აქვს, შესაძლოა გარკვეული შეზღუდვები დაწესდეს.

აშშ-ის სახელმწიფო მდივანმა მაიკ პომპეომ საქართველოს პრემიერ-მინისტრ მამუკა ბახტაძესთან შეხვედრის შემდეგ, ერთობლივ ბრიფინგზე საქართველოს ნატოში გაწევრიანების პერპექტივაზე ისაუბრა. ამის ფონზე უნდა აღინიშნოს, რომ მიმდინარე თვის დეკემბერში ნატო-ს სამიტი არის დაგეგმილი.

„საპატრიარქო აშკარად ხელს უწყობს იმას, რომ ლგბტ თემის მიმართ აგრესიული დამოკიდებულება გაღვივდეს, რაც ძალიან სამწუხაროა, რადგან შემწყნარებლობა, ჰუმანიზმი, ერთმანეთის სიყვარული და დათმობა, პირველ რიგში, ეკლესიისგან უნდა მოდიოდეს,“ - ასე აფასებს „რეზონანსთან“ იურისტი და უფლებადამცველი ლია მუხაშავრია მთავრობის ადმინისტრაციის შენობასთან არსებულ ვითარებას.

„აბსოლუტურად ყველას აქვს თავის გამოხატვის, თავისუფალი განვითარების საშუალება. ძალადობა მიუღებელია, ხელისუფლება ყველაფერს გააკეთებს, რომ ძალადაობა თავიდან ავიცილოთ... ჩემი პირადი აზრი ისიცაა, რომ არ მგონია, მასობრივი მარშები ხელს უწყობდეს და ლგბტ თემის უფლებების საუკეთესო დაცვის საუკეთესო ფორმა იყოს. პირდაპირ ვიტყვი ასევე ამას - ეს ჩემი პირადი აზრია და არა როგორც ხელისუფლების წარმომადგენლის," - აცხადებს „რეზონანსთან" საუბრისას „ქართული ოცნების" დეპუტატი აკაკი ზოიძე.

ჩეჩნეთის ლიდერი რამზან კადიროვი ცდილობს საქართველო-ჩეჩნეთის საზღვრის სიგრძე 100 კილომეტრამდე გაზარდოს და ამას მეზობელი კავკასიური რესპუბლიკების ტერიტორიების ხარჯზე აკეთებს. ეს ინგუშეთთან მას უკვე გამოუვიდა და ახლა დაღესტანთან აქვს ტერიტორიული დავა. ამის შესახებ „რეზონანსთან" საუბარში კავკასიოლოგი მამუკა არეშიძე აცხადებს.

„ახალი პარტია როცა ძალებს იკრებს, ოპონენტებთან მკაცრ, მაგრამ არგუმენტირებულ საუბარს ირჩევს. ეტყობა მათ სხვა გზა აირჩიეს - არაფრისმთქმელი სიტყვებით ადამიანის მწყობრიდან გამოყვანა. შემიძლია ვურჩიო, ტყუილად თავს ნუ დაიღლიან და საზოგადოებაში თავს ნუ შეირცხვენენ. მე მწყბრიდან ვერავინ გამომიყვანს“,- ასე ეხმაურება „ოცნების“ დეპუტატი ლადო კახაძე ირაკლი ოქრუაშვილის ახლადშექმნილი პარტიის „გადაარჩინე საქართველოს“ წევრის გუბაზ სანიკიძის კრიტიკულ გამონათქვამებს, რომელიც გადაცემა "ბარიერში" მისი მიმართ გაჟღერდა. 

აშშ-დან ნატო-სა და ანაკლიის პორტის შესახებ საქართველოს მიმართ გაკეთებული მხარდამჭერი განცხადებების გამო მოსკოვი აღშფოთებას ვერ მალავს და პრაღის მორიგი შეხვედრისას გრიგორი კარასინმა მორიგი მუქარანარევი გზავნილები გამოუგზავნა თბილისს.

„როგორც ჩანს, საქართველოს პრემიერ-მინისტრებს აშშ-ში ვიზიტი კარგად არ აქვთ დაცდილი. კვირიკაშვილის შემთხვევაშიც ასე მოხდა - როგორც კი აშშ-დან დაბრუნდა, მალევე თანამდებობა დატოვა“, - ასე ეხმაურება პოლიტოლოგი ვახტანგ ძაბირაძე გავრცელებულ ინფორმაციას იმის თაობაზე, რომ შესაძლოა აშშ-დან დაბრუნების შემდეგ ბახტაძემ თანამდებობა დატოვოს, პრემიერის პოსტი კი ინფრასტრუქტურის მინისტრმა მაია ცქიტიშვილმა დაიკავოს.

„ოპოზიცის მცდელობა საარჩევნო სისტემის შეცვლასთან დაკავშირებით გამართლებულია და მაჟორიტარული სისტემის გაუქმების საკითხში ისინი ერთად უნდა იყვნენ, რაც ნიშნავს მხოლოდ არჩევნების პირობების შექმნას და არა გამარჯვებას მომავალ არჩევნებში“, - ასე ეხმიანება პოლიტოლოგი პაატა ზაქარეიშვილი ოპოზიციის მოთხოვნას 2020 წლის არჩევნები ჩატარდეს პროპორციული საარჩევნო სისტემით.

12 ივნისს,ოკუპირებული აფხაზეთის ე.წ საგარეო საქმეთა მინისტრი დაურ კოვე გადაჭრით უარყოფს ინფორმაციას, რომ საქართველოს ხელისუფლებამ აფხაზეთს აზიურ ფაროსანას წინააღმდეგ ჩასატარებელი ღონისძიებებისთვის 600 000 ლარის ღირებულების შესაწამლი პრეპარატები და აღჭურვილობა გაუგზავნა. ამის შესახებ კოვემ სოხუმში ჟენევის დისკუსიის თანათავმჯდომარეებთან განაცხადა.