ექსპერტების რეკომენდაციამ არ გაჭრა, მთავრობამ მიწის მორატორიუმთან დაკავშირებით გადაწყვეტილება ბანკებისა და მიკროსაფინანსო ორგანიზაციების სასარგებლოდ მიიღო. გადაწყდა, რომ სასოფლო-სამეურნეო დანიშნულების მიწის შეძენასთან დაკავშირებით დაწესებული შეზღუდვა საფინანსო სექტორზე არ გავრცელდება. მორატორიუმი არ იმოქმედებს "განსაკუთრებულ შემთხვევებშიც", რომლებიც მთავრობის გადაწყვეტილებით განისაზღვრება. ექსპერტები მთავრობას "ქართული მიწის ღალატში" ადანაშაულებენ.

აფგან მუხთარლის მეუღლისა და აზერბაიჯანელი აქტივისტის მიმართ შესაძლოა, ახალი დანაშული მზადდებოდეს - ამის შესახებ არასამთავრობო ორგანიზაცია "კონსტიტუციის 42-ე მუხლი" აცხადებს. ლეილა მუსტაფაევას განცხადებაზე, რომ პროკურატურისგან დღემდე არავითარი ინფორმაცია არ მიუღია, თუ ვინ არიან ის პირები, რომლებიც მას უთვალთვალებენ, უწყება აცხადებს, რომ პირების იდენტიფიკაციის გარკვევაზე მუშაობს და შესაბამისი გამოძიება დაწყებულია.

პარლამენტის 51 წევრი, ანუ დეპუტატების მესამედი პარალელურად ბიზნესმენია, უფრო სწორად, აქვს ბიზნესთან კავშირი და შესაბამისად, ფლობს წილს სამეწარმეო საქმიანობაში; მათგან დეკლარაციაში ბიზნესაქტივობა დამალული აქვს 16 დეპუტატს, აქედან 14 "ოცნებიდანაა", 2 - "პატრიოტთა ალიანსიდან"; 9 პარლამენტარი დეპუტატობასთან შეუთავსებელ საქმიანობაშია ეჭვმიტანილი, რეგისტრირებულია დირექტორად, რაც, კანონის მიხედვით, დეპუტატობის უფლებამოსილების შეწყვეტას ითვალისწინებს.

"შესაძლოა, საქმის რეალურმა გამოძიებამ უფრო მეტი ზიანი მოუტანოს საქართველოს ხელისუფლებას, ვიდრე საქმის გაჭიანურებამ," - ასე აფასებს კონსტიტუციონალისტი ვახტანგ ძაბირაძე აზერბაიჯანელ ჟურნალისტ აფგან მუხთარლის საქმეს და აღნიშნავს, რომ ახლა მთავრობა ცდილობს, ეს პროცესი გაწელოს, რათა აქტუალობა დაკარგოს და საბოლოოდ დავიწყებას მიეცეს.

"პატრიოტთა ალიანსის" წევრები 1-ელ ოქტომბერს მოსკოვში უკვე მეორედ მიდიან. დუმის დეპუტატებთან შეხვედრა დეპუტატმა ადა მარშანიამ უკვე დააანონსა და ის პოლიტიკოსებში უკვე შეფასდა ანტისახელმწიფოებრივ ნაბიჯად.

"საქართველომ უფრო მეტად უნდა იაქტიუროს ვაშინგტონის მიმართულებით - დონალდ ტრამპს უყვარს საქართველო და თქვენ უნდა გამოიყენოთ ასეთი ძლიერი პრეზიდენტი, სანამ ის "თეთრ სახლს" ხელმძღვანელობს.

ისტორიული ძეგლების რეაბილიტაცია, ქალაქის ვიზუალური სტანდარტის შემოღება და ქართული შრიფტის სათანადო დაცვა, - ეს ის ძირითადი საკითხებია, რომლის განხორციელებას "ქართული ოცნების" თბილისის მერობის კანდიდატი კახი კალაძე ურბანული პოლიტიკის მოწესრიგების კუთხით გეგმავს. მან დეველოპერებსა და სამშენებლო კომპანიების წარმომადგენლებს უკვე მიმართა და გააფრთხილა, რომ მისი მერობის პერიოდში, მწვანე სივრცეებისა და კულტურული მემკვიდრეობის შეზღუდვის ხარჯზე მშენებლობის არც ერთი ნებართვა არ გაიცემა. 

პრეზიდენტის თხოვნით, საკონსტიტუციო ცვლილებების ალტერნატიული, ოპოზიციისეული ვარიანტი ამ კვირაში იქნება მზად, თუმცა ეს, სავარაუდოდ, არაფერს შეცვლის. მმართველი პარტია უკვე ორი მოსმენით მიღებულ საკონსტიტუციო ცვლილებებზე 22 სექტემბერს ვენეციის კომისიის შუალედურ დასკვნას ელოდება, რის შემდეგაც ორი მოსმენით განხილულ და მიღებულ ცვლილებებს მესამე მოსმენითაც განიხილავენ.

ოდესის ყოფილ გუბერნატორსა და საქართველოს მესამე პრეზიდენტ მიხეილ სააკაშვილს არც ციხე ელის და არც საქართველოში ექსტრადირება. ყოველ შემთხვევაში, სააკაშვილი უკრაინის ხელისუფლების მხრიდან ხელშეუხებელი მანამდე იქნება, სანამ მას მუდმივი საცხოვრებლის დოკუმენტები აქვს.

"გურია ნიუსი" საკუთარი ჟურნალისტის შეურაცხყოფისა და ცილისწამებისთვის ოზურგეთის მერობის კანდიდატს უჩივის. საქმე ეხება გაერთიანებული ოპოზიციის კანდიდატის - გოჩა ძიმისტარაშვილის "ფეისბუქ" პოსტებს, რომლითაც ჟურნალისტ გიორგი გირკელიძეს დაკვეთილი სტატიების წერასა და ფულის აღებაში ადანაშაულებს.

"ქართულ ოცნებას" კარგად ეხერხება, რომ ამომრჩეველს მუდმივად უყიჟინოს - მგელი მოდისო. ფაქტია, სააკაშვილის საქართველოში გამოშვება არის სწორედ ის თემა, რაც ჩვენი ხელისუფლებისთვის დიდი საფრთხის მატარებელია. მართალია, საჯაროდ არ აცხადებენ, მაგრამ უკრაინის ხელისუფლებას ურჩევნია, სააკაშვილი საქართველოში იყოს, ჩვენსას კი - პირიქით", - აცხადებს პოლიტოლოგი სოსო ცისკარიშვილი "მთელ კვირასთან" საუბრისას.

სოხუმის სეპარატისტული ხელისუფლების ცნობით, გერმანიის დედაქალაქ ბერლინში ოკუპირებული აფხაზეთის დე ფაქტო სავაჭრო-სამრეწველო პალატის წარმომადგენლობა გაიხსნა. მათივე ინფორმაციით, ამას წინ უძღოდა რამდენიმე წლის მოლაპარაკება გერმანიის ხელისუფლებასთან.