დღეს თბილისში 2-დღიანი ვიზიტით ანგელა მერკელი ჩამოდის კავკასიური ტურნეს ფარგლებში. გერმანიის კანცლერი საქართველოს 10 წლის შემდეგ მეორედ ეწვევა და დიდი ინტერესია, რა გზავნილებს ჩამოიტანს გერმანიის ლიდერი თბილისში 2008 წლის აგვისტოს ომიდან 10 წლის თავზე და ამ მესიჯებს შორის იქნება თუ არა ვლადიმირ პუტინის მხრიდან რაიმე გზავნილიც, რადგან რამდენიმე დღის წინ გერმანიაში მერკელი სწორედ მას შეხვდა.

"ოცნებაში" ჯერ ისევ ვერ ჩამოყალიბდნენ, საპრეზიდენტო არჩევნებში პარტიის კანდიდატი წამოაყენონ თუ სხვა რომელიმე კანდიდატს დაუჭირონ მხარი. ამ შიდა დისკუსიას პრემიერიც ადასტურებს. როგორც მამუკა ბახტაძე აცხადებს, აკვირდებიან მოვლენებს და კანდიდატებს, რომლებიც დარეგისტრირდებიან და მხოლოდ შემდეგ მიიღებენ გადაწყვეტილებას, სხვა კანდიდატს დაუჭერენ მხარს, თუ შეცვლიან უკვე მიღებულ გადაწყვეტილებას და გუნდიდან დაასახელებენ ვინმეს.

ცემა პოლიციის ხელჯოხებით, სხვა მკვრივი/ბლაგვი საგნებით, გენიტალიის მიდამოში მიყენებული დაზიანებები, მოგუდვის მცდელობა - ასეთია არჩილ ტატუნაშვილის გარდაცვალებაზე ექსპერტიზის დასკვნა, რაზე დაყრდნობითაც საქართველო რუსეთის წინააღმდეგ საერთაშორისო სასამართლოში იბრძოლებს.

"მე, პროფესორი კახაბერ ჯაყელი, გერმანიის აკადემიური გაცვლების სამსახურისა და ფულბრაიტის ფონდის სამეცნიერო გრანტების მფლობელი, გთხოვთ, გამათავისუფლოთ თქვენი ორგანიზაციის აკრედიტაციის ექსპერტის თანამდებობიდან, რადგან ჩვენი ფასეულობები არ ემთხვევა ერთმანეთს და ასევე, რადგანაც თქვენი ცენტრის მიერ არასწორი გადაწყვეტილების საფუძველზე ილახება ქართველი აბიტურიენტების უფლებები, კერძოდ, მხედველობაში მაქვს განათლების ხარისხის განვითარების ეროვნული ცენტრის ავტორიზაციის საბჭოს მიერ შავი ზღვის საერთაშორისო უნივერსიტეტის მიმართ გამოტანილი უმსგავსო დადაგენილება ახალ სტუდენტთა მიღების აკრძალვის შესახებ" - ამ განცხადებით მიმართა განათლების ხარისხის განვითარების ეროვნული ცენტრის დირექტორ თამარ სანიკიძეს პროფესორმა კახაბერ ჯაყელმა.

"ტრამპი, რა თქმა უნდა, პოლიტიკურად ძალიან მესიმპათიურება და არა მარტო პოლიტიკურად. ის შოუბიზნესის წარმომადგენელიც არის, საინტერესო და ნიჭიერი კაცია," - აშშ-ის პრეზიდენტის მიმართ დამოკიდებულებასა და სხვა საკითხებზე "რეზონანსი" ინტერნეტტელევიზია "პოსტ ტივის" ხელმძღვანელ შალვა რამიშვილს ესაუბრა.

„ეფიქს ბიზნეს გრუპის" დამფუძნებლების დაკავების შემდეგ, არ არის გამორიცხული, რომ მსგავსი პირამიდული ბიზნესის მეშვეობით თაღლითობის ბრალდებით სხვა პირებიც მიეცნენ პასუხისგებაში. სპეციალისტები საზოგადოებას და მოსახლეობას მოუწოდებენ, რომ მსგავს თაღლითურ პირამიდულ ბიზნესში ფულის დაბანდებისგან თავი შეიკავონ. ხოლო სხვა დაზარალებულებს პოლიციაში განცხადების შეტანას ურჩევენ.

რუსეთის პირველი ეშელონის ოლიგარქებს, რომლებიც პრეზიდენტ პუტინთან "მეგობრობაში" არიან შემჩნეულნი, ასეულობით მილიონიანი აქტივები დაუყადაღეს.

"ამ წლის ეროვნული გამოცდების შემდეგ გამოცდების ეროვნულ ცენტრში შემოვიდა 2 200-ზე მეტი სააპელაციო განაცხადი. ყველაზე მეტი განაცხადი იყო ქართულ ენასა და ლიტერატურაში, ასევე უცხო ენებში. აღნიშნული რაოდენობიდან დაკმაყოფილდა დაახლოებით 20%, ანუ 400 განაცხადზე მეტი," - განაცხადა შეფასებისა და გამოცდების ეროვნული ცენტრის დირექტორის მოადგილემ ივა მინდაძემ "რეზონანსთან" საუბრისას.

შავი ზღვის საერთაშორისო უნივერსიტეტს სოლიდარობა ორმა კერძო უმაღლესმა - თავისუფალმა და საქართველოს უნივერსიტეტებმა გამოუცხადეს.

"მედია ფაქტობრივად დასაფლავებულია, თუნდაც იმ სიტუაციასთან შედარებით,რაც ხუთი წლის წინ იყო, რადგან თითოეული ჩვენთაგანი, ვინც მედიაში მუშაობს, ახალ ამბებს მედიით კი არ იგებს, არამედ "ფეისბუქით," - ამბობს "რეზონანსთან" ინტერნეტტელევიზია "პოსტს ტივის" ხელმძღვანელი შალვა რამიშვილი.

საქართველოს იუსტიციის სამინისტრომ სტრასბურგის სასამართლოში რუსეთის ფედერაციის წინააღმდეგ საქართველოს სახელით ახალი სახელმწიფოთაშორისი საჩივარი „საქართველო რუსეთის ფედერაციის წინააღმდეგ" შეიტანა.

ჩრდილოეთ კორეაში სოხუმიდან ე.წ. სავაჭრო პალატის დელეგაცია იყო ჩასული და ამ "ისტორიული გარღვევისა" და "წარმატებული ვიზიტის" შესახებ სოხუმში პრესკონფერენციაც მოეწყო, სადაც დე ფაქტო სავაჭრო პალატის თავმჯდომარემ განაცხადა, რომ ფხენიანი აფხაზეთს "სრულფასოვან, დამოუკიდებელ რესპუბლიკად" განიხილავს, გაფორმდა სავაჭრო-ეკონომიკური თანამშრომლობის ხელშეკრულებაც და იმედიც მისცეს, რომ ეკონომიკურ სფეროში თანამშრომლობამ ჩრდილოეთ კორეის მხრიდან აფხაზეთის "დამოუკიდებლობის აღიარებაც" შეიძლება გამოიწვიოს