საპრეზიდენტო არჩევნებში გამარჯვებისთვის ბრძოლა გრძელდება; რომელ პარტიას რა შანსები აქვს და შესაძლოა თუ არა ჩატარდეს მეორე ტურის, ამ საკითხთან დაკავშირებით „რეზონანსი" სოციოლოგს ვაკა გორგილაძეს ესაუბრა, რომელმაც განაცხადა, რომ მეორე ტური აუცილებლად იქნება, მაგრამ გამარჯვების რეალური შანსი, იმ შემთხვევაში თუკი მმართველი გუნდი მას მხარს დაუჭერს, სალომე ზურაბიშვილს ექნება.

მიუხედავად იმისა, რომ ამერიკის შეერთებული შტატების პრეზიდენტი დონალდ ტრამპი და 26 აგვისტოს გარდაცვლილი არიზონას შტატის სენატორი ჯონ მაკკეინი ერთსა და იმავე პარტიას წარმოადგენდნენ, საიდუმლო არაა, რომ ვერასდროს ეწყობოდნენ ერთმანეთს.

ანაკლიაში გამართული ელექტრონული მუსიკის ფესტივალიდან ზუგდიდის რეფერალურ საავადმყოფოში სულ 18 პაციენტი გადაიყვანეს, მათგან ერთი გარდაიცვალა. 8-ს ალკოჰოლის ინტოქსიკაცია, ხოლო 3-ს დაუზუსტებელი სუბსტანციების ტოქსიური ეფექტი აღენიშნებოდა. რაც შეეხება დანარჩენებს, 2-ს კვებითი ინტოქსიკაცია, ერთს კი მუცლის არეში ტკივილი აღენიშნებოდა. ასევე, სამ შემთხვევაში იყო ზედაპირული ტრავმა, ჰოსპიტალიზირებული პაციენტებიდან ერთ-ერთს მხრის ამოვარდნილობა ჰქონდა.

სმიტების ოჯახის წევრების მკვლელობაში ბრალდებული მალხაზ კობაური სასამართლომ კლავ პატიმრობაში დატოვა. ეს გადაწყვეტილება მცხეთის რაიონული სასამართლოს მოსამართლემ ვაჟა ფუხაშვილმა რამდენიმე წუთის წინ მიიღო.

იმ შემთხვევაში თუკი აპელაციის შედეგად ავტორიზაციის შესახებ გადაწყვეტილება შეიცვლება, სტუდენტებისთვის რიგგარეშე მობილობა გამოცხადდება და მათ საშუალება მიეცემათ შავი ზღვის საერთაშორისო უნივერსიტეტში დაბრუნდნენ, აცხადებს "რეზონანსთან" საუბრისას განათლების ხარისხის განვითარების ცენტრის ხელმძღვანელი თამარ სანიკიძე, რომელმაც ცოტა ხნის წინ უნივერსიტეტს ერთი წლით სტუდენტების მიღება აუკრძალა. მისივე თქმით, ცენტრი არ აპირებს დააკმაყოფილოს იბსუ-ს თხოვნა სანქციის გაუქმებაზე.

შავი ზღვის საერთაშორისო უნივერსიტეტის ადმინისტრაციამ ფინანსთა სამინისტროს საგამოძიებო სამსახურის მიერ დაკისრებული 712 000 ლარის ოდენობის დავალიანება უკვე გადაიხადა.

გერმანიის ფედერაციული რესპუბლიკის კანცლერი ანგელა მერკელი საქართველოს ორდღიანი ოფიციალური ვიზიტით 23 აგვისტოს ესტუმრა. 24 აგვისტოს იგი სამხრეთ კავკასიური ტურნეს მსვლელობისას ესტუმრა თბილისის სახელმწიფო უნივერსიტეტს, სადაც განაცხადა, რომ ვერ ხედავს საქართველოს ნატო-ში სწრაფად გაწევრიანების პერსპექტივას, რის ერთ-ერთ მთავარ მიზეზადაც დაასახელა საქართველოს ტერიტორიების რუსეთის მიერ ოკუპაცია.

იმ შემთხვევაში, თუკი რუსეთის ფედერაციამ ოკუპირებული სამხრეთ ოსეთი მიიერთა, რისი სურვილიც მისმა ე.წ. პრეზიდენტმა ანატოლი ბიბილოვმა გამოთქვა, რუსეთისთვის ამ ნაბიჯის გადადგმა სარისკო იქნება, რადგან ასეთ ქმედებას სერიოზული სანქციები მოჰყვება, - აღნიშნა პოლიტოლოგმა სოსო ცინცაძემ "მთელ კვირასთან" საუბრისას.

"ანგელა მერკელი იქცა პირველ უცხოელ წამყვან სახელმწიფო მოღვაწედ, რომელმაც პირდაპირ გვითხრა ის, რაზედაც აქამდე კულუარებში საუბრობდნენ. ტერიტორიული პრობლემების მოგვარების გარეშე იგი ვერ ხედავს საქართველოს ნატო-ში", - განაცხადა სოსო ცინცაძემ, რომელსაც "მთელი კვირა" ქვეყაში მიმდინარე პოლიტიკურ ვითარებაზე ესაუბრა.

ავტორიზაციის საბჭომ შავი ზღვის საერთაშორისო უნივერსიტეტს (შითგ) სტუდენტების ახალი ნაკადის მიღება ერთი წლით შეუზღუდა. ამის შესახებ ინფორმაცია 21 აგვისტოს თავად უნივერსიტეტმა გაავრცელა.

არიზონას შტატის რესპუბლიკელი სენატორი ჯონ სიდნი მაკკეინი შაბათს 81 წლის ასაკში გარდაიცვალა. იგი 2017 წლის ივლისიდან ებრძოდა ძალიან მძიმე დაავადებას - თავის ტვინის სიმსივნის აგრესიულ ფორმას - გასულ წელს აღმოუჩინეს თავის ტვინის კიბოს ერთ-ერთი ყველაზე საშიში ფორმა - გლიობლასტომა.

თბილისში, 1980 წელს დაბადებული ი. გ., 1981 წელს დაბადებული გ. შ. და საქართველოს ეკონომიკისა და მდგრადი განვითარების სამინისტროს თანამშრომელი - 1983 წელს დაბადებული ო. ი. დიდი და განსაკუთრებით დიდი ოდენობით ნარკოტიკული საშუალებების უკანონოდ შეძენა-შენახვისა და გასაღების ფაქტზე დააკავეს.