"თუ კალაძე გახდა მერი, რას მივიღებთ, იცით? თითოეულ ოჯახში გუგავა კი არ მოვა, მოვა კალაძის წყლის, გაზის, ელექტროენერგიის გაზრდილი ტარიფების ქვითარი, მოვა "სიტი პარკის" საჯარიმო ქვითარი, ბანკის თანამშრომელი - დასაყადაღებლად, ფანჯრებთან ამოვა ბეტონის მონსტრები კორპუსების სახით. ამ ქალაქში ცხოვრება გაუსაძლისი იქნება. ეს არჩევანია: ან ირჩევთ მაფიოზა-თაღლით კალაძეს, ან ირჩევთ ხალხის მსახურ გუგავას," - აცხადებს "ლეიბორისტების" თბილისის მერობის კანდიდატი გიორგი გუგავა.

24 ნოემბერს ბრიუსელში "აღმოსავლეთ პარტნიორობის" სამიტი გაიმართება. საქართველო, უკრაინა და მოლდოვა, როგორც ამ პროგრამის მონაწილე ის ქვეყნები, რომლებმაც ევროკავშირთან დაახლოების მხრივ შესამჩნევი პროგრესი განიცადეს, სამიტისთვის ერთობლივად ემზადებიან.

თვითმმართველობის არჩევნებზე მერის სავარძლებისთვის ბრძოლაში "ქართულ ოცნებას" არა მარტო ოპოზიციასთან უწევს კონკურენცია-დაპირისპირება, არამედ საკუთარი პარტიის წევრებთან (თუ უკვე ყოფილ წევრებთან). თან მათ შორის მოქმედი და ყოფილი გამგებლებიც არიან, რომლებიც "ოცნებამ" დაიწუნა და ამის გამო დამოუკიდებელი კანდიდატის სტატუსით გადაწყვიტეს ბრძოლა იმ პარტიასთან, რომელმაც მათ ზურგი აქცია.

საკონსტიტუციო ცვლილებების პროექტში ხელისუფლებამ შესაძლოა, რაღაც ცვლილებები განახორციელოს. ყოველ შემთხვევაში, ვენეციის კომისიის მდივანი ტომას მარკერტი ირწმუნება, რომ მას ამის შესახებ ინფორმაცია მმართველი გუნდიდან მიაწოდეს.

"რიგ პარტიებში უფრო ძლიერი ფიგურები საკრებულოს კანდიდატებად გაუშვეს, ხოლო მერობაზე წარმოდგენილი პირები იმდენად მძიმეწონისანი არ არიან. შესაბამისად, არის აზრი, რომ ზოგიერთმა ოპოზიციურმა პარტიამ სტრატეგია საკრებულოსკენ აიღო და მერობაზე ბრძოლას თავი დაანება. ამ სტრატეგიაში ლოგიკა ნამდვილად არის", - აღნიშნულ შეფასებას პოლიტოლოგი რამაზ საყვარელიძე "რეზონანსთან" ინტერვიუში აკეთებს.

ბოლო წლების გახმაურებულ საქმეებზე, რომელთა გახსნასაც ძალოვნები საზოგადოებას უმოკლეს ვადაში ჰპირდებოდნენ, კვლავ არაფერია ცნობილი. არასამთავრობო ორგანიზაცია "საერთაშორისო გამჭვირვალობამ" მთავარი პროკურატურისაგან 34 საქმეზე გამოითხოვა ინფორმაცია, მაგრამ ვერანაირი პასუხი ვერ მიიღო.

მეორე ტურის შანსი რეალურია. თუ უდუმაშვილი გავა მეორე ტურში, ეს ხელისუფლების გარანტირებული გამარჯვება იქნება. ვინც "ნაციონალურ მოძრაობას" მხარს არ უჭერს, ის მეორე ტურში უდუმაშვილს მხარს არ დაუჭერს. ეს ცხადყო 2016 წლის არჩევნებმა", - აცხადებს "რესპუბლიკელი" დავით ზურაბიშვილი.

"დაახლოებით 24 ათასი ფაილი იყო, გავანადგურეთ მხოლოდ მცირე ნაწილი - 144 ფაილი, ისინი, რომლებიც დაკავშირებული იყო პირად ინტიმურ ცხოვრებასთან... რასაც ექსპრეზიდენტი (სააკაშვილი) უკანონო ინტიმურ ჩანაწერებზე ლაპარაკობს, ეს სიმართლე არ არის. იმ შემთხვევაშიც კი, თუ დავუშვებთ, რომ სააკაშვილმა ამ ჩანაწერების შესახებ არ იცოდა, მაინც მასზე გადადის პასუხისმგებლობა. თუმცა მგონია, რომ იმდენად მასშტაბური იყო ეს პრობლემა, რთულად წარმოსადგენია, ეს მაშინდელ პრეზიდენტს არ სცოდნოდა," - აცხადებს "საერთაშორისო გამჭვირვალობა - საქართველოს" აღმასრულებელი დირექტორი ეკა გიგაური.

"ქართული ოცნების" ბოლო შანსი?!" - პრეზიდენტი მმართველ ძალას ოპოზიციასთან ერთად საკონსტიტუციო ცვლილებების ალტერნატიულ პროექტს სთავაზობს. თუმცა ხელისუფლება არც ამ შემთხვევაში აპირებს ამის გათვალისწინებას და თვის ბოლოსთვის კონსტიტუციის მესამე მოსმენის მიღებისთვის ემზადება. ოპოზიციაში კი აცხადებენ, რომ დოკუმენტი, რომელიც მზადდება, სერიოზული წონის იქნება და "ოცნებას" იზოლაციაში აუცილებლად მოაქცევს.

აშშ შეშფოთებულია ოკუპირებულ "სამხრეთ ოსეთსა" და აფხაზეთში ე.წ. ბორდერიზაციითა და გამშვები პუნქტების დახურვის გამო და რუსეთს მოუწოდებს, საქართველოს რეგიონებიდან თავისი სამხედროები გაიყვანოს.

"მეორე ტური, მაღალი ალბათობით, მოხდება, მაგრამ აქ უკვე მნიშვნელოვანია, ვინ გავა ოპოზიციის მხრიდან და რამდენად მოახერხებს ოპოზიციის ელექტორატის მთლიანად კონსოლიდაციას.

თვითმმართველობის არჩევნებამდე თვე-ნახევრით ადრე ჯერ კიდევ უცნობია პოლიტიკური პარტიების რეალური რეიტინგები. შესაბამისად, გახდება თუ არა რომელიმე რეგიონი "ოცნებისთვის" აქილევსის ქუსლი, ჯერჯერობით გაურკვეველია. პოლიტოლოგების პროგნოზით, "ოცნებას" გამარჯვება ისევ იმ რეგიონებში გაუჭირდება, სადაც გასულ წელს სახელისუფლებო ძალას პრობლემები შეექმნა.